Abanyarwanda bamwe, bakunze kuvuga ko ubutegetsi bwa Kagame uyobora u Rwanda muri iki gihe ari ubutegetsi bubi, noneho bakavuga ko ari ko muri Afrika hose bigenda, ngo ko ubutegetsi bwaho bwose ari bubi, kimwe n\u2019ubwo mu Rwanda! Jye ariko, si uko mbibona. Impamvu ni uko nta handi mu gihugu cya Afrika kindi icyo aricyo cyose, umukuru w\u2019igihugu cyaho yicishije bene wabo, abeshya ko aje kubatabara (Abatutsi), cyangwa akica abandi bene gihugu ku bwinshi (Abahutu), nk\u2019uko Kagame yabigenje mu Rwanda. Nk\u2019uko mubizi, kuva Kagame yaza kugeza n\u2019ubu, arica ku bwinshi !!! Ahandi byagenze kuriya ni hehe uretse mu Rwanda? Igisubuzo ni uko nta handi byabaye, uretse nyine iwacu!<\/p>\n
Nakomeje kujya ndeba ububi bw\u2019ubutegetsi buhari, ngashaka icyo nabugereranya nacyo, ariko sinkibone, kandi nyamara numva gihari. Nyuma yo gutekereza neza ariko, nasanze hari ikindi kintu kibi, kimeze nk\u2019ubutegetsi bwo mu Rwanda. Icyo nta kindi, ni indwara ya SIDA!<\/p>\n
Tubanze twibaze iki kibazo: SIDA ni iki? SIDA ni indwara iterwa n\u2019agakoko ko mu bwoko bwa virus, maze kakambura umubiri ubudahangarwa. Virus ya SIDA, ica umubiri intege ikawambura ubudahangarwa, maze igatera ubwandu bw\u2019indwara. Iyo itavuwe hakiri kare, virus ya SIDA itera indwara zitandukanye, bikarangwa no gucika intege kw\u2019umubiri ku buryo uba utakibasha guhangana n\u2019indwara. Abantu barwaye SIDA iyo nta miti igabanya ubukana bwayo bafata, bashobora kumara imyaka 3 gusa. Iyo umurwayi wa SIDA afashwe n\u2019izindi ndwara kandi nta miti igabanya ubukana bwayo anywa, icyizere cy\u2019ubuzima ni umwka 1 gusa! Abantu barwaye SIDA baba bagomba kunywa imiti igabanya ubukana bwayo, kugirango bakumire gupfa vuba.<\/p>\n
Ubutegetsi bwa Kagame mu Rwanda rero, ni bubi cyane, ku buryo iyo urebye uko bumereye abanyarwanda kuva Kagame yabujyaho muri 1994 kugeza uyu munsi, usanga bumeze nk\u2019indwara ya SIDA mu mubiri w\u2019umuntu uyirwaye!<\/p>\n
Muri iyi nyandiko, tugiye kurebera hamwe ukuntu ubutegetsi bwa Kagame bwagize u Rwanda, nk\u2019uko indwara ya SIDA igira umubiri w\u2019umuntu, iyo iwugezemo!\u00a0<\/span><\/p>\n Abanyarwanda bifuza icyavanaho ubutegetsi bwa Kagame, nk\u2019uko umurwayi wa SIDA yifuza ahava umuti uyivana mu mubiri we, akaba yarahabuze!<\/b><\/p>\n Abanyarwanda aho bava bakagera, baba abo mu Rwanda ndetse n\u2019abo mu mahanga, bose bifuza icyavanaho iriya ngoma ngome ya Kagame iri i Kigali mu Rwanda, ariko kugeza ubu barakibuze! Aha ni igihe Kagame yakoreshaga g\u00e9nocide yakorewe Abatutsi, ayikoresheje iy\u2019Abahutu! Mu yandi magambo, Kagame n\u2019abo bavanye Uganda, baje bakora genocide yakorewe Abahutu n\u2019ubwo itaremerwa kubera impamvu za politique, noneho bamaze gutesha umutwe Abahutu ku mpande zose, nibwo bamwe muri bo umujinya wabarenze, maze bishora muri g\u00e9nocide yakorewe Abatutsi yabaye muri 1994.