Kuva aho prezidante wa FDU Inkingi asohokeye muri gereza, abahezanguni baberewe kw\u2019isonga na Tom Ndahiro bashoje indi ntambara yo kumusiga ibara, bamwangisha rubanda, ndetse basaba ko asubizwa mu buroko. Biratangaje kubona ko hashobora kuba hari agatsiko gafite ingufu zo kuba zagira Prezida Kagame ingwate, kakamukoresha ibyo gashatse. Ibi bikibutsa ibyabaye muri 1959 igihe abahezanguni barwanije umwami Mutara Rudahigwa, igihe yaratangiye impinduramatwara mu butegetsi (reforme socio-politique). Hakaba hari n\u2019abavuga ko ako gatsiko k\u2019abahezanguni ari ko kamugambaniye.<\/p>\n
Ariko igikorwa cya Tom Ndahiro kirimo ukwibeshya gukabije, kuko abanyarwanda barasobanukiwe bihagije, ndetse dutekereza ko na Prezida Kagame atazagwa mu mutego w\u2019ako gatsiko akurikiza ibyifuzo byako. Twibutse ko muri diskuru ye Prezida Paul Kagame yivugiye ko abantu bagomba kuzuzanya. Ntabwo mwakuzuzanya musubira mu ntero imwe, ahubwo hakwiye imiyoboro itandukanye y’ibitekerezo.<\/p>\n
Urebye neza, aka gatsiko gakora politiki yo gutandukanya abanyarwanda, kuko batinya ko imyanya barishaga ishobora kuvaho. Umuntu nka Tom Ndahiro ntacyo bimubwiye n’ubwo imyiryane yakongera kuba mu Rwanda, yakwisubirira muri Tanzania ku kazi ke muri Ministeri y\u2019ubuhinzi.<\/p>\n
Inyandiko ze z\u2019ubuhezanguni zirarushaho gufungura amaso n\u2019ubwenge by\u2019abanyarwanda, ndetse zikagaragaza bamwe mu bacurabwenge b\u2019ubugome bari muri FPR-Inkotanyi.<\/p>\n
Inyandiko za rutwitsi zikomeje gusohoka<\/b><\/p>\n
Abahezanguni bahawe rugari maze barinigura\u00a0:<\/p>\n
Iyo nyandiko twagize icyo tuyivugaho twerekana ko\u00a0: \u00ab\u00a0Madame INGABIRE Victoire Umuhoza n\u2019ishyaka FDU-INKINGI biyemeje gukora politiki y\u2019ubwubahane, ubwumvikane, gufatanya no guca akarengane bizira guhembera jenoside\u00a0<\/a>\u00bb.<\/p>\n Ukuri kunyura mu ziko ntigushye, ibinyoma Tom Ndahiro ahimba bizafata ikibiribiri<\/b><\/p>\n Amagambo ya Tom Ndahiro yo gusakuma ibyo hirya no hino akavangavanga, ntabwo abuza ukuri kuba ukuri. Tom Ndahiro n\u2019abandi bahezanguni nka we bazi neza ko babajije abaturage mu bwisanzure, ishyaka FPR-Inkotanyi ritapima n\u2019ishyaka FDU-INKINGI rikuriwe na Mme Victoire INGABIRE. Niyo mpamvu abahezanguni basizoye bashyushya imitwe, bazi neza ko batakaza umwanya mu Rwanda rutarimo amacakubiri. Biragaragara ko bafite ubudahangarwa bahabwa na FPR, bwo gukora ibyaha mu nyandiko n’imvugo ntibakurikiranwe n’amategeko. Nta wundi wabikora atari uwo mu gatsiko gakomeje gukandamiza abanyarwanda no gutsindagira akarengane.<\/p>\n Ariko abanyarwanda aho bava bakagera ubu barasobanukiwe, ari abacikacumu cyangwa abandi, ko jenoside ari urwitwazo agatsiko k\u2019abahezanguni gakoresha kugira ngo gakomeze igitugu n’akarengane byibasiye abenegihugu. Abacicacumu barimo kwamburwa utwabo, gufungwa no guhunga, igihe ba rutemayeze barimo abiturukiye hanze nka Tom Ndahiro ari bo barimo kubacira imanza. Aba ba rutemayeze, ishavu n\u2019agahinda by\u2019abanyarwanda babigize igicuruzwa cyo kubahahira.