Amakuru dukesha ibiro ntaramakuru by\u2019abashinwa (Xinhua) aravuga ko umudepite utavuga rumwe na Leta ya Congo Bwana Roger Lumbala, akaba na Perezida w\u2019ishyaka Rassemblement congolais pour la D\u00e9mocratie nationale (RCD\/nationale), yiyemeje kwinjira mu mutwe urwanya Leta ya Congo ukoresheje intwaro wa M23, ibi bikaba byatangajwe n\u2019umwe mu bayobozi ba M23 kuri uyu wa gatatu tariki ya 2 Mutarama 2012.<\/p>\n
Amani Kabasha, wungirije ushinzwe ibijyanye n\u2019itumanaho muri M23 yagize ati:\u00ab camarade Roger Lumbala koko n\u2019umwe mu bagize M23, ari kumwe natwe, Bwana Lumbala nk\u2019impirimbanyi iharanira amahinduka yumvise ko amahinduka arimo gukorwa na M23 ari kimwe n\u2019amahinduka aharanira mu kurwanya ubutegetsi bwa Perezida Kabila bwavuye mu matora yibwe yo ku ya 28 Ukwakira 2011. Ntabwo Bwana Lumbala yinjiye muri M23 akurikiye imyanya, yasize ibyo yagenerwaga byose nk\u2019umudepite asiga n\u2019amasosiyete ye ajyanye n\u2019ibyo gutumanaho\u00bb.<\/p>\n
Bwana Amani Kabasha, yatangaje kandi ko mu minsi ya vuba abandi banyapolitiki bakomeye b\u2019abakongomani baba muri Amerika n\u2019u Burayi bazinjira muri M23.<\/p>\n
Bwana Roger Lumbala we avugana n\u2019ibiro ntaramakuru by\u2019abashinwa (Xinhua) yagize ati:\u00abNiba ndi hano, icya mbere n\u2019uko nemera ko ari abanyekongo bagenzi banjye barwanira hano kandi mu byo barwanira hano hakaba harimo gushyira ahagaragara ibyavuye mu matora nyabyo, byemeza ko Bwana Etienne Tshisekedi ariwe watorewe kuyobora igihugu cya Congo.<\/p>\n
Twabibitsa ko uyu mudepite Roger Lumbala yahungiye mu gihugu cy\u2019u Bufaransa nyuma yo gufatirwa mu Burundi bivugwa ko yari avuye mu Rwanda kubonana n\u2019abayobozi b\u2019u Rwanda barimo na Ministre w\u2019ingabo, James Kabarebe.<\/p>\n
Abakurikiranira hafi ibibera mu karere bavuga ko umutwe wa M23 utangiye amayeri akaze yo kugonganisha Leta ya Congo n\u2019abatavuga rumwe nayo batitwaje intwaro yifashisha abanyapolitiki b\u2019abakongomani batavuga ikinyarwanda ndetse mubyo basaba banashyiramo ko basaba ko Bwana Etienne Tshisekedi yahabwa umwanya wa Perezida wa Repubulika yatsindiye. Ariko ntawe uyobewe ko abagize umutwe wa M23 aribo bafashije Perezida Kabila kwiba amatora mu ntara za Kivu, umuntu akaba yibaza urwo rukundo bafitiye Bwana Etienne Tshisekedi aho ruturutse aka kanya mu gihe bizwi ko abarwanya Perezida Kabila bamushinja no kuba ari umunyarwanda abenshi ari abayoboke ba Etienne Tshisekedi badatinya no kuvuga ko abavuga ikinyarwanda baba muri Congo bose ari abanyarwanda bagomba gusubira iwabo.<\/p>\n
Ubu buryo bwo kugonganisha abanyapolitiki bo mu gihugu imbere si ubwa mbere bwaba bukoreshejwe mu ntambara nk\u2019izi kuko ni nabwo FPR yakoresheje yizeza amashyaka ya politiki yari mu gihugu imbere ibitangaza nyuma yamara gufata ubutegetsi yose ikayigarika ku buryo abayobozi benshi bayo ubu babarizwa mu marimbi, muri za gereza no mu buhungiro. Kuba M23 ishaka gukina umukino nk\u2019uwa FPR wo mu myaka ya za 1990 umuntu ntiyabura kuvuga ko ari nka wa wundi wafatisije inkware ukwaha uhora umanitse akaboko dore ko iyo mitwe yombi uretse kuba umwe warabyawe n\u2019undi imikorere irasa. Ikibazo n\u2019abahanganye nayo batigira ku mateka.<\/p>\n
Tukivuga iby\u2019umutwe wa M23, nabibutsa ko inama y\u2019umuryango w\u2019abibumbye ishinzwe amahoro kw\u2019isi yafatiye ibihano uwo mutwe wo na FDLR ndetse abakuru ba M23 nka Jean Marie Runiga Lugerero, umukuru wa politiki w\u2019uwo mutwe na Colonel Eric Badege bakaba barafatiwe ibihano bibabuza gutembera.<\/p>\n
Andi makuru ava muri M23 avuga ko Makenga n’abayobozi b’i Kigali bitigeze bacana uwaka ariko babura uburyo bazatangiza M23 batamufite kandi bakareba gusubizayo Laurent Nkunda basanga bitazashoboka. Mbere y’uko batangira M23 habaye amanama 3 yose harimo na Nkunda noneho abategetsi b’i Kgali bemera ko M23 nimara kuvuka bazarekura Nkunda. Icyabayeho ntiyarekuwe ariko bakomezwa gushyirwaho igitutu none nibwo habayeho kongera umubare w’abasirikare ariko utavuye cyane ku gipande cya ba Makenga, habaho kuzanamo ayandi moko: abahutu, abandandi, ndetse n’abahavu ariko biza kunanirana bakabona bose ko bashaka Nkunda none ubu batangiye gushyira igitutu kuri Leta ya Kigali ngo barekure babone gukomeza urugamba. Ikindi n’uko bigaragara ko hari ukurambirwa intambara mu nkambi z’impunzi ziri mu Rwanda ndetse n’ubwumvikane bucye hagati y’abayejomba n’abanyamasisi. Dore ko mu minsi ishize mbere y’uko iyi ntambara yaduka hari impunzi nyinshi zifuzaga gutaha muri Congo dore ko uduce zaturukagamo hagenzurwaga n’abahoze muri CNDP bene wabo ariko Leta y’u Rwanda igasa nk’aho ibafasheho ingwate ikababuza gutahuka mu rwago rwo kwerekana ko abatutsi b’abanyekongo batotezwa icyo kibazo kikavangwa n’icya FDLR kubera inyungu za Politiki za Leta ya Kigali n’abayishyigikiye.<\/p>\n
Ubwanditsi<\/p>\n","protected":false},"excerpt":{"rendered":"
Amakuru dukesha ibiro ntaramakuru by\u2019abashinwa (Xinhua) aravuga ko umudepite utavuga rumwe na Leta ya Congo Bwana Roger Lumbala, akaba na Perezida w\u2019ishyaka Rassemblement congolais pour la D\u00e9mocratie nationale (RCD\/nationale), yiyemeje kwinjira mu mutwe urwanya Leta ya Congo ukoresheje intwaro wa M23, ibi bikaba byatangajwe n\u2019umwe mu bayobozi ba M23 kuri uyu wa gatatu tariki ya […]<\/p>\n","protected":false},"author":3,"featured_media":2977,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-2976","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n