Nyuma y\u2019aho hakwirakwiye amakuru avuga ko colonel Patrick Karegeya, yari ayoboye imirwano i Goma afatanije ngo n\u2019ingabo za FDLR ngo akaba aribo barasaga ibisasu mu Rwanda, urubuga The Rwandan rwashatse amakuru y\u2019imvaho maze rubaza nyirubwite colonel Patrick Karegeya.<\/p>\n
Ayo makuru yari yakwirakwijwe ku mbuga za interineti n\u2019abantu bari hafi cyane mu butegetsi bwa Perezida Paul Kagame ndetse hari amakuru dufite ko mu manama amwe FPR imaze iminsi ikoresha mu rwego rwo kwizihiza imyaka 25 imaze ishinzwe, hari aho abaturage babwiwe ko ngo Leta ya Congo yifashishije abarwanyi ba FDLR ndetse n\u2019abandi basirikare bahunze nka colonel Patrick Karegeya na Lt Gen Kayumba Nyamwasa.<\/p>\n
Mu kiganiro twagiranye na colonel Patrick Karegeya ku murongo wa telefone, yadutangarije ko atari i Goma ahubwo aheruka muri Congo mu myaka ya 2003\/2004. Tumubajije niba ntaho yaba ahuriye n\u2019ibibera muri Congo, yadutangarije ko iyo aza kuba afite iyo migambi bamwitirira ntabwo yari kujya muri Afrika y\u2019Epfo ahubwo yari kujya muri Congo kuko niho hafi.<\/p>\n
Umunyamakuru wacu Marc Matabaro amubajije impamvu yaba itera abantu kumushyira mu majwi muri kiriya kibazo, yasobanuye ko Leta y\u2019u Rwanda buri gihe ishaka kubeshya abanyarwanda kugira ngo ibarangaze ibibagize ibibazo nyabyo bafite by\u2019ubukene ndetse kubera gutinya ko abanyarwanda bamaze kurambirwa akarengane bashyigikira abayirwanya, ihitamo guhimba ibinyoma no gukoresha uburyo bwose bushoboka ngo ibangishe abaturage.<\/p>\n
Ku bijyanye na M23, twamubajije niba abona koko Leta y’u Rwanda iyifasha, colonel Patrick Karegeya yasetse avuga ko Leta y’u Rwanda yagombye kureka gutekereza ko abantu ari ibicucu. Yagize ati:”Ibihumbi n’ibihumbi by’abasirikare bambuka abantu ntibaba babareba? Ese abo basirikare nta miryango cyangwa inshuti bagira ku uburyo bababwira aho bagiye? Abagwa ku rugamba bo se bangana iki ko imiryango yabo idashobora no kubona aho ibariza?”<\/p>\n
Mu gusoza icyo kiganiro colonel Patrick Karegeya yagiriye inama abanyarwanda muri rusange n\u2019abasirikare by\u2019umwihariko abasaba kutivanga mu mafuti Perezida Kagame ashaka kubajyanamo, kuko amaherezo bashobora kuzabibazwa cyangwa bikabagiraho ingaruka zikomeye. Yagize ati:\u201dPerezida Kagame ubwe yarivugiye ngo wirukankana umuntu yageraho akabura aho ahungira akakugarukana, n\u2019abanyarwanda ntabwo bagombye gutekereza ko abanyekongo bazahora biruka hari igihe bazagera aho bagahagarara kuko n\u2019ubwo bafite ibibazo nta muntu ukunda gutegekwa n\u2019abanyamahanga mu gihugu cye.”<\/p>\n
Ababikurikiranira hafi bemeza ko gushaka kumvisha abaturage ko abarwanya Leta y\u2019u Rwanda bafatanije na Leta ya Congo ari uburyo bwo gutangira gutegura abanyarwanda ngo umunsi Leta y\u2019u Rwanda yashyize ikemera ko ifasha M23 izagire urwitwazo itanga ko yari ikurikiranye abayirwanya bashakaga gutera mu Rwanda.<\/p>\n
Ubwanditsi<\/p>\n","protected":false},"excerpt":{"rendered":"
Nyuma y\u2019aho hakwirakwiye amakuru avuga ko colonel Patrick Karegeya, yari ayoboye imirwano i Goma afatanije ngo n\u2019ingabo za FDLR ngo akaba aribo barasaga ibisasu mu Rwanda, urubuga The Rwandan rwashatse amakuru y\u2019imvaho maze rubaza nyirubwite colonel Patrick Karegeya.<\/p>\n","protected":false},"author":3,"featured_media":2671,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-2670","post","type-post","status-publish","format-standard","has-post-thumbnail","hentry","category-amakuru"],"yoast_head":"\n