Banyarwanda, banyarwandakazi, barwanashyaka ba FDU-INKINGI<\/p>\n
namwe nshuti z\u2019uRwanda,<\/p>\n
Komite nyobozi y’agateganyo ya FDU-INKINGI iyobowe na Madame Victoire Ingabire ishimishijwe no kubifuriza umwaka mushya muhire wa 2013. Ishyaka rirazirikana kandi rinashima by\u2019umwihariko mwe mwese mwariteye inkunga uko mushoboye mu gufata mu mugongo imfungwa za politiki ndetse n’abandi bose bitangiye uru rugamba rwa demokarasi, iyubahirizwa ry\u2019uburenganzira bwa muntu, n\u2019ubutegetsi bugendera ku mategeko mu Rwanda.<\/p>\n
Uyu mwaka dutangiye wongeye gusanga ku nshuro ya gatatu umuyobozi wacu Madame Victoire Ingabire Umuhoza ari muri gereza nkuru ya Kigali azira igikorwa cye cy\u2019ubutwari n\u2019ibitekerezo bye bya politiki bigamije guha ubwisanzure abanyarwanda. Intsinzi yacu iri mu kugumya gufatana munda, kwitanga ndetse no gukomeza gushyigikira ibikorwa bitandukanye by\u2019ishyaka.<\/p>\n
By\u2019umwihariko ishyaka FDU-INKINGI rirashimira abarwanashyaka b\u2019imbere mu gihugu kuba baritabiriye ibikorwa byo gusura Umuyobozi Victoire Ingabire buri wagatanu, kwitabira imanza, gusura izindi mfumgwa za politiki, kugaragaza ibyifuzo by\u2019ishyaka ku miryango mpuzamahanga itandukanye.<\/p>\n
Turashima abarwanshyaka bari hirya no hino ku isi ku bw\u2019ibikorwa by\u2019ubuvugizi, byo gushyigikira ishyaka bakomeje gukora. Turashimira byimazeyo abarwanashyaka 8 bafungiye muri gereza ya Muhanga bazira ubutwari bwo kuganira kubitagenda mugihugu ubwo bahuraga n\u2019umunyamabanga mukuru w’agateganyo w\u2019ishyaka. Turanashimira n\u2019abandi batari mu ishyaka FDU \u2013 INKINGI baba abo mu gihugu imbere baba n\u2019abari hanze yacyo bakomeje gukora iyo bwabaga ngo akarengane abanyarwanda bakorerwa n\u2019ubutegetsi karanduke burundu.<\/p>\n
Uyu mwaka urangiye kandi waranzwe n\u2019ikibatsi cya benshi mu barwanashyaka mu kwereka ubutegetsi bw\u2019igitugu bwa FPR ko abanyarwanda hari ibyo barambiwe ko ndetse binatuma batagomba gukomeza kurebera no guhera ku ngoyi y’ubwoba maze benshi biyemeza guhaguruka mu mahoro bereka ubutegetsi ko hari ibyo bugomba guhindura byanze bikunze n\u2019ubwo ubwo buyobozi bwa FPR bukomeje kuvunira ibiti mu matwi ahubwo bukerekana ko budatezuka mu guhiga, gufunga no kubuza amahwemo uwo ariwe wese unenga imikorere mibi yabwo bwifashishije inzego zitwa ko zishinzwe umutekano ariko zitabasha kwitandukanya no kuba ibikoresho by\u2019ishyaka FPR aho gukorera inyungu z\u2019abanyarwanda bose.<\/p>\n
Turazirikana kandi n’abana b’Abanyarwanda bakomeje gushorwa mu ntambara mu gihugu cy’abaturanyi cya Kongo nk\u2019uko bitangazwa na raporo y\u2019impuguke za Loni.<\/p>\n
Twifatanije kandi n’abakomeje guhatirwa bose gutanga ku ngufu amafaranga mu kigega cy’agaciro ndetse n\u2019indi misanzu itagira ingano abanyarwanda bakwa umunsi ku wundi mu gihe ubu bugarijwe n\u2019inzara n\u2019ubukene.<\/p>\n
