Amakuru aturuka muri Congo atangazwa na Radio Okapi aravuga ko ingabo z\u2019u Rwanda zinjiye ku bwinshi muri Congo mu gace kagenzurwa na M23, Kuri uyu wa gatatu taliki ya 12\/12\/2012 ingabo z\u2019u Rwanda (RDF) zagaragaye ku butaka bwa Congo zinjiriye ku mipaka ya Gasizi na Kanyanja, mu majyaruguru y\u2019umujyi wa Goma mu karere ka Nyiragongo. Abaturage bo muri Congo babonye bwa mbere ingabo z\u2019u Rwanda kuwa kabiri taliki ya 11\/12\/2012 mu gitondo. Abo basilikare binjiye bari mu makamyo menshi bafite n\u2019ibikoresho bikomeye by\u2019intambara, banyuze Kibumba.Kuwa gatatu mu gitondo andi makamyo 5 yazanye abandi basilikare b\u2019abanyarwanda ahitwa Kibati mu birometero 10 uvuye mu mujyi wa Goma. Uwo munsi kandi abasilikare barenze 40 bafite ibikoresho bikomeye by\u2019intambara bagose lokalite ya Mudja, nyuma baza kuva muri ako gace berekeza ahantu hatazwi.<\/p>\n
Aya makuru aje mu gihe i Kampala ahabera ibiganiro hagati ya Leta ya Congo n\u2019umutwe wa M23, ibintu bisa nk\u2019aho bitifashe neza kuko M23 ngo yifuza ko Perezida Kabila yava ku butegetsi hakajyaho Leta y\u2019inzibacyuho, ababikurikiranira hafi bemeza ko M23 iri mu mishyikirano mu rwego rwo kujijisha ngo yisuganye igabe ibitero bikomeye, bikaba ariyo mpamvu M23 isa nk\u2019aho irimo inaniza imishyikirano yaka ibintu bigoye, ndetse hari ababona iyo mishyikirano ntacyo ishobora kugeraho mu gihe abahagarariye M23 mu mishyikirano nta ngufu bafite ndetse nta n\u2019ibyemezo bashobora gufata bifatika kuko amategeko aturuka i Kigali.<\/p>\n
Ntabwo ari ku ruhande rwa M23 basa nk\u2019abategura intambara gusa, no ku ruhande rw\u2019ingabo za Congo n\u2019uko bimeze kuko nta munsi ushira umugaba mukuru w\u2019ingabo za Congo zirwanira ku butaka Lt Gen Francois Olenga adatangaje amagambo agaragaza ko yifuza intambara ndetse n\u2019ibikorwabyo kwitegura iyo ntambara bigaragarira buri wese. Ibi bijyana n\u2019uko ubu muri Congo hasa nk\u2019ahari gukorwa amaperereza ndetse n\u2019ibitangazwa n\u2019abasirikare bamwe ba Congo barwanye urugamba rw\u2019i Goma igihe yafatwaga na M23, tariki ya 20 Ugushyingo 2012, bigaragaza ko M23 yari ifite ibyitso byinshi mu ngabo za Congo ku buryo nta gikorwa cyabaga ku ruhande rw\u2019ingabo za Congo M23 itakimenye mbere, hashyizwe mu majwi cyane kandi General Gabriel Amisi Kumba alias Tango Four ngo ko yaba yarakoranaga n\u2019umwanzi, tubibutse ko uwo musirikare mukuru wahoze ari umugaba w\u2019ingabo za Congo zirwanira ku butaka yahagaritswe ku kazi na Perezida Joseph Kabila azira gushyirwa mu majwi mu cyegeranyo cy\u2019impuguke z\u2019umuryango w\u2019abibimbye kuba agurisha akanaha imbunda n\u2019amasasu imitwe y\u2019inyeshyamba.<\/p>\n
