Ubushinjacyaha mu gihugu cy\u2019Afurika y\u2019Epfo kuri uyu wa kane bwatangaje ko bugiye gutanginza igikorwa cyo kwakira ubuhamya ku bafite ibyo bazi ku rupfu rwa Colonel Patrick Karegeya wari warahunze ubutegetsi bw\u2019u Rwanda.<\/p>\n
Amakuru Ijwi ry\u2019Amerika rikura mu bo mu muryango wa Karegeya yemeza ko ubushinjacyaha bufite abatangabuhamya bagera hafi kuri 30 bwiteguye guhata ibibazo. Iyicwa rya Karegeya ryakorewe mu cyumba cya hoteli mu mujyi wa Johannesburg mu mpera y\u2019umwaka wa 2013.<\/p>\n
Mu mwaka w\u20192014, Polisi y\u2019Afurika y\u2019Epfo yatangaje ko yasoje iperereza ku rupfu rwa Col. Patrick Karegeya kandi ko ababigizemo uruhare bamaze kumenyekana.<\/p>\n
Mu kiganiro na Radiyo Ijwi ry\u2019Amerika icyo gihe, umuvuguzi w\u2019ishami rya polisi rishinzwe ubugenzacyaha bakunda kwita \u201cHawks\u201d Kapiteni Paul Ramaloko yavuze ko ibyavuye mu iperereza byamaze gushyikirizwa ibiro bishinzwe ubushinjacyaha.<\/p>\n
Karegeya yari mu bantu ba mbere bashinze umutwe wa politiki utavuga rumwe na leta rya Rwanda National Congress (RNC), ukorera hanze y’igihugu.<\/p>\n
Mu muryango wa nyakwigendera Karegeya bashimye icyo cyemezo nubwo hari hashize igihe. Umva uko umufasha wa nyakwigendera yabibwiye Ijwi ry’Amerika.<\/p>\n