<\/p>\n Mme Victoire INGABIRE we bamwibasiye kuva kare, bamuhimbira ibinyoma byose bashoboye kuva muri 2010 agishinga ibirenge mu Rwanda. Ariko ibyo bakoze byose na n\u2019ubu ntibirabaha amahoro, ku buryo magingo aya, bumva bagomba gukomeza kumuhimbira no kumuharabika. Mme Victoire INGABIRE amaze imyaka umunani (8 ans) atuma batagoheka. Urubanza kuri ibyo binyoma rwarenze inkiko z\u2019u Rwanda rugera muri \u201cCour Africaine des Droits de l\u2019Homme et des Peuples (CADHP, Arusha, Tanzanie)\u201d kandi\u00a0 <\/span>Mme Victoire INGABIRE atsinda Leta iyobowe na Kagame na FPR ye.<\/p>\n Abahezanguni ba FPR barabiba urwango n\u2019amacakubiri.<\/b><\/p>\n Barigaragaza mu mvugo no mu nyandiko zabo, kandi bagamije guhishira ubugome n\u2019akarengane bituruka ku bitekerezo by\u2019abahezanguni bo muri FPR-Inkotanyi. Ni nde wahaye Tom Ndahiro ububasha bwo kwaka abandi banyarwanda uburenganzira bwabo\u00a0? Araterura ngo Mme Victoire INGABIRE si umunyapolitiki cyangwa ngo FDU-INKINGI nicibwe!! Mme Victoire INGABIRE ni umunyapolitiki, arabikunze, arabishaka, arabishoboye kandi yarabigaragaje. Ishyaka rye n’abo bafatanije bateye ubwoba abahezanguni, none bivuyemo nk’inopfu. Ntibazongere kubeshya ngo baharanira ubumwe n’ubwiyunge mu banyarwanda, kandi birirwa babateranya. Bareruye bavuga akabari ku mutima no mu bwonko, kandi ngo igiti ukibwirwa n’imbuto zacyo. Abanyarwanda nta kindi kimenyetso bakeneye ngo bamenye ubifuriza icyiza.<\/p>\n Abahezanguni ba FPR-Inkotanyi rero nibakenyere bakomeze kuko FDU-INKINGI itazemera politiki itanya abanyarwanda, politiki y’ibitutsi n’agasuzuguro.<\/p>\n Leta iyobowe na FPR-Inkotanyi ntishobora kubeshya ngo irahesha abanyarwanda agaciro mu gihe yemera ko inyandiko z’abahezanguni bayo (Tom Ndahiro na Albert Rudatsimburwa) zisohoka, zigakwirakwizwa nta nkomyi. FPR n’abayobozi ba Leta, uhereye kuri Prezida Paul Kagame, niberure babyamagane, bitabaye ibyo ni ikimeneyetso simusiga ko bashyigikiye urwango n’amacakubiri mu banyarwanda. Amateka azababaza inkurikizi zabyo. Kandi ubwo buhezanguni nibukomeza, buzagira ingaruka no kuri FPR-Inkotanyi ubwayo.<\/p>\n Iyo abahezanguni nka Tom Ndahiro na Albert Rudatsimburwa basakuza, bibwira ko isi izibagirwa ibibi byose FPR-Inkotanyi yagiriye abanyarwanda n\u2019abanyamahanga, kandi ikibikomeza na n\u2019ubu. Gusakuza cyane ntibihisha akarengane, ntibikuraho ukuri, kuko abababaye n\u2019abashonje bazi ubahejeje mu bukene, bazi uwabahonyoye ejo, n’ubu akaba akibahonyora.