Nyuma y\u2019igihe cy\u2019iminsi irenga ine mu bwihisho n\u2019inzira y\u2019umusaraba, umunyamakuru wacu Mike Gashumba yashoboye kugera mu gihugu cy\u2019abaturanyi tutavuze izina kubera umutekano we.<\/p>\n
Nyuma y\u2019aho dusohoreye inkuru ivuga ko yaburiwe irengero ndetse tukitabaza inshuti ze ngo dushobore kumenya ibyamubayeho, twashoboye kubona ubutumwa bwa sms budusaba guhamagara kuri telefone ifite nimero zo muri icyo gihugu cy\u2019abaturanyi.<\/p>\n
Mu kiganiro twagiranye yadusobanuriye ko yashoboye guhunga kubera ko inzego z\u2019iperereza zamuryaga isataburenge, ibyo ngo bikaba byarashobotse kubera akagambane k\u2019umusore ukora muri cyber caf\u00e9 imwe y\u2019i Kigali mu gace ka Nyamirambo aho uwo musore yahaye amakuru ba maneko ababwira ko uwo musore akunda gusoma inkuru z\u2019ibinyamakuru ngo bituka MZEE kandi ngo azana inyandiko kuri flash disk akazohereza ndetse ahita abwira abo bamaneko ko yasomye inyandiko zari kuri flash disk umunyamakuru wacu yari yibagiriwe mu mashini yo muri iyo cyber caf\u00e9 agasanga ari ibintu binenga ubutegetsi. Amahirwe n\u2019uko umunyamakuru wacu nyuma y\u2019amasaha make yasubiye muri ya cyber Caf\u00e9 gutwara flash disk ye icyo gihe uwo musore wo muri cyber caf\u00e9 yari atarafata icyemezo cyo kurega umunyamakuru wacu ariko yari yashoboye gusoma inyandiko zimwe na zimwe za The Rwandan ndetse na CV y\u2019umunyamakuru wacu byari kuri iyo flash disk.<\/p>\n
Ibi byatumye haza abamaneko bategerereza uwo mwanditsi wacu muri iyo cyber caf\u00e9, ariko kubera ko mu rwego rw\u2019umutekano yakundaga guhindura aho asomera cyangwa yoherereza ubutumwa bamurindiriye iminsi myinshi ataraza kwandikira cyangwa gusomera muri iyo cyber caf\u00e9.<\/p>\n
Ku munsi wo ku wa mbere tariki ya 11 Mutarama 2013 ku mugoroba nibwo yaje gusomera amakuru muri iyo cyber caf\u00e9 maze wa musore ukoramo ahamagara ba maneko bari baramusigiye nimero ya telefone yahamagaraho mu gihe yaba amubonye.<\/p>\n
Abakora mu nzego z\u2019iperereza bose si babi!<\/p>\n
Mu gihe umunyamakuru wacu yari amaze gusoma yagiye kwishyura ngo agende maze wa musore ukora mu cyber caf\u00e9 atinda kumugarurira ngo abo ba maneko bashobore kuhagera, ariko umwe mu bakora mu nzego z\u2019umutekano wumvaga ibyo abo bagenzi be bavugaga yumvise izina ry\u2019umunyamakuru wacu asanga ni umwana azi (yabanye na mukuru we mu gisirikare kandi bose bakomoka i Masisi) yahise ahamagara mukuru w\u2019umunyamakuru wacu amusaba ko yabwira murumuna we akava mu nzira kandi akirinda gukoresha itumanaho iryo ariryo ryose kuko Leta ishobora kumenya aho aherereye. Mu gusohoka abo ba maneko bamuhushijeho iminota mike dore ko binjiye muri iyo Cyber Caf\u00e9 barangaguzwa babaririza aho aciye bagasohoka babaririza icyerekezo yafashe.<\/p>\n
Umunyamakuru wacu yubahirije ibyo yabwiwe na mukuru we ku buryo yirinze gukoresha itumanaho kugeza arenze imbibi z\u2019u Rwanda n\u2019ubwo urwo rugendo rwari nk\u2019inzira y\u2019umusaraba. Twizere ko Imana izamurinda ntihagire ushaka kumukurikira ngo amutsinde hanze.<\/p>\n
Bwana Mike Gashumba yagize uruhare runini mu gukora inkuru nyinshi cyane cyane izijyanye n\u2019umutwe wa M23 ndetse n\u2019ibindi bibera mu guhugu aho yashoboraga kuganira n\u2019abaturage b\u2019abanyarwanda ndetse akajya no gutara amakuru mu duce dutandukanye tw\u2019igihugu ndetse no mahanga nk\u2019uko yari aherutse i Bunagana ahagenzurwa na M23.<\/p>\n
Icyo twavuga gishimishije n\u2019uko atazahwema gukomeza gutara amakuru no kuyageza ku banyarwanda n\u2019ubwo ari hanze y\u2019igihugu.<\/p>\n
Tukaba twasoza dushima uwo mugabo ukora mu nzego z\u2019umutekano waburiye umwanditsi wacu ndetse tukagaya uwo mukozi wo muri Cyber Caf\u00e9 twibaza impamvu yiteranije kandi azi ko nta gahora gahanze ko ndetse bucya bwita ejo!<\/p>\n
Imana ishimwe.<\/p>\n
Ubwanditsi<\/p>\n","protected":false},"excerpt":{"rendered":"
Nyuma y\u2019igihe cy\u2019iminsi irenga ine mu bwihisho n\u2019inzira y\u2019umusaraba, umunyamakuru wacu Mike Gashumba yashoboye kugera mu gihugu cy\u2019abaturanyi tutavuze izina kubera umutekano we.<\/p>\n","protected":false},"author":3,"featured_media":3197,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-3196","post","type-post","status-publish","format-standard","has-post-thumbnail","hentry","category-amakuru"],"yoast_head":"\n