{"id":3258,"date":"2013-02-25T23:13:27","date_gmt":"2013-02-25T21:13:27","guid":{"rendered":"http:\/\/www.therwandan.com\/ki\/?p=3258"},"modified":"2013-02-25T23:39:22","modified_gmt":"2013-02-25T21:39:22","slug":"serafina-mukantabana-yagizwe-ministre-nyuma-yo-gutahuka-avuye-muri-congo-brazzaville","status":"publish","type":"post","link":"https:\/\/www.therwandan.com\/ki\/serafina-mukantabana-yagizwe-ministre-nyuma-yo-gutahuka-avuye-muri-congo-brazzaville\/","title":{"rendered":"Serafina Mukantabana yagizwe Ministre nyuma yo gutahuka avuye muri Congo Brazzaville"},"content":{"rendered":"

Photo: Serafina Mukantabana atahutse ava i Brazzaville<\/em><\/p>\n

Serafina Mukantabana asimbuye Marcel Gatsinzi muri Ministeri y’ibiza no gucyura impunzi kuko amurusha kuba yarabaye impunzi. Mu minsi ishize nibwo yatashye i Rwanda avuye i Brazzaville muri Congo aho yari umutoni avuganira impunzi. Hari impunzi nyinshi yagiriye akamaro ahari no kuzicyura azazicyura.<\/p>\n

Mu nama y\u2019umushyikirano ya 9 uyu mudamu ntako atagize ngo acinye inkoro, ikindi n\u2019uko urugendo Perezida Kagame amaze iminsi avuyemo muri Congo Brazzaville rushobora kuba rufite aho ruhuriye n\u2019igenwa ry\u2019uyu mudamu ku mwanya w\u2019ubuminisitiri aho havuzwe cyane ko Leta ya Congo Brazzaville ngo yiteguye gushyira mu bikorwa icyemezo kitavugwaho rumwe cyo kwambura uburenganzira bwo kwitwa impunzi bamwe mu banyarwanda b\u2019impunzi. Bigaragare ko iki gikorwa cya Leta y\u2019u Rwanda cyo gushaka gucyura impunzi hakoreshejwe ingufu n\u2019andi mayeri yose ashoboka kigiye gushingwa uyu mudamu dore ko muri Congo Brazzaville habarizwa impunzi z\u2019abanyarwanda zikabakaba 7000 kandi uyu mudamu akaba afite amakuru ahagije kuri izi mpunzi kuko yabaye umukuru wazo igihe kitari gito.<\/p>\n

Ntawamenya niba Marcel Gatsinzi hari undi mwanya yagenewe dore ko ibyo gucyura impunzi byari akazi katamworoheye nk\u2019uko kakorohera Serafina Mukantabana wabaye impunzi imyaka 17. Mu gucyura impunzi Marcel Gatsinzi acyuye igihe atabashije no gucyura abana be n\u2019umugore nabo bahungiye hanze y\u2019u Rwanda.<\/p>\n

Muri make ku bijyanye n’ivugururwa rya Guverinoma, Lwakabamba Silas avuye muri UNR asimbura Nsengiyumva Albert muri ministeri y’ibikorwa remezo, Gatete Claver agurana na Rwangombwa John. Naho Marcel Gatsinzi abisa Serafina Mukantabana muri minisiteri y’ibiza no gucyura impunzi.<\/p>\n

Ikindi umuntu atabura kuvuga n’uko iri tangazo ry’ivugururwa rya Guverinoma ryasihowe na Ministre w’intebe, Pierre Damien Habumuremyi nk’aho hari uruhare yaba yagize mu gufata ibi byemezo dore ko hari abamuhimbye Mukerarugendo kuko nta kazi agira ako yakagombye gukora kaba kakozwe na Perezida Kagame ubwe na bamwe mu nkoramutima ze nka ba Musoni n’abandi.<\/p>\n

Twabibutsa ko inama ya Guverinoma itarigera iyoborwa na Ministre w’intebe na rimwe, biheruka kera nabwo inshuro imwe rukumbi ku bwa Bwana Faustin Twagiramungu uretse ko n’ibyemezo byafashwe icyo gihe muri iyo nama byasheshwe.<\/p>\n

Hano hasi mushobora kubona video ya Madame Serafina Mukantabana ageze i Kanombe atahutse.<\/p>\n\n

\n\t\n\t\n\t\n\t\n\t\n\t\n\t\n\t\n\t