<\/p>\n Ako karengane ni ko politiki ya Mme Victoire INGABIRE na FDU-INKINGI yiyemeje guca mu rwatubyaye. \u201cGutinya ko akarengane gacika\u201d ngiyo impamvu ituma abahezanguni basakuza kurusha inyombya, kuko batinya gusubizwa mu myanya yabo, aho gukomeza kwigira ibitangaza, no kurebera abandi hejuru y\u2019urutugu.<\/p>\n Mme Victoire INGABIRE ni umunyapolitiki uhamye, kandi ishyaka riba ku mutima.<\/b><\/p>\n Ishyaka FDU-INKINGI ryarangije gutaha mu mitima y\u2019abanyarwanda benshi, mu Rwanda imbere no mu mahanga hanze. Ntawe ushobora kurica mu mitima yabo, Tom Ndahiro araruhira ubusa, iyo asaba ko ricibwa. Ese barica bate kandi kugeza ubu batarigeze bemera ko ryandikwa\u00a0?\u00a0<\/span><\/p>\n Ariko ribateye ubwoba kuko baryemera bataryemera, ririho, ibyo ntawabihakana. Mme Victoire INGABIRE rero ni umunyapolitiki uhamye, kandi birigaragaza.<\/p>\n Abanyarwanda twese duhaguruke dushyigikire Mme Victoire INGABIRE n\u2019ishyaka ayoboye, maze hakorwe politiki FPR itinya\u00a0: iyo gufatanya, iyo kumvikana no gusabana mu moko yose duturukamo, no guca akarengane.\u00a0<\/span><\/p>\n Hari abahezanguni n’ibyegera byabo batunzwe n\u2019akarengane bashyira ku bandi, niyo mpamvu batifuza icyatuma umunyarwanda uwariwe wese yisanzura. Akarengane nigacika bazasonza, tubizirikane kuko ni wo muti. Umunyapolitiki Victoire INGABIRE yagaragaje kenshi ko urubuga rwa politiki rugomba gufungurwa, maze abarengana nabo bakabona uko bavuga akabari ku mutima. Ngicyo ikibabaza Tom Ndahiro n\u2019abo basangiye ubuhezanguni.<\/p>\n Amagambure ya Tom Ndahiro ni ikimenyetso cy’intege nke<\/b><\/p>\n Tom Ndahiro afata abantu bose basobanukiwe n\u2019ibinyoma n\u2019ubugome bya FPR nk\u2019aho ari abajenosideri cyangwa abashyigikiye ingengabitekerezo ya jenoside. Baba abahutu, baba abatutsi, baba abacitse kw\u2019icumu, baba abarokotse jenoside y’abatutsi, baba abahoze ari ingabo za FPR, baba abanyamahanga, ntawe acira akari urutega.<\/p>\n Iyo urebye umubare w\u2019abantu n\u2019imiryango ashyira kuri urwo rutonde rwe, usanga ntaho FPR izamenera mu bihe biri imbere. Abagitsimbaraye kuri FPR rero, musome uko Tom Ndahiro ateza ubwega, akerekana ko mu barwanya FPR (abo yita indyarya n\u2019abirengagiza ukuri) harimo\u00a0: \u00ab\u00a0Umunyakanadakazi witwa Judi Rever, Ababiligi Filip Reyntjens na Peter Verlinden, Umuholandikazi witwa Anneke Vebraeken n\u2019Umunyamerikakazi Ann Garrison\u00a0\u00bb, imiryango nka R\u00e9seau International des Femmes pour la D\u00e9mocratie et la Paix (RIFDP), \u00ab\u00a0 Human Rights Watch, Amnesty International, Medicins Sans Frontieres n\u2019ibinyamakuru byinshi\u00a0\u00bb, abadepite b\u2019i Burayi ndetse ngo n\u2019umugabane wose, amashyirahamwe CLIIR na JAMBO Asbl. Niba FPR na Tom Ndahiro bahanganye n\u2019abo bantu bose, ni FPR yari ikwiriye kwisuzuma, ikamenya ko ntawe uzemera akarengane kayiturukaho. Nguko uko Tom Ndahiro arimo kwandagaza FPR, agaragaza ko FPR iri kwamaganwa hirya no hino, ko iminsi iri imbere ishobora kuyibera insobe, kandi uku gusakuza kw\u2019abahezanguni kurabyerekana.