{"id":32714,"date":"2019-08-16T23:00:35","date_gmt":"2019-08-16T21:00:35","guid":{"rendered":"http:\/\/www.therwandan.com\/ki\/?p=32714"},"modified":"2019-08-16T23:00:57","modified_gmt":"2019-08-16T21:00:57","slug":"ishyaka-ishema-rirasaba-ko-ibuka-yaseswa","status":"publish","type":"post","link":"https:\/\/www.therwandan.com\/ki\/ishyaka-ishema-rirasaba-ko-ibuka-yaseswa\/","title":{"rendered":"Ishyaka ISHEMA rirasaba ko IBUKA yaseswa!"},"content":{"rendered":"\n

Abayobozi b\u2019Ishyaka Ishema ry\u2019u Rwanda bamaze iminsi mu mwiherero udasanzwe basuzuma byimbitse ikibazo nyakuri kibangamiye Ubumwe n\u2019Ubwiyunge by\u2019Abanyarwanda. Bagenze ku mwanzuro ko umuzi nyakuri w\u2019IKIBAZO ari ishyirahamwe ryiyise \u00ab IBUKA \u00bb.<\/strong><\/p>\n\n\n\n

\u00ab IBUKA ni nk\u2019indwara ya \u00ab Kanseri \u00bb ikomeje kumunga Ubumwe n\u2019Ubwiyunge by\u2019Abanyarwanda \u00bb.<\/strong><\/p>\n\n\n\n

Abanyarwanda bo mu moko yose barangije gutahura neza icyo IBUKA aricyo, muri kamere yayo no mu mikorere yayo. Twese tuzi ko IBUKA atari ishyirahamwe risanzwe, ritanga umuganda waryo mu kubaka igihugu. IBUKA ni Ishyirahamwe riteye ukwaryo.<\/p>\n\n\n\n

Niyo mpamvu benshi bakomeje kwirinda kugira icyo batangaza kuri IBUKA kugira ngo hato badafungwa, bakicwa cyangwa bakaburirwa irengero kubera ububasha bw\u2019umurengera IBUKA yibitseho.<\/p>\n\n\n\n

1. IBUKA ni iki ?<\/em><\/strong><\/p>\n\n\n\n

Iyo witegereje imikorere yayo<\/em>,<\/strong> usanga mu by\u2019ukuri IBUKA ari UMUTWE W\u2019ITERABWOBA<\/strong>(une organisation terroriste), wigaruriye inzego za Leta y\u2019u Rwanda, ukazikoresha mu buryo bwo kwimakaza \u00ab id\u00e9ologie raciste \u00bb,<\/em>yemeza ko abenegihugu bo mu bwoko bw\u2019Abatutsi bonyine aribo \u00ab banyarwanda bagomba kwitabwaho\u00bb,  bityo bakaba bagomba kwikubira  ibyiza byose by\u2019igihugu.<\/p>\n\n\n\n

Naho wakwitegereza kamere yayo nyakuri<\/em><\/strong>, ugasanga  IBUKA ari Ishyirahamwe ry\u2019Abatutsi \u00ab extremistes \u00bb biyemeje guharanira inyungu z\u2019Abatutsi baryemera bonyine.<\/p>\n\n\n\n

2. Twibukiranye amavu n\u2019amavuko ya IBUKA<\/em><\/strong><\/p>\n\n\n\n

\u00ab IBUKA-M\u00e9moire et Justice \u00bb yatangiye yiyita Ishyirahamwe ritegamiye kuri Leta (Organisation non gouvernementale). Ngo yari ifite intego yo \u00ab Kwibuka jenoside, Guharanira ubutabera no Gutera inkunga abacitse ku icumu \u00bb ! <\/em><\/p>\n\n\n\n

Yatangiriye mu gihugu cy\u2019Ububiligi taliki ya 16\/08\/ 1994, ikwirakwizwa mu bindi bihugu. Mu Busuwisi yatangijwe taliki ya 28\/05\/1995. Mu Bufaransa yahageze mu kwezi kwa Mata 2002 ndetse muri icyo gihugu iza kwemerwa nk\u2019ishyirahamwe riharanira inyungu rusange (Association reconnue d\u2019int\u00e9r\u00eat g\u00e9n\u00e9ral) mu mwaka wa 2014. Yageze mu Buholandi mu 2003, no mu Butaliyani yaje kuhagera.<\/p>\n\n\n\n

Mu gihugu cy\u2019u Rwanda ho IBUKA yahatangijwe taliki ya 14\/11\/1995.<\/p>\n\n\n\n

Nyamara haba mu Rwanda cyangwa mu mahanga,  abashutswe ko IBUKA iharanira inyungu rusange, ntibatinze gutahura ko intego nyakuri za IBUKA zishingiye kuri \u00ab id\u00e9ologie \u00bb rutwitsi y\u2019irondakoko n\u2019ivangurabwoko, yisabitse agatsiko k\u2019abashinze IBUKA n\u2019abayobozi bayo bakuru.<\/p>\n\n\n\n

