Mu muhango wo kwizihiza Isabukuru yo Kwibohora ku nshuro ya 24, umukuru w’u Rwanda Paul Kagame yasabye abaturiye imipaka y’ibihugu bituranyi gukumira abana babo ntibakomeze kwambuka imipaka bajya gusaba servise z’ubuvuzi n’izindi muri ibyo bihugu.<\/p>\n
Umukuru w’u Rwanda arumvikanisha impungenge ko abo bana bashobora kwambuka imipaka ntibagaruke ku mpamvu zitandukanye. Arabasaba kubakumira mu gihe izo services bajya gushaka kuko zitabegereye batarazibona hafi yabo akizeza ko bagiye gushyiramo ingufu zikabegera.<\/p>\n
Iyi sabukuru yo kwibohora ku nshuro ya 24 ku rwego rw\u2019igihugu yizihirijwe I Muhanga mu ntara y\u2019amajyepfo mu murenge wa Rongi.<\/p>\n
Ni agace k\u2019imisozi miremire ubutegetsi buvuga ko kari karasigajwe inyuma n\u2019amateka mabi akomoka ku butegetsi bwabanje.<\/p>\n
Kuri iyi nshuro uyu muhango watangijwe no gusura ibikorwaremezo birimo inyubako ziri mu mudugudu w\u2019icyitegererezo wa Horeezo wubakiwe abatishoboye bari batuye mu manegeka.<\/p>\n
Kuri Mme Beatrice Uwamariya, Mayor w\u2019akarere ka Muhanga avuga ko aka gace ka Muhanga abari ku 8% batuye mu manegeka mabi ashobora gushyira ubuzima bwabo mu kaga. Kuba rero agace ka Ndiza kari karasigajwe inyuma n\u2019ubutegetsi bubi nk\u2019uko abivuga nyuma y\u2019imyaka 24 ibyakorewe abaturage bigaragaza ikinyuranyo.<\/p>\n
Mme Antoinette Musabyimana umwe mu batujwe muri uyu mudugudu w\u2019icyitegererezo watanze amashimwe ku butegetsi mu izina rya bagenzi be ngo ntibisanzwe.<\/p>\n
Uyu murenge wa Rongi ngo wari warasigajwe inyuma n\u2019amateka mabi, Gen James Kabarebe ministre w\u2019ingabo yibukije ko hagati ya 97 na 99 hari harahindutse indiri y\u2019abacengezi. Yizeza ko ingabo z\u2019igihugu zizakomeza gufatanya n\u2019izindi nzego mu bikorwa biteza imbere igihugu.<\/p>\n
Mu ijambo rye Prezida Paul Kagame yasabye ko nyuma yo kwibohora binyuze mu rugamba rw\u2019amasasu, ubufatanye bwaranze inzego zose ari na ko byakomeza na nyuma yaho mu rugendo rwo kwiteza imbere.<\/p>\n
Ku kijyanye n\u2019abaturiye imipaka batarabona ibikorwaremezo bihagije aho bamwe bakora ingendo bashaka za services zitandukanye mu bihugu bituranyi, Prezida Kagame yavuze ko amaze iminsi yumva ko biriho kandi bidakwiye maze asaba ababyeyi ko bakumira abana babo ntibakomeze kwambuka imipaka y\u2019ibihugu bituranyi bajya gushakayo services z\u2019ubuvuzi n\u2019izindi.<\/p>\n
Prezida Kagame avuze ibi mu gihe mu bihe bitandukanye hakunze kumvikana ibibazo by\u2019umutekano muke ku mipaka ihana imbibe n\u2019u Rwanda ku bihugu bituranyi byakunze gusangira akabisi n\u2019agahiye.<\/p>\n
Mu minsi ishize na bwo ministre w\u2019ingabo Gen James Kabarebe yumvikanye abwira intore z\u2019abacuruzi bari I Nyagatare ko ibihugu bituranyi hafi ya byose bibaniye nabi u Rwanda. Abahamagarira kudasubira muri icyo gihugu gukora icyo we yise \u201cGuhunahuna\u201d ahubwo bakaguma mu rwababyaye bakarwubaka.<\/p>\n
Mu minsi ishize na none ku ruhande rw\u2019igihugu cy\u2019u Burundi Mme Laurentine Kanyana, minisitre w\u2019ubutabera mu Burundi ubwo yari mu ntara ya Kirundo ihana imbibe n\u2019u Rwanda yasabye abanyakirundo guhina akarenge, abahahiraga mu Rwanda bakemera bagatungwa n\u2019iby\u2019iwabo.<\/p>\n