<\/p>\n Ibitutsi bya Tom Ndahiro: ikimenyetso cy\u2019uburere buke, agasuzuguro no kutiyubaha.\u00a0<\/span><\/b><\/p>\n Kwemera ko umuntu nk’uyu agira umwanya mu butegetsi bw\u2019igihugu ni agahomamunwa, kandi biratanga isura mbi y\u2019ubutegetsi. Kera mu Rwanda kugira ikinyabupfura byari kimwe mu nkingi z\u2019indangagaciro z\u2019abanyarwanda. Ntawahamya ko abikomora aho yavukiye, kuko no muri Tanzania bazwiho kugira ikinyabupfura.\u00a0<\/span><\/p>\n Ahubwo yaba abiterwa n’uko ashobora kuba hari icyo ahisha. Musome mwihere amaso ibyo yandika ku bantu:\u00a0<\/span><\/b><\/p>\n Ibi byose birerekana uko Tom Ndahiro na bagenzi be bumva ko bazarokora ubutegetsi bwa FPR-Inkotanyi bakoresheje iterabwoba ririmo\u00a0: gutukana, gusuzugura, guhimba ibyaha n\u2019indi migirire izira kwiyubaha no kugira isoni.<\/p>\n Tom Ndahiro yigize umushinjacyaha w\u2019umushinja-binyoma utavuguruzwa, kuko atera akiyikiriza<\/b><\/p>\n Tom Ndahiro afata uwo abonye wese akamugerekaho ibyaha. Kuri we, ntabwo akeneye kugaragaza impamvu n\u2019ibimenyetso by\u2019ibyo avuga. Yibwira ko abazabisoma bazabyemera gusa. Arica agakiza uko ashaka, aharabika uko ashatse mu nyandiko ze. Ndetse arasabira uwo ashatse ngo\u00a0: \u00ab\u00a0nabambwe\u00a0\u00bb.<\/p>\n Nyamara u Rwanda rufite amategeko ahana bene ibyo byaha byo guharabika no kugereka ku bandi jenoside ya buri kanya. Ayo mategeko ntakurikizwa kuri bamwe kuko Tom Ndahiro na bagenzi be bishingikirije FPR. Ngo uhagarikiwe n\u2019ingwe aravoma.<\/p>\n Tom Ndahiro arakora ibya Kanjogera byo gufata inkota (ikaramu ye) agahagurukira ku wo ashatse.<\/p>\n Tom Ndahiro ni umuhezanguni utareba kure<\/b><\/p>\n Iyo Tom Ndahiro agereka ku bandi ibyaha ngo ni uko babaye muri RDR cyangwa FDU-INKINGI, yiyibagiza ko ayo mashyirahamwe yabayeho kugira ngo avugire abantu bahohoterwaga (kugeza na n\u2019ubu bagihohoterwa) na FPR. None se abantu bazahanirwa inkomoko y’amashyaka barimo? Twibuke ko na FPR ifite aho ikomoka, ikagira n’imitwe yayibanjirije.<\/p>\n Tom Ndahiro yari akwiye gusubiza amaso inyuma akareba amateka, akumva ko akarengane buri gihe gakurura amakimbirane, ko kandi birangira habaye impinduramatwara. Ntabwo rero abanyarwanda bazemera akarengane gahoraho ngo ni ukugira ngo bashimishe Tom Ndahiro n\u2019abandi bahezanguni hamwe n\u2019agatsiko kabakuriye.<\/p>\n Tom Ndahiro nafungure amaso arebe kure, ashire ubwoba n\u2019igihunga, yemere ko u Rwanda ari urwa twese, kandi abone ko FDU-INKINGI iharanira ko tuzarubanamo twese mu mahoro n\u2019urukundo rwa kimuntu mu bantu.