Ikirushaho gukomeza ibintu n\u2019uko ibihugu byo mu majyepfo y\u2019Afrika byibumbiye mu muryango wa SADC byafashe icyemezo cyo kohereza ingabo muri Congo, igihugu cya Tanzania cyo cyemeye gutanga abasirikare bagera kuri 800, ukurikije ibivugwa n\u2019abayobozi ba Tanzania ngo ingabo zabo ntabwo zifite gahunda yo kurebera nk\u2019uko bimeze kuri MONUSCO ngo bifuza guhangana na M23 mu gihe yashaka kugira aho ifata kuko ngo ibyo bishobora kubangamira umutekano w\u2019akarere kose. Ku rundi ruhande igihugu cya Zimbabwe nacyo cyatangaje ko kizohereza ingabo muri Congo mu rwego rw\u2019ingabo zidafite aho zibogamiye ariko ababikurikiranira hafi bemeza ko izo ngabo zigamije gukumira M23 byaba ngombwa zigashaka kuyitsinda burundu. Ibi ariko bishobora gutera intambara y\u2019urudaca kuko bizwi ko M23 iri mu kwaha k\u2019u Rwanda na Uganda, kandi ibi bihugu bizabigora gukomeza gutwika inzu ngo bihishe umwotsi.<\/p>\n
Izi ngabo zo mu bihugu bya SADC ngo zizafashwa mu rwego rw\u2019ibikoresho n\u2019igihugu cya Afrika y\u2019Epfo ariko ntabwo byaba ari igitangaza ingabo z\u2019icyo gihugu nazo zirimuri MONUSCO muri Congo nazo zihinduriwe inshingano zigakorana n\u2019izo mu bindi bihugu bya SADC.<\/p>\n
Icyo abantu bibaza ubu n\u2019ukuntu u Rwanda ruzashobora kurwana iyi ntambara n\u2019ubukungu busa nk\u2019ubutifashe neza kubera imfashanyo zahagaze n’ubwoba mu bantu(ifaranga ririmo kugwa ubutitsa, amabani ntagitanga inguzanyo, ni nako inzara mu baturage iranuma, ibiciro ku masoko ntibisiba kwiyongera n’ibindi..) kandi rwarakuweho amaboko n\u2019amahanga ndetse n\u2019abakirucira akarurutega bakaba batakomeza gufunga amaso ku bimenyetso birushaho kwisukiranya bishinja u Rwanda kuba inyuma ya M23.<\/p>\n
Ikindi umuntu atasiba kwibazaho n\u2019amagambo yakoreshejwe na Perezida Kagame mu mana ya 10 y\u2019umushyikirano aho yakanguriraga abanyarwanda ngo guhangana n\u2019amahanga, ndetse avuga ko abanyarwanda bagomba kugira intego yise Kwigira ngo bareke gutekereza ku mfashanyo z\u2019amahanga, ibi iyo ubigereranyije n’uko byifashe mu karere umuntu abona nta kabuza Perezida Kagame agiye gushora abanyarwanda mu ntambara batabwiwe inyungu zayo ndetse batabwiwe ko ihari ahubwo bazabwirwa ko bayirimo n’uko bamwe ingaruka zayo zabagezeho.<\/p>\n
Marc Matabaro<\/p>\n","protected":false},"excerpt":{"rendered":"
Amakuru aturuka muri Congo atangazwa na Radio Okapi aravuga ko ingabo z\u2019u Rwanda zinjiye ku bwinshi muri Congo mu gace kagenzurwa na M23, Kuri uyu wa gatatu taliki ya 12\/12\/2012 ingabo z\u2019u Rwanda (RDF) zagaragaye ku butaka bwa Congo zinjiriye ku mipaka ya Gasizi na Kanyanja, mu majyaruguru y\u2019umujyi wa Goma mu karere ka Nyiragongo. […]<\/p>\n","protected":false},"author":3,"featured_media":1180,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,67],"tags":[],"class_list":["post-2893","post","type-post","status-publish","format-standard","has-post-thumbnail","hentry","category-akarere","category-amahanga"],"yoast_head":"\n