<\/p>\n Aho bigeze aha muri 2018, abanyarwanda bose bahaze ingoma ya kagame, ku buryo bifuza icyayivanaho, ariko kugeza magingo aya nta kiraboneka! Ibi, umuntu yabigereranya n\u2019iyo indwara ya SIDA yageze mu mubiri w\u2019umuntu, ukuntu nta kindi akora, uretse kwifuza icyatuma akira iyo ndwara! Ibi bikaba ari nyuma y\u2019uko iriya ndwara nta muti igira kugeza magingo aya, noneho uwo ifashe akaba ntacyo yarya cyangwa yanywa, kugirango abone yamuva mu mubiri ! Nguko uko ingoma ngome ya Kagame, ibereye abanyarwanda mu Rwanda! Abanyarwanda twese twifuza icyayivanaho, ariko cyarabuze!<\/p>\n Kagame yafashe ahantu abanyarwanda twese dukunda, nk\u2019uko SIDA yafashe ahantu abantu bose bakunda!\u00a0<\/span><\/b><\/p>\n Mu mwaka wa 1994, Kagame yafashe ubutegetsi mu Rwanda ku ngufu, nyuma yo guteza Abatutsi bamwe mu Bahutu, atanga itegeko ryo kurasa indege ya Nyakwigendera Pr\u00e9sident Juv\u00e9nal Habyarimana, bityo hakavuka genocide yakorewe abatutsi muri uwo mwaka wa 1994. Twakwibutsa ariko ko atari Abatutsi bonyine bishwe mu Rwanda, kuko n\u2019Abahutu bishwe ku bwinshi n\u2019ingabo Kagame yaje ayoboye za FPR, ubwo bateraga bava Uganda muri 1990. Twibuke kandi ko batahagarariye aho, kuko barinze no kwambuka bajya Congo bakomeza kwica Abahutu b\u2019abanyarwanda bari barabahungiyeyo! Ibi ababikurikiriye hafi bakaba bemeza ko ubwo bwicanyi nabwo ari g\u00e9nocide yakorewe Abahutu, n\u2019ubwo ngo itari yemerwa kubera inyungu za \u201cpolitique\u201d. Kagame yafashe ubutegetsi ahantu abanyarwanda twese dukunda kandi twahuriraga twese nk\u2019abanyarwanda, ariho mu gihugu cyatubyaye u Rwanda (Motherland). Yahishe abantu batagira ingano, ahaca abandi na bo batagira ingano, ibintu biradogera! U Rwanda rusigaye rutemba amaraso n\u2019amagufa, kandi mbere ya 1994 rwaratembaga amata n\u2019ubuki !\u00a0<\/span><\/p>\n Mu gihe Kagame yafashe aho abanyarwanda twese dukunda, SIDA nayo ijya gufata abantu, niko yabigenje! Yarakugendeye yifatira ahantu abantu bose bakunda! Yafashe aho abagabo bakunda, iranagenda yifatira aho abagore nabo bakunda, maze rubura gica, ingorane ziravuka! (Singiye guhamagara imbwa mu mazina yazo sindi umushumba, ndumva mwumva icyo nshaka kuvuga). Abantu rero kubera iyo mpamvu ntibabura kurira ayo kwarika kandi birumvikana, bagira bati:\u201dimisigati ntikiribwa hajemo nkondwa\u201d! <\/i>Ubundi bakwongera ngo:\u201dKuki rwose iriya nkenya ngo ni SIDA yafashe hariya yafashe? Kuki itafashe umusatsi, ngo abantu bajye bahita biyogoshesha, bityo bayiceho, bayikureho?\u201d<\/i> N\u2019ibindi byinshi wumva biteye agahinda ! Kagame hamwe na SIDA, bahuriye kuri icyo kintu cyo kuba baragiye bifatira aho abantu bakunda, kandi batifuzwa.