ITANGAZO RIGENEWE ABANYAMAKURU<\/p>\n\n\n\n
Nyuma y\u2019ibiganiro hagati y\u2019Umuryango Nyarwanda uharanira Impinduka muri Demokarasi (MRCD-UBUMWE) n\u2019Ishyaka Rwandan Dream Initiative- Rwanda Rwiza, impande zombi zasanze zifite intego zisa, maze ku bw\u2019inyungu z\u2019Abanyarwanda bose, ziyemeza gukorera hamwe. Kubera izo mpamvu, RDI-Rwanda Rwiza ibaye umunyamuryango w\u2019impuzamashyaka MRCD-UBUMWE, kimwe n\u2019imiryango itatu yawubanjirije (CNRD-Ubwiyunge, PDR-Ihumure na RRM).
<\/p>\n\n\n\n
Kuva ubu MRCD-UBUMWE igizwe n\u2019amashyaka ane, yongeye gushimangira indangagaciro zikomeye irangaje imbere, ari zo: Ubumwe bw\u2019Abanyarwanda, Ukuli, Ubutabera, Demokarasi, Igihugu kigendera ku mategeko n\u2019uburenganzira bw\u2019ikiremwa-muntu . <\/p>\n\n\n\n
MRCD-Ubumwe yongeye kwamagana ifungwa ry\u2019urubuga rwa politike mu Rwanda, rikorwa n\u2019ubutegetsi bwa FPR-Inkotanyi. Impuzamashyaka MRCD-Ubumwe irasaba inshuti z\u2019u Rwanda, Imiryango mpuzamahanga iharanira amahoro, iyubahirizwa ry\u2019uburenganzira bw\u2019ikiremwamuntu, gukoresha ububasha bwose ifite ku butegetsi bw\u2019u Rwanda kugira ngo buhe Abanyarwanda uburenganzira bwabo bwo kwisanzura mu bitekerezo bya politike no gutanga umuganda ku buryo igihugu cyagera kuri demokarasi n\u2019ubwiyunge. <\/p>\n\n\n\n
Turamagana kandi icecekeshwa ry\u2019abatavuga rumwe n\u2019ubutegetsi, ndetse n\u2019ishimutwa riherutse gukorerwa Majoro Callixte NSABIMANA Sankara, wari vice-perezida wa kabili wa MRCD-UBUMWE, rikaba ryarakozwe mu rwego rwo gutera ubwoba abatavuga rumwe n\u2019ubutegetsi. Turamagana kandi imiterere y\u2019ubutabera mu Rwanda, aho bukomeje gukoreshwa nk\u2019intwaro y\u2019intambara, aho abatavugarumwe n\u2019ubutegetsi, baba abafite intwaro cyangwa abatazifite, bose bitwa \u00ab terroristes \u2013Ibyihebe \u00bb hakurikijwe itegeko n\u00b0 46\/2018 ryo ku wa 13\/08\/2018 (reba mu igazeti ya leta n\u00b039 yo ku wa 24\/09\/2018). <\/p>\n\n\n\n
MRCD-Ubumwe yiyemeje inzira yo kunga Abanyarwanda, bashavujwe n\u2019imyaka 25 y\u2019igitugu n\u2019ubwicanyi bya FPR-Inkotanyi. MRCD kandi izakomeza gahunda yayo yo guhuriza hamwe abatavuga rumwe n\u2019ubutegetsi bwa Kigali bose, mu rwego rwo gushaka uko u Rwanda rwagira demokarasi mu maguru mashya. <\/p>\n\n\n\n
Bitewe n\u2019uko Kagame na FPR ye bakomeje kuvunira ibiti mu matwi, mu gihe abatavuga rumwe n\u2019ubutegetsi bwe bakomeje kumusaba ibiganiro by\u2019amahoro, turahamagarira Abanyarwanda bose gukora ibishoboka byose ngo Kagame na FPR bemere ibyo biganiro hakoreshejwe uburyo ubwo ari bwo bwose bushoboka. <\/p>\n\n\n\n
Bikorewe i Buruseli, 18 Kamena, 2019.<\/p>\n\n\n\n
Paul Rusesabagina<\/strong>, Prezida wa MRCD-Ubumwe (sign\u00e9)<\/p>\n\n\n\n Faustin Twagiramungu<\/strong>, Prezida wa RDI-Rwanda Rwiza (sign\u00e9)<\/p>\n\n\n\n Ikondera Libre yakurikiranye iyi mihango mushobora kubibona mu mashusho musanga hano hasi.<\/p>\n\n\n\n