Abenshi mwatubajije mushaka kumenya uko imihango yo kumwibuka yagenze, ku itariki ya 02\/06\/2018.<\/p>\n
SENDASHONGA YARISHWE ARIKO YANZE GUPFA GUPFA \u00bb<\/p>\n
Yanze gupfa gupfa, yanga gupfa ubusa, ibyo yarwaniraga byatumye apfa, byanatumye havuka izindi ntwari, nk\u2019uko umufasha we Siriaka abivuga ndetse yanabyanditse mu gitabo INZIRA Y\u2019UBUTWARI aho agira ati : AHO INTWARI ICIYE HAVUKA IZINDI .<\/p>\n
Uyu Madame Sendashonga Siriaka, ati ntitunakwiye kuvuga ngo Nyakwigendera Sendashonga, ati kuko iyo ndebye abantu bari hano kuri uyu munsi tumwibuka nyuma y\u2019imyaka 20 yishwe, ngo biragaragaza ko atagiye.<\/p>\n
Ni kuwa gatandatu tariki ya 02\/06\/2018, mu muhango wo kwibuka Bwana Seth SENDASHONGA, wishwe n\u2019abagome ba FPR yari yariyeguriye, maze apfa ari mu nzira y\u2019ubutwari, ngo abicanyi bakaba bari batumwe na Prezida Paul Kagame. Hari ku ya 16\/05\/1998. Yitabye Imana afite imyaka 47 gusa y\u2019amavuko kuko yavutse mu mwaka w\u20191951.<\/p>\n
Kwibuka Seth Sendashonga, nyuma y\u2019imyaka 20 ababisha bamwivuganye ,ni igikorwa cyabereye i Buruseli mu Bubiligi, k\u2019ubutumire bw\u2019ishyirahamwe ISCID : Institut Seth pour la citoyennet\u00e9 d\u00e9mocratique, ikaba iyobowe na Bwana Kabagema Jean Claude, naho Madamu wa Sendashonga Siriaka akaba ayibereye umunyamuryango w\u2019icyubahiro.<\/p>\n
Uyu munsi wo kwibuka Sendashonga, iri shyirahamwe ryawumuritsemo igitabo INZIRA Y\u2019UBUTWARI, Madamu Siriaka wagikoreye iriburiro, yaribuye agira ati : AHO INTWARI ICIYE HAVUKA IZINDI ; aho baragaragaza bamwe mu banizwe bari mu nzira y\u2019ubutwari barimo Ingabire Umuhoza Vigitoriya, Diane Shimwa Rwigara na Nyina Ad\u00e9line , Niyitegeka , intumwa z\u2019ishyaka Ishema, D\u00e9o Mushayidi, Bernard Ntaganda, Kizito Mihigo, n\u2019abandi .<\/p>\n
Ubwo abari aho, benshi b\u2019ingeri zose baturutse imihanda yose no mu miryango itandukanye, bakurikiye ibiganiro mbwirwaruhame bijyanye n\u2019iyo nyito y\u2019igitabo : INZIRA Y\u2019UBUTWARI.<\/p>\n
Tugera mu cyumba cyagenewe uwo muhango, twasanze Munyarugerero Fransisko Saveri avuga ku bijyanye n\u2019ubutwari, aho avuga ko akenshi intwari iba ikikijwe n\u2019ibifura n\u2019abagome, ari nabo usanga bakataje mu gupfukirana rubanda ngo iteshuke mu gukurikira ukuli, ubwiza, ibyiza n\u2019ubwigenge.<\/p>\n
Bwana Nkubito Yohani Kolode, yavuze ku itangazamakuru n\u2019abanyamakuru, avuga ukuntu Imvaho, Radio Rwanda na Kinyamateka babimburiye itangazamakuru mu Rwanda.<\/p>\n
Ubwo yibukije uko ibinyamakuru byagiye bivuka mu Rwanda ubundi bikazimira, avuga ko kuri uyu munsi mu Rwanda hari ibinyamakuru birenze ijana kuri murandasi n\u2019amaradio arenze 30 utabariyemo avuga k\u2019uburyo busanzwe asaga 20. Ati ariko ibyo binyamakuri biracyahura n\u2019ingorane : kubura ubwisanzure, ubukene no kudashobora kugera ku baturage.<\/p>\n
Ati kuba umunyamakuru ni ugushinyiriza , kandi ngo itangazamakuru ni inkingi ikomeye ya demokarasi ; ubwisanzure bwaryo ni igipimo cy\u2019aho ukwishyira ukizana bigeze mu gihugu.<\/p>\n