<\/p>\n Iyo urebye ukuntu imivu y\u2019amaraso yatembye mu Rwanda kuva Kagame na FPR batera u Rwanda, bakica Abahutu, Abatutsi, Abatwa ndetse na bamwe mu banyamahanga babaga mu Rwanda, usanga birenze! Wakwibuka kandi ko n\u2019ubu amaraso akimenwa na buriya butegetsi, ubona ko u Rwanda rwabaye indiri y\u2019urupfu, nk\u2019uko iyo indwara ya SIDA yangiza umubiri w\u2019umuntu igezemo, nayo ikaba ari indiri y\u2019urupfu. Iyo urebye ukuntu indwara ya SIDA igira umubiri igezemo, ukanareba uko igarika ingogo yica abantu batagira ingano, usanga ntaho bitaniye n\u2019ubutegetsi bwa Kagame mu Rwanda. Umuntu yabigereranya n\u2019uko ubutegetsi bwa Kagame bwagize u Rwanda aho buhagereye, kuko amahoro abanyarwanda bo mu moko yose bari bafite mbere y\u2019uko Kagame aba umuyobozi w\u2019u Rwanda, bahise bayabura, kugeza magingo aya bikaba byarayoberanye! Mwibuke ko G\u00e9n\u00e9ral Kayumba wazanye na Kagame, aherutse gutangaza ko yicuza impamvu Pr\u00e9sident Habyarimana yapfuye, amaze kubona neza uwo Kagame ari we!!!<\/p>\n Uko nta wumenya igihe ubutegetsi bwa Kagame buzamwicira, ni nk\u2019uko urwaye SIDA na we atamenya igihe izamuhutira!<\/b><\/p>\n Twese abanyarwanda tumaze kubimenyera, n\u2019ubwo \u201cnta wumenyera akabi\u201d. <\/i>Nta wumenya igihe ingoma ya Kagame izamwicira, nduzi ko isigaye yica, ikanafunga n\u2019abayifashije kugera ku butegetsi ! Namwe mwirebere aho iyo ngoma igeze Madame Adeline Rwigara n\u2019umukobwa we Diane Rwigara, kandi bizwi ko Nyakwigendera umugabo w\u2019uriya mudamu ariwe Rwigara Assinapaul, yatanze amafranga atabarika, ayaha FPR Kagame kugirango igere ku butegetsi ! Abatari abo bo sinavuga, kuko abamazwe n\u2019iriya ngoma ari benshi !\u00a0<\/span><\/p>\n Aho bigeze aha, umunyarwanda wese cyane cyane uri mu Rwanda, yumva ko yiriwe ataraye! Yarara, agatekereza ko atari bwirirwe, kubera ko ntawumenya igihe iriya ngoma izamwicira! Buri wese yumva ko isaha ari isaha, ko igihe icyo aricyo cyose ubutegetsi bwa Kagame buba bushobora kumwica! Iyo ucecetse kwa Kagame, bavuga ko ufite id\u00e9ologie ya g\u00e9nocide, maze bagakunda bakagushahura! Iyo uvuze nabwo, bavuga ko ubapinze ubanenze), maze noneho si ukukurandura, bakakurandurana n\u2019imizi, nkuko babigize kwa Rwigara! Mbese, bigaragara ko ntawumenya igihe iriya ngoma izamuhutira! Ibi tukabigereranya n\u2019uko indwara ya SIDA yageze mu muntu, atamenya igihe izamuhutira. Buri gihe aba ategereje, kuko azi ko amaherezo nta yandi, uretse kuzapfa umunsi umwe ariyo imwishe. SIDA yo cyakora nibura, iyo uyirwaye akurikije amabwiriza ya muganga, akarya neza, nibura yo iramureka akabaho imyaka myinshi. Ariko ingoma ya Kagame yo, byahe byo kajya! Ntacyo wakurikiza, ngo urambe! Nta \u201cformule\u201d! Uvuze urapfa, ucecetse nabwo ugapfa! Ahubwo rero, nta n\u2019ubwo ingoma ya Kagame na SIDA ari kimwe! Uzi ko ingoma ya Kagame ariyo mbi cyane kurusha indwara ya SIDA! Nta \u201cformule\u201d wagenderaho ngo urambe kwa Kagame, mu gihe SIDA yo, \u201cformule\u201d ihari yo kuramba! Gukurikiza inama za muganga, niyo \u201cformule\u201d yo kuramba ku murwayi wa SIDA, mu gihe kwa Kagame ho, ari kure kubi !!!!\u00a0<\/span><\/b> Mbega umwaku!