Muneza Lambert umwarimu wigishaga muri KIST wari utuye mu mudugudu wa Kokobe, Akagari ka Munanira 2, Umurenge wa Nyakabanda, mu karere ka Nyarugenge yicishijwe ifuni n\u2019icyuma.<\/p>\n
Mu rucyerera rwo kuri uyu wa gatanu tariki ya 23 Ugushyingo 2012 ni bwo Muneza Lambert bamusanze mu nzu yari acumbitsemo, yishwe n\u2019umuntu utaramenyekana kugeza ubu.<\/p>\n
Uwabonye bwa mbere ko Lambert yishwe yatangarije Umuryango.com uko byagenze muri aya magambo : \u201cNabyutse nk\u2019uko bisanzwe nteka icyayi ndangije ndakoropa, hanyuma ndebye itorosho ndayibura mpita njya kureba ko umukozi w\u2019umuturanyi yaba yayitije, mpageze nsanga urugi rurakinze, mbona amaraso munsi y\u2019urugi, ndebye neza mbona itorosho twari dusanzwe dukoresha yari iri munsi y\u2019urugi yuzuye amaraso mpita mpamagara umukoresha wanjye nawe abibonye yihutira guhamagara nyir\u2019igipangu ducumbitsemo. Nawe ahageze yahise ahamagara umuyobozi w\u2019akagari n\u2019ushinzwe umutekano mu mudugudu bahageze bica urugi bahita basangamo umurambo w\u2019umusore wari ucumbitsemo wigishaga muri Kist.\u201d<\/em> Ibi ni ibyatangajwe n\u2019umukozi wo mu rugo wakoreraga urugo rwari ruturanye no kwa Lambert.<\/p>\n Lambert yakodeshaga inzu y\u2019icyumba na salon na douche yo mu nzu akaryama mu cyumba n\u2019aho umukozi akaryama muri salo. Abantu benshi barimo gukeka ko ari we waba yamwishe kuko ababonye uwo mukozi agenda bavuga ko yagiye hagati ya 4:00 na 5:00 za mu gitondo kugeza ubu akaba atari yaboneka atari yanatabaje.<\/p>\n Muteteri Yvonne usanzwe akodesha muri iki gipangu yagize ati :\u201d Umukozi wa Lambert, saa kumi z\u2019ijoro yagiye gutira igitiyo ku muturanyi (uba hanze y\u2019igipangu) asanga umudamu waho ari muri dushe ngo agiye kujya i Mbarara kuzana abana ku ishuri, amubaza icyo akenereye igitiyo amubwira ko ari icyo kuyora ibyondo biri inyuma y\u2019umuryango.\u201d<\/em> Icyo gitiyo uwo mukozi yacyifashishije asiba umuvu w\u2019amaraso yari yatembye munsi y\u2019urugi agahinguka imbere y\u2019umuryango.<\/p>\n Lambert yakubiswe ubuhiri ubwo yari aryamye mu buriri, arabyuka arasohoka ageze hanze yitura hasi ari bwo bamukururaga bamugarura mu nzu bahita bamusongesha icyuma nk\u2019uko bigaragazwa n\u2019ibimenyetso umunyamakuru w\u2019umuryango.com yasanze ahabereye ubwo bwicanyi.<\/p>\n Nk\u2019uko twabitangarijwe n\u2019ubuyobozi bw\u2019inzego z\u2019ibanze twasanze aho Nyakwigendera yari atuye, ntakibazo yari afitanye n\u2019umukozi we wo mu rugo cyangwa undi muturanyi uwo ari we wese. Nyakwigendera yari amaze amezi atandatu atuye aho, akaba yari amaranye n\u2019umukozi we amezi abiri n\u2019igice.<\/p>\n Nk\u2019uko twabitangarijwe n\u2019umuyobozi w\u2019umurenge wa nyakabanda, ntiharamenyekana uwaba yahitanye Lambert ariko ibimenyetso bigaragaza ko uwo mukozi wamukoreraga abifitemo uruhare kuko mu rukerera yatiye igitiyo mu baturanyi aragenda ashyira umucanga hejuru y\u2019amaraso yari yatembye mu nsi y\u2019urugi akanayorosaho itorosho, ari na yo yatumye urwo rupfu rumenyekana, ubundi we agahita azinga utwangushye akagenda.<\/p>\n Iperereza riracyakomeza ngo harebwe uwahitanye nyakwigendera Muneza Lambert, cyakora hakaba hakekwa abagizi ba nabi baba bafatanyije n\u2019umukozi wamukoreraga mu rugo.<\/p>\n Urupfu uyu musore yapfuye ruteye urujijo kuko ntibyoroshye kumva uburyo umuntu yakwicwa bene ako kageni mu gipangu gituwe n\u2019abantu barenga umwe ntihagire umutabara.<\/p>\n Lambert Muneza wishwe, avuka ahahoze ari muri Komini Giti, akaba yari ingaragu, ari umwarimu muri KIST no muri ISAE Busogo. Philbert Hagengimana<\/p>\n Umuryango.com<\/p>\n","protected":false},"excerpt":{"rendered":" Muneza Lambert umwarimu wigishaga muri KIST wari utuye mu mudugudu wa Kokobe, Akagari ka Munanira 2, Umurenge wa Nyakabanda, mu karere ka Nyarugenge yicishijwe ifuni n\u2019icyuma.<\/p>\n","protected":false},"author":3,"featured_media":2709,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-2708","post","type-post","status-publish","format-standard","has-post-thumbnail","hentry","category-amakuru"],"yoast_head":"\n
\nImana imuhe iruhuko ridashira.<\/p>\n