{"id":27018,"date":"2018-06-18T21:59:23","date_gmt":"2018-06-18T19:59:23","guid":{"rendered":"http:\/\/www.therwandan.com\/ki\/?p=27018"},"modified":"2018-06-18T21:59:23","modified_gmt":"2018-06-18T19:59:23","slug":"anne-rwigara-yamaganye-itezwa-cyamunara-ryumutungo-wumuryango-we","status":"publish","type":"post","link":"https:\/\/www.therwandan.com\/ki\/anne-rwigara-yamaganye-itezwa-cyamunara-ryumutungo-wumuryango-we\/","title":{"rendered":"Anne Rwigara yamaganye itezwa cyamunara ry’umutungo w’umuryango we"},"content":{"rendered":"

Mu Rwanda ikigo cy’igihugu cy’imisoro n’amahoro, Rwanda Revenue Authority, cyateje cyamunara undi mutungo ugizwe n’imashini z’uruganda rw’itabi Premier Tabaco Company rw’uwahoze ari umucuruzi ukomeye – Assinapol RWIGARA – witabye Imana mu 2015.<\/p>\n

Miliyari imwe na miliyoni zikabakaba magana inani niyo yavuye muri iyo cyamunara.<\/p>\n

Ikigo cy’imisoro mu Rwanda kivuga ko biri mu rwego rwo kwiyishyura umwenda uyu muryango ukibereyemo.<\/p>\n

Cyakora Anne RWIGARA – umukobwa wa Assinapol Rwigara – yavuze ko bangiwe gushyiraho umugenagaciro wabo kandi ayo mafaranga umutungo wabo wagurishijwe ari make ugereranyije n’agaciro ibyatejwe byari bifite.<\/p>\n

Umutekano wari wakajijwe kandi uwinjiraga muri urwo ruganda yasakwaga ndetse bakabanza gusigarana ibyangombwa bye.<\/p>\n

Abari baje gupiganwa ni abagabo umunani gusa.<\/p>\n

Ariko muri iyi cyamunara umwe niwe watanze igiciro gusa kandi nta mpinduka yo kucyongera yabayeho ku bandi bari baje kugura.<\/p>\n

Ayo mafaranga miliyari imwe na miliyoni magana arindwi na mirongo icyenda na zirindwi niyo yari yavuzwe n’umuhesha w’inkiko – Vedaste HABIMANA – nk’agaciro kabazwe kuri izo mashini kandi ni nayo yahise yishyurwa.<\/p>\n

Iyo cyamunara yegukanwe na Company MM and RGD Ltd ihagarariwe na Olivier UDAHEMUKA avuze incuro imwe gusa.<\/p>\n

\"\"<\/a>
Olivier UDAHEMUKA (uwo hagati) ngo niwe uhagarariye abaguze amamashini y’uruganda rwa Rwigara<\/figcaption><\/figure>\n

Iyi cyamunara yari iherutse gusubikwa umuryango wa Assinapol RWIGARA uvuga ko wifuza kugararaza agaciro k’ibizatezwa cyamunara.<\/p>\n

Ariko kuri iyi ncuro umukobwa wa Assinapol RWIGARA, Anne RWIGARA, yavuze ko kugeza nubu bangiwe kwinjira ngo bakore igenagaciro.<\/p>\n

Cyakora Umuhesha w’Inkiko we avuga ko ngo batigeze bangira uyu muryango kuza kubara agaciro k’izo machini nkuko bari babisabye.<\/p>\n

Si ubwa mbere habaye cyamunara ku mutungo wa Assinapol RWIGARA wabaye umwe mu bacuruzi bakomeye mu Rwanda kuva mu mwaka wa 1980.<\/p>\n

Mu mezi abiri ashize na none ikigo cy’igihugu cy’imisoro n’amahoro cyateje cyamunara itabi ry’uruganda rw’uyu muryango ryaguzwe miliyoni 512 z’amafaranga y’u Rwanda.<\/p>\n

Rwanda Revenue Authority ivuga yuko uyu muryango ukurikiranyweho kunyereza imisoro y’amafaranga y’u Rwanda miliyari esheshatu na miliyoni 800.<\/p>\n

Assinapol RIGARA yitabye Imana muri 2015, umuryango we ukaba warakunze gutunga agatoki ubutegetsi bw’u Rwanda kugira uruhare muri urwo rupfu nubwo bwabyamaganiye kure.<\/p>\n

Umukobwa we Diane RWIGARA yashatse kwiyamamariza kuyobora igihugu mu matora y’umukuru w’igihugu aheruka ariko ntibyamukundira.<\/p>\n

Kuri ubu afunganwe na nyina Adeline MUKANGEMANYI RWIGARA bakurikiranyweho ibyaha birimo guteza imvururu muri rubanda.<\/p>\n

Ibyo birego bikiyongeraho n’icyo kunyereza imisoro.<\/p>\n

Gusa muri muri miliyari hafi 7 umuryango wa Rwigara ugomba kwishyura ikigo cy’imisoro n’amahoro mu Rwanda, izirenga gato ebyiri gusa nizo zimaze kuva mu mitungo imaze gutezwa cyamunara.<\/p>\n

Izindi nkuru bijyanye:<\/p>\n