<\/p>\n Erega noneho ngo uyu mwaka, Kagame niwe Pr\u00e9sident wa UA (Union Africaine)! Abanyafrika bamuhaye icyizere cyo kuyobora uwo muryango muri uyu mwaka wa 2018! Bagomba kuba batari bazi ko ari umukuru w\u2019igihugu utabagura abo yakagombye kurinda, kandi akanabateza inyuma, aho kubateza imbere! Rero noneho ngo ubutegetsi bwa Kagame bwamaze abantu, ngo nibwo bwanatanze umuyobozi mushyashya wa OIF (Organisation Internationale de la Francophonie)! Yewe, ibintu by\u2019ubu ndabona bisigaye bicuritse pe! Nawe se, umuntu waciye igifaransa mu Rwanda, akaba atanubahiriza n\u2019uburenganzira bwa muntu (Human rights), ngo niwe OIF yahaye icyizere cyo kuyiyobora nduzi ko ariko nabivuga! Ibyo umuntu yabyita iki, kitari ukuba bicuramye?!\u00a0 <\/span>Ariko wenda ahari nta wabarenganya cyane.\u00a0 <\/span>Bigaragara ko batari bazi ko uwo bagiriye icyizere (Kagame), afite ubutegetsi bubi mu gihugu cye, burusha ububi indwara ya SIDA, iyo igeze mu mubiri w\u2019umuntu! Iyo babimenya, bari guhindura uko babigenza (proc\u00e9dure), ariko ntibashyireho umwicanyi kabombo Kagame!\u00a0<\/span><\/p>\n Muri iyi minsi bwo, haravugwa ko Kagame ashobora gutera u Burundi bwa Pr\u00e9sident Nkurunziza! Ariko se, ubutegetsi butagira \u201cdiplomatie\u201d, ni butegetsi nyabaki?! Yajogoroje Zaire ya Mobutu, agirango niko yabigenza i Burundi ! \u201c<\/i><\/b>Inkunguzi y\u2019igikoba, yikururiye ikara<\/i>\u201d!\u00a0<\/span><\/p>\n Indwara ya SIDA igenda irushaho kwongera ubukana nk\u2019uko ubutegetsi bwa Kagame buri kurushaho kwica n\u2019uwo bwari bwarasize.<\/b><\/p>\n Iyo urebye ukuntu Kagame yafashe ubutegetsi mu Rwanda amaze abantu, ukanareba uko yakomeje ategeka iyi myaka 25 yose yica, ukanareba ukuntu noneho asigaye yibasiye n\u2019abamushyize ku butegetsi muri iki gihe, usanga akora nk\u2019uko indwara ya SIDA ibigenza, iyo yinjiye mu mubiri w\u2019umuntu!<\/p>\n Indwara ya SIDA iyo imaze kugera mu muntu, igenda yongera ubukana buhoro buhoro, haba m\u2019ukuntu yiyongera mu mubiri w\u2019uyirwaye, ndetse n\u2019uko yiyongera mu bantu benshi uko bagenda bayanduzanya hirya no hino! Kagame na SIDA na none, bahuriye ku kintu cyo kuba aho bageze, baragiye bongera ubukana ku buryo buteye ubwoba, nk\u2019uko buri munyarwanda wese asigaye abyibonera! Namwe nimurebe aho Kagame ageze umuryango wa Nyakwigendera Rwigara Assinapaul watanze amafranga atagira ingano kugirango Kagame n\u2019agatsiko ke bagere aho bageze! Mu gihe SIDA yibasiye inyoko muntu, Kagame we agerereye inyoko nyarwanda! Nzaba mbarirwa ra!<\/p>\n Kagame yagamye ku butegetsi mu Rwanda nk\u2019uko virus ya SIDA igama iyo igeze mu mubiri w\u2019umuntu!