Ikiganiro cyagiweho impaka cyane ni icyo bise : ITEKINIKA NK\u2019INTWARO YA LETA YA FPR-INKOTANYI ,izo mpaka zikaba zayobowe na Biruka Innocenti. Yatangiye abaza abari aho ati mumpe urugero muzi rw\u2019itekinika. Dore ngo ingero zirabura aho zandikwa, kuko buri wese yashakaga kuvuga :<\/p>\n
– Diane Rwigara baramutekinikiye bavuga ko yahimbye imikono ;<\/p>\n
– Ngo Kagame yahagaritse g\u00e9nocide ngo nabyo ni itekinika ;<\/p>\n
– Ngo mu Rwanda nta moko abayo nyamara hakavuga g\u00e9nocide yakorewe abatutsi ;<\/p>\n
– Ngo indege ya Habyarimana yahanuwe n\u2019abasilikare be ;<\/p>\n
– Ngo mu nzibutso hahambyemo imirambo y\u2019abatutsi gusa , n\u2019ibindi<\/p>\n
Ubwo banzuye bashaka umuti, ko ari nta wundi ari IKIBATSI.<\/p>\n
Nkuliyingoma wari n\u2019umuhuza muri ibyo biganiro, yagarutse ku banyamakuru benshi bari bitabiriye uyu munsi w\u2019inzira y\u2019ubutwari, ndetse no ku bandi banyuze muri iyo nzira ariko bakaba batakiriho, ati mwese muri mu nzira y\u2019ubutwari.<\/p>\n
Haje gukurikiraho kungurana ibitekerezo, byakurikiwe n\u2019ubuhamya bwa bamwe mu bagize uruhare mu itegurwa ry\u2019iki gitabo : inzira y\u2019ubutwari.<\/p>\n
Rutabana Ben yavuze mu izina rya Diane Rwigara abereye nyirarume, Mme Cyiza Denise Ntamwera avuga mu izina rya foundation Cyiza; uyu cyiza wari ufite ipeti rya Lieutenant colonel mu ngabo za FPR umugore we yemeza ko yishwe na FPR \u2013Inkotanyi;<\/p>\n
Madame Mukakinani Naom\u00e9, umuyoboke w\u2019ishyaka FDU-Inkingi yavuze mu izina rya Mme Umuhoza Ingabire Vigitoriya.<\/p>\n
Padiri Nahimana nawe yahawe ijambo mu izina ry\u2019ishyaka Ishema, dore ko nabo bagaragara muri iki gitabo nk\u2019abari mu nzira y\u2019intwari; mwibuke ijoro baraye ku kibuga cy\u2019indege I Nairobi babujijwe kwinjira mu Rwanda aho we na bagenzi be bashakaga kujya gukorera poliki hafi y\u2019abaturage.<\/p>\n
Bwana Twagiramungu Faustini yatanze ubuhamya kuri Seth Sendashonga, agaruka ku bikorwa bye byo gushaka kurwanya akarengane, cyane cyane igihe yandikiye ubutegetsi bw\u2019u Rwanda amaburuwa 736 asaba ko ingabo za FPR zareka gukomeza gutoteza abaturage no kubica.<\/p>\n
Icyo twabamenyesha ni uko uwaba yifuza icyo gitabo kigura amaeuro 10 gusa, yakwegera Kabagema J Claude .<\/p>\n
Agn\u00e8s Mukarugomwa<\/strong><\/p>\n Ikondera libre, I Buruseli mu Bubiligi<\/p>\n 02\/06\/2018.<\/p>\n","protected":false},"excerpt":{"rendered":" Abenshi mwatubajije mushaka kumenya uko imihango yo kumwibuka yagenze, ku itariki ya 02\/06\/2018. SENDASHONGA YARISHWE ARIKO YANZE GUPFA GUPFA \u00bb Yanze gupfa gupfa, yanga gupfa ubusa, ibyo yarwaniraga byatumye apfa, byanatumye havuka izindi ntwari, nk\u2019uko umufasha we Siriaka abivuga ndetse yanabyanditse mu gitabo INZIRA Y\u2019UBUTWARI aho agira ati : AHO INTWARI ICIYE HAVUKA IZINDI . […]<\/p>\n","protected":false},"author":2,"featured_media":26763,"comment_status":"open","ping_status":"open","sticky":false,"template":"","format":"video","meta":{"footnotes":""},"categories":[46],"tags":[84,86,89,95,90],"class_list":["post-26761","post","type-post","status-publish","format-video","has-post-thumbnail","hentry","category-amanama","tag-genocide","tag-kagame","tag-rwanda","tag-sendashonga","tag-visitrwanda","post_format-post-format-video"],"yoast_head":"\n