Kuri uyu wa kabiri tariki ya 05 Gashyantare 2013 mu gitondo, igipolisi cy\u2019Afrika y\u2019Epfo cyataye muri yombi abantu 19 bakekwaho kuba mu mutwe w\u2019inyeshyamba zo muri Congo, bararegwa kugambana bagamije guhirika Leta y\u2019igihugu cya Congo.<\/p>\n
Abatawe muri yombi bafatiwe mu karere ka Limpopo mu majyaruguru y\u2019uburasirazuba bw\u2019Afrika y\u2019Epfo, batawe muri yombi n\u2019umutwe udasanzwe w\u2019igipolisi cy\u2019Afrika y\u2019Epfo ushinzwe kurwanya iterabwoba no gutabara abafashweho ingwate. Abo bantu bafatiwe mu duce dutandukanye two mu ntara ya Limpopo ihana imbibi n\u2019ibihugu bya Botswana, Mozambique na Zimbabwe.<\/p>\n
Mu mategeko y\u2019igihugu cy\u2019Afrika y\u2019Epfo, igipolisi kigomba kuba cyagejeje abaregwa imbere y\u2019ubucamanza mu gihe kitarenze amasaha 48, bishatse kuvuga ko abo bafashwe bashobora kugezwa imbere y\u2019ubucamanza kuri uyu wa kane tariki 7 Gashyantare 2013.<\/p>\n
Itangazo ryashyizwe ahagaragara na polisi rivuga ko abo bafashwe bazashinjwa kurenga ku mategeko y\u2019igihugu cy\u2019Afrika y\u2019Epfo ku bijyanye no gutera inkunga ya gisirikare mu mahanga, ayo mategeko abuza kugambana mu rwego rwo gutegura ibitero cyangwa ibindi bikorwa bujyanye n\u2019ubucanshuro mu bihugu by\u2019amahanga.<\/p>\n
Abayobozi b\u2019Afrika y\u2019Epfo batanze amakuru avuguruzanya ku bijyanye niba abafashwe ari abo mu mutwe wa M23, ibitangazamakuru cyo muri Afrika y\u2019Epfo byari byabanje kuvuga ko inzego za polisi yari zemeje ko abafashwe ari abo mutwe wa M23 ariko nyuma yaho polisi yasohoye itangazo rivuga ko abafashwe ari inyeshyamba zo muri Congo ariko ridasobanura umutwe bakomokamo uwo ari wo.<\/p>\n
Brig. Lindela Mashigo, umuvugizi wa polisi y\u2019Afrika y\u2019Epfo yatangaje ko adashobora kwemeza cyangwa ngo ahakane ko abafashwe ari abo mu mutwe wa M23. Ngo baracyakomeje guhatwa ibibazo.<\/p>\n
Kuri uyu wa kabiri, abanyamakuru ntabwo bashoboye kuvugana n\u2019umuvugizi wa M23, Lt Col Vianney Kazarama ngo agire icyo abivugaho, naho ku ruhande rwa Leta ya Congo, umuvugizi wa Leta Bwana Lambert Mende yavuze ko nta makuru barabona kuri iryo tabwa muri yombi.<\/p>\n
Mu minsi ishize hari amakuru yari yatangajwe n\u2019ibinyamakuru byo muri Congo byavugaga ko ba Roger Lumbala wahoze ari umudepite, Antipas Mbusa Nyamwisi wigeze kuba ministre w\u2019ububanyi n\u2019amahanga na D\u00e9ogratias Bugera wari mu bafatanije na Laurent D\u00e9sir\u00e9 Kabila gutangiza intambara mu 1996, ngo abo bose bari muri Afrika y\u2019Epfo muri iyi minsi mu bikorwa bigamije kuvugira no gushakira amaboko umutwe wa M23. Ariko nta makuru dufite ko abo bagabo baba bari muri bamwe mu bafashwe cyangwa hari aho bahuriye n\u2019ibyabaye.<\/p>\n
Marc Matabaro<\/p>\n","protected":false},"excerpt":{"rendered":"
Kuri uyu wa kabiri tariki ya 05 Gashyantare 2013 mu gitondo, igipolisi cy\u2019Afrika y\u2019Epfo cyataye muri yombi abantu 19 bakekwaho kuba mu mutwe w\u2019inyeshyamba zo muri Congo, bararegwa kugambana bagamije guhirika Leta y\u2019igihugu cya Congo.<\/p>\n","protected":false},"author":3,"featured_media":3162,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[],"tags":[],"class_list":["post-3161","post","type-post","status-publish","format-standard","has-post-thumbnail","hentry"],"yoast_head":"\n