<\/b><\/p>\n Mu Kinyarwanda baca umugani ngo \u201ciso ntakwanga akwita nabi<\/i>\u201d. Uwise izina Kagame, wagirango yari azi ko azagama ku butegetsi, maze akazengereza abanyarwanda nk\u2019uko bisa ubu! Reba na we, Kagame yagiye ku butegetsi mu Rwanda muri 1994 kugeza n\u2019ubu! Ariko n\u2018ubwo icyo gihe yari vice president wa Republika, birazwi ko ubutegetsi bwari ubwe n\u2019icyo gihe, kuko uwitwaga President icyo gihe ariwe Bizimungu nta butegetsi nyabwo yari afite. Nimurebe noneho ukuntu ejo bundi muri 2017, Kagame yavuguruye itegekonshinga, abeshya ko ari abanyarwanda ngo bamusabye kurivugurura kugirango agumeho, ageze noneho muri 2034 ! Nguko rero uko Kagame agamye mu Rwanda, abanyarwanda tukaba twaramurambiwe, kandi nawe arabizi.<\/p>\n Uko Kagame agamye ku ngoma, ni nkako SIDA iyo igeze mu mubiri w\u2019umuntu igama. Murabizi ko kuva yamenyekana muri za 1980, abantu bakomeje kwibaza ukuntu bayivuza ngo ikire burundu, ariko byabaye iby\u2019ubusa, kuko yakomeje gucura inkumbi, ikaba nta muti\u00a0 <\/span>igira ! Kuva icyo gihe kugeza ubu, ubona ko nayo yagamye nk\u2019uko Kagame agamye mu Rwanda, iyo urebye ukuntu abantu bayirambiwe. Kagame na SIDA rero, bahuriye kuri icyo kintu cyo kugama aho bafashe!<\/p>\n Uko SIDA iba mu mubiri w\u2019uwo yafashe atabishaka, niko Kagame nawe ayobora u Rwanda abanyarwanda batamushaka.<\/b><\/p>\n Iyo urebye umurwayi w\u2019indwara ya SIDA, usanga aba afite agahinda gakomeye kandi kumvikana, yibaza impamvu iyo ndwara yamufashe, anicuza cyane! Uku, ni na ko abanyarwanda twese agahinda ari kwose, twibaza impamvu Kagame ari we uyobora igihugu cyacu dukunda twese, na buriya bugome bwose agira!<\/p>\n Umurwayi wa SIDA, ntashaka iyo ndwara na gato. Aba yifuza icyayimukiza, ariko akakibura. Uku ni nako abanyarwanda badashaka Kagame, nk\u2019umuyobozi w\u2019u Rwanda, tukaba tunifuza icyamuvanaho, ariko kugeza magingo aya tukakibura. Impamvu abanyarwanda tutamushaka, zirimo kuba ari we wicishije Abatutsi abizi neza kandi abishaka, yarangiza akaba yaranamaze n\u2019 Abahutu, ataretse n\u2019Abatwa ndetse n\u2019abanyamahanga babaga mu Rwanda! Mwibuke ko ubwo yazaga mu Rwanda hari benshi batamwifuzaga, banahisemo gufata iy\u2019ubuhungiro, babonye ari we ubaye umutegetsi. Mwibuke kandi ko, abo baje bazanye bateye u Rwanda muri 1990, na bo bamaze kubona ko bibeshye, ubu bakaba badasiba kumwamaganira kure ari benshi. Ni byiza cyane!<\/p>\n Ikibabaje, ni uko Kagame we ubwe yitangiye umuti w\u2019uko abanyarwanda twabigenza ngo aveho, ariko kugeza ubu bikaba bimeze nk\u2019ibyananiranye! Kagame yivugiye ko umunsi Abahutu n\u2019Abatutsi twashyize hamwe, ngo uwo munsi atazarasa n\u2019isasu na rimwe, kuko ngo azahambira agasubira iyo yaje aturutse ataruhanyije! Ariko, hari abatabibona, kandi rwose ni umuti w\u2019u Rwanda pe! Ibi bivuga ko, we nta kindi yaharaniye, uretse gutandukanya abanyarwanda, kandi umukuru w\u2019igihugu utandukanya abagituye, mu by\u2019ukuri aba ntacyo amaze! Mwiyumvire namwe umuyobozi dufite! Reka twoye kwiheba, kuko hari ibimenyetso byerekana ko bwa bumwe hagati y\u2019abonse rimwe burimo bwatangiye kwigaragaza. Abanyarwanda baca umugani ngo:<\/i>\u201d<\/i><\/b>Ntawuvuma iritararenga\u201d,<\/i> reka dutegereze turebe, kandi rwose bitangiye kuba byiza, Imana ihabwe icyubahiro kiyikwiye.