Mu ruzinduko bagiriye mu karere ka Musanze kuri yu wa kabiri, abasenateri mu nteko ishinga amategeko y\u2019u Rwanda ntibanyuzwe n\u2019imibare igaragazwa n\u2019aka karere y\u2019ikigereranyo kagezeho kageza amazi meza ku baturage.<\/p>\n
Nyuma yo kumurikirwa ibyakozwe n\u2019ibiteganyijwe gukorwa muri gahunda yo kugeza amazi ku baturage, Senateri UWIMANA Console\u00e9 na Senateri Prof. BAJYANA Emmanuel bagaragaje gukemanga ikigereranyo cya mirongo inani n\u2019icyenda ku ijana (89%) akarere ka Musanze kavuga ko aricyo kagezeho kageza amazi ku baturage. Senateri UWIMANA Console\u00e9 yavuze ko nta kuntu aka karere kaba kageze kuri icyo gipimo mu kugeza amazi ku baturage ngo kabe kakigaragaramo abantu barwaye amavunja, ibyo we avuga ko biterwa n\u2019umwanda uturuka ku kutagira amazi.<\/p>\n
Impungenge z\u2019aba basenateri kandi zaje kwiyongera ubwo bageraga mu murenge wa Nkotsi, aho abahatuye mu kwezi kwa 11 umwaka ushize wa 2017 batangarije TV\/Radio1 ko bavoma ibirohwa nyuma y\u2019uko amavomo bari bafite yari amaze imyaka itanu yangiritse ntasanwe, ikibazo bagifite kugeza n\u2019ubu. Ibi byatumye abo basenateri bongera gukemanga ubuziranenge bw\u2019imibare itangazwa n\u2019akarere ka Musanze y\u2019abamaze kugezwaho amazi meza nyamara hari abo imiyoboro bubakiwe yamaze kwangirika n\u2019ubundi basubiye kuvoma ibirohwa.<\/p>\n
Umuyobozi w\u2019intara y\u2019amajyaruguru GATABAZI Jean Marie Vianey wemera ko ikosa ryo kubeshya imibare rikunze kugaragara ku bayobozi bo mu nzego z\u2019ibanze, yabasabye kubyirinda kuko babikora bibwira ko babeshya ababakuriye nyamara bikagira ingaruka mbi ku baturage bayobora no ku buzima bw\u2019igihugu muri rusange kuko bituma hadakorwa igenamigambi risubiza ibibazo bihari.<\/p>\n