{"id":26355,"date":"2018-05-07T15:35:22","date_gmt":"2018-05-07T13:35:22","guid":{"rendered":"http:\/\/www.therwandan.com\/ki\/?p=26355"},"modified":"2018-05-08T10:34:36","modified_gmt":"2018-05-08T08:34:36","slug":"urubanza-rwo-kwa-rwigara-rwahinduye-isura-tabitha-gwiza-jp-turayishimye-nabandi-bashobora-kuburanishwa-badahari","status":"publish","type":"post","link":"https:\/\/www.therwandan.com\/ki\/urubanza-rwo-kwa-rwigara-rwahinduye-isura-tabitha-gwiza-jp-turayishimye-nabandi-bashobora-kuburanishwa-badahari\/","title":{"rendered":"Urubanza rwo kwa Rwigara rwahinduye isura Tabitha Gwiza, JP Turayishimye n’abandi bashobora kuburanishwa badahari"},"content":{"rendered":"

Abagize umuryango wa Nyakwigendera Assinapol Rwigara bitabye ubutabera mu gitondo cyo kuri uyu wa mbere ngo baburanishwe urubanza mu mizi ku byaha byo guteza imvururu, cyangwa imidugararo muri Rubanda. Ubushinjacyaha burasaba ko n’abavandimwe babo bane bari mu mahanga bategekwa kwitaba ubutabera bw’u Rwanda bakaburanishirizwa hamwe.<\/p>\n

Bombi mu makanzu maremare y\u2019iroza aranga abagororwa, umunyapolitiki utavuga rumwe n\u2019ubutegetsi buriho mu Rwanda Umwali Diane Shima Rwigara, nyina na we Adelide Mukangemanyi Rwigara ubarebye ku masura barakomeye ariko na none mu ngano barananutse.<\/p>\n

Umucamanza akimara guhamagaza abaregwa akabamenyesha imyirondoro n\u2019ibyaha buri umwe akurikiranyweho byahise bica amarenga ko iyi dosiye ishobora kuzahindura isura.<\/p>\n

Amazina nka Mugenzi Tabitha Gwiza murumuna wa Adeline Rwigara uba i Toronto muri Canada, n\u2019abandi bavandimwe barimo Xaverine Mukangarambe uba muri USA, Edmond Bushayija bakunze kwita Sacyanwa uba mu Bubiligi na Jean Paul Turayishimye uba muri USA na bo biyongereye muri iki kirego.<\/p>\n

Bitandukanye n\u2019uko byumvikanaga mu rubanza ku ifungwa n\u2019ifungurwa ry\u2019agateganyo aba bavugwaga ko baganiraga n\u2019abaregwa ku matelefone ari ho ngo hakomotse ibyaha birimo ibyo guteza imidugararo cyangwa imvururu muri Rubanda bigasa n\u2019ibigarukira aho.<\/p>\n

Ubutabera bw\u2019u Rwanda burafata abavandimwe bane ba Diane Rwigara na Adeline Rwigara bari mu mahanga nk\u2019abakurikiranywe bihishe ubutabera.<\/p>\n

N\u2019ubwo nta byinshi byavuzwe kuri iyi dosiye kubera urundi rubanza mu rukiko rw\u2019ikirenga Me Gatera Gashabana yasabaga kubanza kujya gukurikirana, umucamanza yavuze ko mu busabe bw\u2019uyu munyamategeko umenyerewe mu manza zikomeye yifuza ko izi manza z\u2019abari mu Rwanda n\u2019abari hanze zatandukanywa.<\/p>\n

N\u2019ubwo umucamanza yavuze ko azabisuzuma mu iburanisha ritaha, bwana Ndibwami Rugambwa na mugenzi we Faustin Mukunzi ku ruhande rw\u2019ubushinjacyaha barifuza ko urubanza rwaburanishirizwa hamwe.<\/p>\n

Barasaba urukiko gutegeka Mme Mugenzi Tabitha Gwiza, Jean Paul Turayishimiye, Xaverine Mukangarambe na Edmond Bushayija bakunze kwita Sacyanwa bari mu mahanga bakazitaba ubutabera kuko ngo ibyo bakoranye n\u2019abo mu muryango wa Rwigara bifitanye isano.<\/p>\n

Aba bane bari mu mahanga nta nyito y\u2019icyaha kuri buri umwe yigeze isobanurwa.<\/p>\n

\"\"<\/a>Umwali Diane Shima Rwigara araregwa icyaha cyo gukora no gukoresha inyandiko mpimbano gikomoka ku mikono yakusanyaga ubwo yashakaga guhatanira gutegeka u Rwanda mu matora y\u2019umukuru w\u2019igihugu ya 2017.<\/p>\n

Ubushinjacyaha bumurega ko mu bo yasinyishije hagaragayemo n\u2019abapfuye.<\/p>\n

Araregwa kandi icyaha cyo guteza imvururu cyangwa imidugaragaro muri rubanda na cyo gikomoka mu biganiro yagiye agirana n\u2019itangazamakuru mu bihe bitandukanye mu gihe yashakaga kwiyamamariza gutegeka ntabigereho.<\/p>\n

Ku ruhande rwe uyu munyapolitiki avuga ko ibyaha byose aregwa ari ibya politiki byacuzwe mu nyungu z\u2019ubutegetsi bugamije kumwigizayo.<\/p>\n

Nyina umubyara Adeline Rwigara na we arahurira n\u2019imfura ye ku cyaha cyo guteza imvururu cyangwa imidugararo muri rubanda gikomoka ku biganiro yagiye agirana n\u2019abavandimwe be baba hanze barimo murumuna we Tabitha Gwiza uba i Toronto muri Canada.<\/p>\n

Mu myiregurire ye avuga ko ibiganiro byo kuri telephone atabibonamo icyaha kuko ngo yatekererezaga abavandimwe be akaga kamugwiririye nyuma yo gupfusha umugabo we Assinapol Rwigara mu ntangiro za 2015.<\/p>\n

Adeline Rwigara na we arisangiza ku cyaha cy\u2019ivangura no gukurura amacakubiri byose bivugwa ko yabikoranye n\u2019abavandimwe be avuga ko ubutegetsi bw\u2019u Rwanda buyobowe n\u2019abatutsi bwamwiciye umugabo.<\/p>\n

Ni ibyaha na we avuga ko bishingiye ku mpamvu za Politiki.<\/p>\n

Kubera urundi rubanza Me Gatera Gashabana yagombaga kuburana mu rukiko rw\u2019ikirenga kandi na rwo yavuze ko rukomeye byabaye ngombwa ko umucamanza asubika uru rubanza.<\/p>\n

Iburanisha rya none ryari ryitabiriwe n\u2019abavandimwe b\u2019abaregwa, abahoze ari abakozi b\u2019uruganda rw\u2019itabi rwo kwa Rwigara, abadiplomate ba zimwe muri ambasade mu Rwanda, umunyapolitiki utavuga rumwe n\u2019ubutegetsi bw\u2019i Kigali Me Bernard Ntaganda washinze Ishyaka PS Imberakuri ryacitsemo ibice, itangazamakuru n\u2019abandi.<\/p>\n

Haribazwa niba koko abari mu mahanga mu bihugu bitandukanye bashobora kuzatumirwa kuburana uru rubanza cyangwa se niba urukiko ruzafata umwanzuro wo kuzababuranisha badahari nk\u2019uko byagenze kuri ba Gen Faustin Kayumba Nyamaswa.<\/p>\n

Ikizakurikira gishobora kuzamenyekana mu iburanisha ritaha ryimuriwe ku itariki ya 22\/05\/2018.<\/p>\n