<\/p>\n Umwanzuro\u00a0: FDU-INKINGI na Prezidante wayo barakunzwe kandi barashyigikiwe<\/b><\/p>\n Prezidante wa FDU-Inkingi arashaka guhuza abanyarwanda bose, arashaka gutegura u Rwanda rw\u2019ejo abantu bazabanamo nta mwiryane, umuntu akubahirwa ko ari umuntu. Ubuzima bw\u2019umuntu bukabumbatirwa, bukarindwa nk\u2019imboni y\u2019ijisho. Arashaka ko abanyarwanda b\u2019amoko yose n\u2019uturere twose babana ntawishisha undi.<\/p>\n Mu gushaka kwangisha FDU-INKINGI ayivuga nabi, Tom Ndahiro ari kuyamamaza, kuko arerekana neza ko iryo shyaka rihanganye n\u2019igitugu kirangwa n\u2019ubuhezanguni bw\u2019abari mu gatsiko. Abanyarwanda ahubwo baravaho bayikunda kurushaho kuko ibavugira akababaro.<\/p>\n Tom Ndahiro rero yigaragaje uko ari, nuko abandi bahezanguni bo muri FPR bameze\u00a0: barangwa n\u2019urwango, agasuzuguro, ubugome n\u2019imvugo igamije kuryanisha abanyarwanda.<\/p>\n Ariko abanyarwanda twese twarabimenye\u00a0: tuzi aho akarengane gaturuka.<\/p>\n Tom Ndahiro arakajwe n\u2019uko FDU-INKINGI itazakora politiki ipfukirana ukuri, ahubwo izakora politiki ikosora ibibi bikorerwa abanyarwanda kugeza ubu.<\/p>\n Tom Ndahiro akunze gukoresha ijambo \u00ab\u00a0uburozi\u00a0\u00bb. Abutekerezaho cyane kuko abufite mu nyandiko ze. Niyo mpamvu uko agenda yandika mu mvugo mbi y\u2019uburozi, aragenda yishyira hanze. Abanyarwanda bamureke akomeze yishyire hanze, igihe kizagera aho azisobanura akaburana n\u2019inyandiko ze.<\/p>\n Ahubwo twagira inama FPR-Inkotanyi kwigizaho abahezanguni nka Tom Ndahiro bazwiho kuba ba nyamujya iyo bijya, batagira isoni zo guhemuka igihe bakurikiye inyungu zabo, maze FPR igafatanya n\u2019amashyaka yose ashaka kubaka u Rwanda rubereye buri munyarwanda.\u00a0 <\/span>Abantu nka Tom Ndahiro biramutse bikomeye ntiwamenya aho banyuze, ntabwo ari abo kwishinga, ashobora kuba akifitiye ubwenegihugu bwa Tanzania.\u00a0<\/span><\/p>\n Naho Mme Victoire INGABIRE Umuhoza n\u2019ishyaka FDU-INKINGI bo bakomeje kurwanira icyazanira abanyarwanda amahoro, ubumwe n\u2019ituze, hanze no mu mitima ya bose.<\/p>\n Bikorewe i Rouen kuwa 02 Ukwakira 2018<\/p>\n Theophile MPOZEMBIZI<\/strong><\/p>\n Komiseri wa FDU ushinzwe itangazamakuru<\/p>\n","protected":false},"excerpt":{"rendered":" Kuva aho prezidante wa FDU Inkingi asohokeye muri gereza, abahezanguni baberewe kw\u2019isonga na Tom Ndahiro bashoje indi ntambara yo kumusiga ibara, bamwangisha rubanda, ndetse basaba ko asubizwa mu buroko. Biratangaje kubona ko hashobora kuba hari agatsiko gafite ingufu zo kuba zagira Prezida Kagame ingwate, kakamukoresha ibyo gashatse. Ibi bikibutsa ibyabaye muri 1959 igihe abahezanguni barwanije […]<\/p>\n","protected":false},"author":1,"featured_media":28607,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[47],"tags":[],"class_list":["post-28606","post","type-post","status-publish","format-standard","has-post-thumbnail","hentry","category-abanyapolitiki"],"yoast_head":"\n\n
\n