Mu biganiro IMVO N’IMVANO byo ku mataliki ya 30\/7\/2018, 1\/8\/2018 na 4\/8\/2018, CNLG ihamya ko manifesiti y’abahutu yo muri 1959 ariyo ntandaro ya jenoside yabaye mu Rwanda muri 1994. CNLG irimo kuyobya uburari, kandi uwo jenoside yanditse ku gahanga yigaramiye muri Village Urugwiro.<\/p>\n
Ese ninde waciye akagozi ko gutangiza jenoside? Yewe n\u2019umwana wiga mu mashuli abanza wumvise Radio Inyabutatu ivuga akari imurori ndetse akareba \u201cBBC Untold Story\u201d yasubiza kiriya kibazo yemeza yivuye inyuma ko Paul Kagame ari we nyirabayazana ya jenoside n\u2019andi mahano yagwiriye igihugu cyacu mu myaka ya vubaha. Uwo mwana yarahira ko manifesiti y’abahutu ntaho ihuriye na jenoside.<\/p>\n
Intandaro ya jenoside ni irari ry’ubutegetsi ry’agatsiko k\u2019inkoramaraso ko mu moko yombi (abatutsi n’abahutu) kahisemo gutanga ibitambo by’abana b’u Rwanda baba abatutsi, abahutu, abatwa n’abakomoka kuri ayo moko yose kagamije kugundira cyangwa gufata ubutegetsi ku ngufu.<\/p>\n
Intandaro ya jenoside kandi ni umuco wo kudahana wagiye uranga ubutegetsi kuko usanga abari inyuma y’ubwicanyi mu mvururu zo muri 1959, 1963, 1967, 1973, batigeze bahanwa; ndetse ubu noneho byahumiye ku mirari kuko Umwicanyi Paul Kagame wagize uruhare rukomeye muri jenoside yo 1994 yihaye guhana abandi kandi ari we warukwiye gufatwa, agashyikirizwa ubutabera! Kubera ko yakoze amarorerwa akaba yirirwa yidegembya ahantu henshi, yanze rwose kunamura icumu: buri gihe twumva abantu babuze irengero, imirambo y\u2019abantu batazwi ntisiba gutoragurwa hirya no hino, hari abantu baraswa ku manywa y\u2019ihangu bambaye amapingu, hari abaturika imitima kubera amarozi, hari benshi baborera muri gereza bazira amaherere, hari abatoroka igihugu kubera guhigwa bukware, urubyiruko rurara mu bihuru na za ruhurura kubera ko rwafungiwe inzira zose zo kwibeshaho, abana bagwingira kubera ko iyo ari yo gahunda Paul Kagame abafitiye, abaturage bishwe n\u2019amavunja n\u2019inzara n\u2019indwara kubera ko ababona nk\u2019amatungo arutwa n\u2019inka ze aho kubabona nk\u2019abana b\u2019Imana bafite ishusho yayo. Ninde wabasha kurondora amabi ye ngo azayarangize atarwaye isereri? Ububi bwe ntibugira umupaka, bwigaragaza mu bikorwa bye muri jenoside, no mu mibereho ye ya buri munsi ntibwihishira: nibwo bumuranga, kanda kuri iyi link:<\/p>\n