3. Dore inkingi 4 zubakiyeho imitekerereze, imyitwarire n\u2019imigenzereze yabo :<\/em><\/strong><\/p>\n\n\n\n

(1). barwanya byimazeyo igitekerezo cy\u2019ubwiyunge hagati y\u2019Abahutu n\u2019Abatutsi,<\/p>\n\n\n\n

(2). bemera kandi bakigisha ko ubwoko bw\u2019Abatutsi busumba ubwoko bw\u2019Abahutu n\u2019Abatwa (id\u00e9ologie supremaciste)<\/p>\n\n\n\n

(3). bakora ibishoboka byose kugira ngo abenegihugu bo mu bwoko bw\u2019Abatutsi abe aribo bonyine bikubira ibyiza byose by\u2019igihugu,<\/p>\n\n\n\n

(4). bacengera kandi bakigarurira inzego za Leta y\u2019u Rwanda (Inzego z\u2019ubuyobozi bw\u2019igihugu, Igisilikari, ubutabera, Ubukungu, Uburezi n\u2019Imibereho myiza y\u2019abaturage ) kugira ngo bazikoreshe mu gushyira mu bikorwa \u00ab id\u00e9ologie supremaciste \u00bb yabo.<\/p>\n\n\n\n

4. Dore bimwe mu bikorwa bifatika bigaragaza ko IBUKA ishyize imbere IVANGURAMOKO rikaze ryo mu rwego rwa APARTHEID:<\/em><\/strong><\/p>\n\n\n\n

(1). Gufata Ikigega FARG Leta ishyiramo amafaranga avuye mu misoro ya rubanda, IBUKA ikagihindura ikigega cyo gufasha abana b\u2019abatutsi bonyine. N\u2019abari bataravuka mu 1994 bitwa abacitse ku icumu bakarihirwa. Yewe n\u2019abari hanze y\u2019igihugu muri 1994 kabone n\u2019abo mu miryango itunze ibya mirenge, barafashwa ; kubera gusa ko ari abatutsi !<\/p>\n\n\n\n

(2). IBUKA yadukanye umuco mubisha wo gukoresha ingando zihariye abana b\u2019Abatutsi bonyine, bityo ikabona uko ibacengezamo id\u00e9ologie  yo \u00abkwirobanura \u00bb, bakumvishwa ko ntacyo bapfana na bagenzi babo b\u2019Abahutu , ko ahubwo bakwiye kubasuzugura no kubanena,  ahantu hose no mu bihe byose.<\/p>\n\n\n\n

(3). IBUKA yihaye ububasha bwo gutoteza no kugaba ibitero ku benegihugu bagaragayeho kugira amatwara yo kurwanya AKARENGANE no guharanira impinduka nziza mu miyoborere y\u2019igihugu niyo nabo baba ari Abatutsi.<\/p>\n\n\n\n

(4). IBUKA yihaye inshingano yo gushyira iterabwoba no kwandagaza umwenegihugu wese, ushatse kwerekana ko irondakoko ari ribi.<\/p>\n\n\n\n

(5). IBUKA yihaye ububasha bwo gushyigikira no kogoboka abategetsi babi bahemukira abaturage, bagahonyora uburenganzira bwa rubanda.<\/p>\n\n\n\n

(6). IBUKA yivanze cyane mu migendekere y\u2019Inkiko Gacaca, ihimbira kandi ishinja benshi mu Bahutu ibyaha bikomeye batigeze bakora hagamijwe kubambura ibyabo, kubafungira akamama, kubasenyera imiryango no kubatesha agaciro.<\/p>\n\n\n\n

(7). IBUKA yihaye inshingano yo guhiga bukware abenegihugu batari bake bahungiye mu mahanga, ibatesha umutwe, ibahimbira ibyaha, ibashumuriza inkiko, kandi barengana.<\/p>\n\n\n\n

(8). IBUKA irwanya abakandida bashakaga kwiyamamariza imyanya y\u2019ubutegetsi, ikabatera ubwoba abandi ikabahimbira ibyaha batakoze kugira ngo bareke kwiyamamaza.<\/p>\n\n\n\n

(9). IBUKA ikurikirana n\u2019abana bavukiye mu mahanga batazi n\u2019iby\u2019u Rwanda igamije kubabuza amahirwe yabo ngo ni uko ari Abahutu.<\/p>\n\n\n\n

(10). IBUKA kandi nticira akari urutega Abatutsi bashakanye n\u2019Abahutu n\u2019ababanye nabo ikabita abajenosideri na \u00ab Fake Survivors \u00bb !<\/p>\n\n\n\n

(11). IBUKA ikoresha ingufu zayo zose kugira ngo Abahutu biciwe ababo babuzwe uburenganzira bwo gushyingura ababo mu cyubahiro no kubibuka.<\/p>\n\n\n\n

(12). IBUKA ikora n\u2019andi mahano menshi tutiriwe turondora hano ababaza abanyarwanda bikomeye.<\/p>\n\n\n\n

          UMWANZURO<\/strong><\/p>\n\n\n\n