{"id":29944,"date":"2019-01-12T23:00:14","date_gmt":"2019-01-12T21:00:14","guid":{"rendered":"http:\/\/www.therwandan.com\/ki\/?p=29944"},"modified":"2019-01-13T10:57:49","modified_gmt":"2019-01-13T08:57:49","slug":"mu-gihe-urugo-rwa-fayulu-rugoswe-nigisirikare-ngo-ishyaka-rya-kabila-niryo-ryatsindiye-abashingamateka-benshi","status":"publish","type":"post","link":"https:\/\/www.therwandan.com\/ki\/mu-gihe-urugo-rwa-fayulu-rugoswe-nigisirikare-ngo-ishyaka-rya-kabila-niryo-ryatsindiye-abashingamateka-benshi\/","title":{"rendered":"Mu gihe urugo rwa Fayulu rugoswe n’igisirikare ngo ishyaka rya Kabila niryo ryatsindiye abashingamateka benshi."},"content":{"rendered":"
\n
\n

Yanditswe na Marc Matabaro<\/strong><\/p>\n

Akanama gashinzwe gutunganya amatora muri Republika iharanira Demokrasi ya Kongo kavuga ko abashyigikiye Perezida Joseph Kabila ari bo batsindiye intebe nyinshi mu nama nshingamateka mu matora yabaye ku itariki 30 Ukuboza 2018.<\/p>\n

Ibimaze kumenyekana byavuye mu matora biha abashyigikiye Leta iriho intsinzi y’intebe 261 kuri 485 ziteganijwe mu nama nshingamateka. Uruhande rwa F\u00e9lix Tshisekedi rwo rurabarirwa intebe ziri munsi ya 50 mu gihe urwa Martin Fayulu byavuzwe ko rwagize intebe 59.<\/p>\n

Mu gihe byakwemezwa n’urukiko rushinzwe iremezo ry’itegeko nshinga mu cyumweru gitaha, ni ukuvuga ko Perezida mushya azakorana na Ministre w’intebe uvuye mu mpuzamashyaka ishyigikiye Perezida Kabila yari isanganwe n’ubundi ubutegetsi. Ibi bikaba bitera benshi kwibaza niba koko ibyavugwaga ko hari amasezerano yo kugabana ubutegetsi \u00a0hagati ya Tshisekedi na Kabila atari ukuri.<\/p>\n

Ababikurikiranira hafi ndetse n’abo ku ruhande rwa Martin Fayulu bakomeje kwibaza ukuntu uruhande rwa Perezida Kabila rwatsindira intebe zingana kuriya mu matora y’abashingamateka nyamara abarwanya ubutegetsi baragize amajwi arenga 80% mu matora ya Perezida wa Repubulika.<\/p>\n

Ibikomerezwa mu ishyaka riri ku butegetsi byagumanye intebe zabyo mu nteko nshingamateka nka Aubin Minaku, Evariste Boshab, N\u00e9h\u00e9mi Mwilanya, ndetse n’abavandimwe ba Perezida Kabila basanzwe mu nteko ari bo Zo\u00e9 Kabila na\u00a0Jaynet Kabila.<\/p>\n

Ku ruhande rw’abatavugarumwe n’ubutegetsi Eve Baza\u00efba, Adolf Muzito, na Vital Kamerhe bagumye mu nteko. Martin Fayulu nawe yagumanye intebe nk’umudepite mu mujyi wa Kinshasa.<\/p>\n

Mu nteko nshya ya Congo hinjiyemo abagore 50 bivuze ko hiyongereyeho 10 ugereranyije n’inteko yari yatowe mu 2011.<\/p>\n

Nabibutsa ko hatangajwe amajwi y’abatowe 485 kuri 500 bagize inteko kuko imyanya 15 izigaye izatorerwa muri Werurwe uyu mwaka kubera ko mu duce twa \u00a0Beni-territoire, Beni-ville, Butembo na Yumbi, nta matora yabaye kubera impamvu z’umutekano muke n’indwara ya Ebola.<\/p>\n

\n

Les r\u00e9sultats proclam\u00e9s par la CENI ne correspondent pas \u00e0 la v\u00e9rit\u00e9 des urnes. Ils ont \u00e9t\u00e9 fabriqu\u00e9s de toutes pi\u00e8ces. J'exige le recomptage manuel de toutes les voix pour les trois \u00e9lections (pr\u00e9sidentielle, l\u00e9gislatives nationales et provinciales).<\/p>\n

— Martin Fayulu (@MartinFayulu) January 12, 2019<\/a><\/p><\/blockquote>\n