Uyu ni umugabo witwa Alphonse Rutagambwa utuye mu mudugudu wa Ruhuha, Akagali ka Gahabwa, Umurenge wa Kigembe, Akarere ka Gisagara wambuwe isambu ye kugira ngo yubakwemo ibiro by\u2019Umurenge wa Kigembe. Iyi sambu ifite 84m\/38m kuri 106m yarimo ibiraro by\u2019inka ze, inzu, n\u2019ibindi bikorwa by\u2019ubuhinzi yaje kuyamburwa; ategereza ko leta izamuha ingurane y\u2019indi sambu akishyurwa n\u2019ibikorwa bye araheba ahubwo bongeraho no kumwima irangamuntu nshya.<\/p>\n
Nyamara kandi uyu mugabo yari ahafitiye icyemezo cyo ku itariki ya 29 Kanama 2000 afite na gitansi no. 48841 y\u2019amafaranga 12,000 yahishyuriye iriho umukono wa comptable w\u2019icyahoze ari Komini Kigembe Minani Joseph (hatangiye hitwa Komini Kigembe hahinduka Akarere ka Kibingo ubu hitwa mu Karere ka Gisagara) ariko mu ibarura rya vuba aha ubuyobozi bwanze ko yiyandikaho ubutaka bwe bamutegeka kwiyandikaho inzu yonyine bayiha no. PC585 bityo babimuhera icyemezo cyanditseho Ruhuha no.430447RNRA.<\/p>\n
Umunyamabanga Nshingwabikorwa w\u2019Umurenge tumubajije kuri iki kibazo cya Rutagambwa Alphonse yasubije ko yagishikirije Ubuyobozi bw\u2019Inama Njyanama y\u2019Akarere kugira ngo ibe ariyo izacyigaho.<\/p>\n
Aho irangamuntu nshya ziziye uyu mugabo atangaza ko ubuyobozi bwayimwimye kuko ajya kuyaka nk\u2019abandi aho atuye ubu mu Murenge wa Nyanza bakamwohereza kuyisaba ku Karere nk\u2019aho ari umunyamahanga cyangwa utahutse vuba; kandi nyamara afite imwe ya kera ifite numero 00167 bisaba kuyihindura agahabwa inshya.<\/p>\n
Gukurikirana umutungo we yambuwe n\u2019Umurenge ntibizamuviramo kwitwa umunyamahanga? Tubitege amaso! Ikizwi n\u2019uko abaturage b\u2019aka Karere ka Gisagara bagiye bakunda guhungira i Burundi ku bwinshi ku mpamvu tutarabasha gusobanukirwa neza kuko bamwe bavuga ko babaga bahunze inzara, abandi ngo Gacaca, abandi babaga bashutswe… Byose ukumva bitumvikana neza. \u00a0Aho se ibibazo nk\u2019ibi by\u2019akarengane ntibyaba byari mu mpamvu zatumaga bahunga?<\/p>\n
KANUMA Christophe
\nE-mail:kanumac@yahoo.com
\nhttps:\/\/www.facebook.com\/kanuma.christophe<\/p>\n","protected":false},"excerpt":{"rendered":"
Uyu ni umugabo witwa Alphonse Rutagambwa utuye mu mudugudu wa Ruhuha, Akagali ka Gahabwa, Umurenge wa Kigembe, Akarere ka Gisagara wambuwe isambu ye kugira ngo yubakwemo ibiro by\u2019Umurenge wa Kigembe. Iyi sambu ifite 84m\/38m kuri 106m yarimo ibiraro by\u2019inka ze, inzu, n\u2019ibindi bikorwa by\u2019ubuhinzi yaje kuyamburwa; ategereza ko leta izamuha ingurane y\u2019indi sambu akishyurwa n\u2019ibikorwa […]<\/p>\n","protected":false},"author":3,"featured_media":2906,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-2905","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n