{"id":28504,"date":"2018-09-24T13:53:15","date_gmt":"2018-09-24T11:53:15","guid":{"rendered":"http:\/\/www.therwandan.com\/ki\/?p=28504"},"modified":"2018-09-24T15:51:48","modified_gmt":"2018-09-24T13:51:48","slug":"urubanza-rwabo-kwa-rwigara-rwasubitswe-na-victoire-ingabire-yari-yarwitabiriye","status":"publish","type":"post","link":"https:\/\/www.therwandan.com\/ki\/urubanza-rwabo-kwa-rwigara-rwasubitswe-na-victoire-ingabire-yari-yarwitabiriye\/","title":{"rendered":"Urubanza rw’abo kwa Rwigara rwasubitswe na Victoire Ingabire yari yarwitabiriye"},"content":{"rendered":"

Umucamanza mu rukiko rukuru mu Rwanda yasubitse urubanza ubushinjacyaha buregamo abo mu muryango wa Assinapol Rwigara ibyaha byo guteza imvururu muri rubanda. Impamvu zishingiye ku kuba abunganira abaregwa bihannye umwe mu bacamanza bagize inteko iburanisha. Barasaba gufungurwa by’agateganyo kandi ntibashaka ko ubusabe bwabo bwasuzuma uwo mucamanza arimo kuko ngo yagize uruhare mu byemezo byabanje bibafunga by’agateganyo.<\/p>\n

Byabaye ikinyuranyo ku mucamanza ukuriye inteko iburanisha ubwo yari yiteze gutangira kumva ubwiregure bw\u2019abaregwa. Aravuga ko mu gitondo cyo kuri uyu wa Mbere yabonye amabaruwa yanditswe n\u2019abaregwa basaba gufungurwa by\u2019agateganyo bagakurikiranwa bari hanze.<\/p>\n

Me Buhuru Pierre Celestin wunganira umunyapolitiki utavuga rumwe n\u2019ubutegetsi Umwali Diane Nshimiyimana Rwigara yavuze ko n\u2019ubusanzwe yari yashyizwe mu gifungo cy\u2019agateganyo n\u2019urukiko rukuru kubera impamvu zikomeye zituma akekwaho ibyaha. Yavuze ko ubusabe bwe bwo gufungurwa by\u2019agateganyo bushingiye ku mategeko.<\/p>\n

\"\"<\/a><\/p>\n

Umucamanza akavuga ko inteko iburanisha yaje yiteze gusuzuma ubusabe bw\u2019abaregwa aho gusuzuma ukwihanwa k\u2019umucamanza. Abunganira abaregwa bagashimangira ko n\u2019ubwo yari atabyiteze bitabura kugibwaho impaka hashingiwe ku mategeko. Basabye ko yivana mu rubanza cyangwa bakamwihana.<\/p>\n

Abaregwa bombi batawe muri yombi mu mpera z\u2019ukwezi kwa Cyenda 2017.<\/p>\n

Umunyapolitiki utavuga rumwe n\u2019ubutegetsi buriho Umwali Diane Shima Rwigara yihariye ku cyaha cyo gukora no gukoresha impapuro mpimano gikomoka ku mikono yakusanyaga ubwo yashakaga guhatana na Prezida w\u2019u Rwanda Paul Kagame mu matora y\u2019umukuru w\u2019igihugu ya 2017 nk\u2019umukandida wigenga.<\/p>\n

Arahurira na nyina umubyara Adeline Rwigara ku cyaha cyo guteza imvururu cyangwa imidugararo muri rubanda gikomoka ku biganiro yagiye aha itangazamakuru mu bihe bitandukanye mu gihe yashakaga kwiyamamariza gutegeka u Rwanda.<\/p>\n

\"\"<\/a><\/p>\n

Ibyaha Adeline Rwigara na we aregwa bishingiye ku biganiro yagiye agirana n\u2019abavandimwe be baba hanze y\u2019igihugu. Ibiganiro byaberaga ku matelefone. Bamwe muri bo barimo Mme Mugenzi Tabitha Gwiza murumuna wa Adeline Rwigara uba muri Canada bari muri iki kirego ariko bazaburanishwa nk\u2019abadahari. Adeline Rwigara yihariye ku cyaha cy\u2019ivangura no gukurura amacakubiri. Ibyaha byose abaregwa barabihakana bakavuga ko bishingiye ku nyungu za politiki.<\/p>\n

\"\"<\/a><\/p>\n