<\/p>\n Mu gusoza, muri iyi nyandiko twabonye ibigereranyo bitandukanye byerekana ukuntu ubutegetsi bwa Kagame mu Rwanda, bumeze nk\u2019indwara ya SIDA iyo igeze mu mubiri w\u2019umuntu. Muri ibyo, harimo ko abanyarwanda bifuza icyavana Kagame ku butegetsi, nk\u2019uko abarwaye indwara ya SIDA baba bifuza icyayivana mu mibiri yabo. Icya kabiri, ni ukuba Kagame yarafashe ubutegetsi ahantu abanyarwanda twese dukunda, nk\u2019uko indwara ya SIDA yafashe aho abantu bose bakunda. Icya gatatu, ni ukuba abanyarwanda babaho batazi igihe Kagame azabicira, nk\u2019uko umurwayi wa SIDA ahora yibaza igihe iyo ndwara izamwicira. Icya kane, ni ukuba indwara ya SIDA igenda yongera ubukana, nk\u2019uko Kagame n\u2019ubutegetsi bwe bongera ubukana mu kugenda bica n\u2019abo bari barasize. Icya gatanu ni ukuba ubutegetsi bwa Kagame bwagamye mu Rwanda, nk\u2019uko indwara ya SIDA igama iyo igeze mu mubiri w\u2019umuntu. Icya gatandatu, ni uko ubutegetsi bwa Kagame buriho mu Rwanda abanyarwanda batabushaka, nk\u2019uko indwara ya SIDA ifata utayishaka.<\/p>\n Twabonye ukuntu ubutegetsi bwa Kagame ari bubi, ku buryo bihuye neza neza n\u2019ububi bw\u2019indwara ya SIDA iyo igeze mu mubiri w\u2019uyirwaye. Igitangaje kurushaho, ni uko ahubwo muri iyi nyandiko, twasanze ubutegetsi bwa Kagame ari bubi cyane kurusha n\u2019indwara ya SIDA! Impamvu yabyo ni uko nibura SIDA yo, iyo uyirwaye akurikije inama za muganga, nibura apfa kuramba, kurusha uko ingoma ya Kagame imeze. Birazwi ko iyo ucecetse kwa Kagame, bavuga ko ufite id\u00e9ologie ya genocide, maze bagakunda bakagushahura! Iyo uvuze nabwo, bavuga ko ubapinze, maze noneho si ukukurandura, bakakurandurana n\u2019imizi ! Mbega ibyago by\u2019abanyarwanda! Mbega agahinda! Aha rero, ibyiza ni ukuvuga, ugaharanira uburenganzira bwawe nk\u2019umuntu, aho guceceka n\u2019ubundi ugapfa! Mwibuke ko \u201cwanga guha amaraso igihugu, imbwa zikayanywera ubusa\u201d.<\/i><\/p>\n Abanyarwanda tugomba guhaguruka tukarwanya ingoma ya Kagame mu buryo bwose bushoboka, nk\u2019uko abantu barwanya icyorezo cya SIDA, niba tudashaka gushira nk\u2019ubushwiriri !!!<\/p>\n \u201cWanga kugwa ukagwira ubusa!\u201d\u00a0<\/span><\/i><\/p>\n Niyomugaba Jean de la Paix<\/strong><\/p>\n Kigali \u2013 Rwanda.<\/p>\n","protected":false},"excerpt":{"rendered":" Abanyarwanda bamwe, bakunze kuvuga ko ubutegetsi bwa Kagame uyobora u Rwanda muri iki gihe ari ubutegetsi bubi, noneho bakavuga ko ari ko muri Afrika hose bigenda, ngo ko ubutegetsi bwaho bwose ari bubi, kimwe n\u2019ubwo mu Rwanda! Jye ariko, si uko mbibona. Impamvu ni uko nta handi mu gihugu cya Afrika kindi icyo aricyo cyose, […]<\/p>\n","protected":false},"author":2,"featured_media":11677,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-29801","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n