Muri uku gusoza umwaka wa 2012 no gutangira uwa 2013 ishyaka rirazirikana ubutwari bwa benshi bagiye bahutazwa n\u2019izo nzego zose za FPR ariko bakerekana ko batazatezuka kubungabunga ubusugire bw\u2019urumuri rwa demokarasi bacaniwe n\u2019umuyobozi wabo umwaka ushize utangira ubwo bamusuraga aho afungiye ari nabwo yabasabaga kutazatuma ruzima.<\/p>\n
Uyu mwanya kandi turazirikana n\u2019abandi banyapolitiki bafungiye ibya politiki barimo ba Nyakubahwa Bernard NTAGANDA, Deogratias MUSHAYIDI , na Dr. Theoneste NIYITEGEKA. Turazirikana kandi n\u2019abandi bahutazwa n\u2019ubutegetsi bw\u2019igitugu bwa FPR banamburwa uburenganzira bwabo haba mu Rwanda no hanze.<\/p>\n
By\u2019umwihariko, ishyaka rirashima uburyo ku wa 21 Ukuboza 2012 abarwanashyaka benshi bagiye kuri gereza kwifuriza umuyobozi mukuru w\u2019ishyaka Noheri nziza n\u2019umwaka mushya muhire wa 2013 n\u2019ubwo batemerewe kwinjira no kubonana na we bakoze ikimenyetso gifite agaciro gakomeye. Abo hanze y\u2019igihugu namwe intashyo zanyu zatugezeho kandi zikomeje kuduha imbaraga. By\u2019umwihariko umuyobozi w\u2019ishyaka arabashimira ko mukomeje kumuzirikana aho ari mu gihome.<\/p>\n
Kugeza ubu Ishyaka ryacu FDU \u2013 INKINGI ntiriremerwa n’amategeko yashyizweho n’ingoma ya FPR Inkotanyi. Nyamara Itegeko \u2013 Nshinga ry\u2019igihugu cyacu ryemera amashyaka menshi. Abarwanashyaka bacu iyo bahuye biganirira barafatwa bagafungwa. Ingingo ya 36 y\u2019Itegeko \u2013 Nshinga ry\u2019igihugu cyacu ibitangira uburenganzira. Izi ngero nke zigaragaza ikibazo gikomeye dufite mu gihugu cyacu aho ubuyobozi bwashyizeho amategeko yo kugaragariza amahanga ko dufite igihugu kigendera ku mategeko, nyamara FDU \u2013 INKINGI turi abahamya b\u2019uko mu Rwanda hari ubutegetsi bw\u2019igitugu butubahiriza n\u2019amategeko bwishyiriyeho. Tuzakomeza kuba abahamya b\u2019ako karengane kari mu gihugu ari nako dukomeza guhuza imbaraga hirya no hino, ari imbere mu gihugu cyangwa hanze yacyo kugira ngo tugeze ubwisanzure na demokarasi mu gihugu cyacu, kuko nibyo mizi y\u2019iterambere rirambye n\u2019ubwiyunge nyakuri bw\u2019Abanyarwanda. Tuzi neza twese ko nta wundi ufite igisubizo cy\u2019ibibazo byacu usibye twe ubwacu.<\/p>\n
Nimushikame, dukenyere dukomeze, duharanire mu mahoro uburenganzira bwacu.<\/p>\n
Umwaka mushya muhire kuri mwese. Imana ikomeze kutubera urumuri.<\/p>\n
FDU-INKINGI Banyarwanda, banyarwandakazi, barwanashyaka ba FDU-INKINGI namwe nshuti z\u2019uRwanda,<\/p>\n","protected":false},"author":3,"featured_media":1121,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-2961","post","type-post","status-publish","format-standard","has-post-thumbnail","hentry","category-politiki"],"yoast_head":"\n
\nVisi-Prezida w’agateganyo
\nBoniface Twagirimana.<\/strong><\/p>\n","protected":false},"excerpt":{"rendered":"