Kuri uyu wa gatanu tariki ya 08 Werurwe 2013, The Rwandan yagiranye ikiganiro na Bwana Jean Marie Micombero umuhuzabikorwa w\u2019Ihuriro Nyarwanda RNC mu gihugu cy\u2019u Bubiligi.<\/p>\n
Mu kiganiro yagiranye na Marc Matabaro hibanzwe ku ngingo zikurikira:<\/p>\n
-Imigambi ya Perezida Kagame yo guhindura itegekonshinga<\/p>\n
-Igenwa rya Gen Ceaser Kayizari nk\u2019uhagarariye u Rwanda muri Turukiya<\/p>\n
-Imitwe imwe ya politiki iteganya kujya gukorera politiki mu Rwanda.<\/p>\n
Bwana Micombero mbanje kubasuhuza mbifuriza kugira ibihe byiza. Tudatinze nifuzaga kukubaza nkawe w\u2019umunyamategeko ubona ute ibivugwa muri iyi minsi ko Perezida Kagame arimo asa nk\u2019aho arimo ashaka gukoresha amayeri ngo ahindure itegeko nshinga yitwaje abaturage?<\/strong><\/em><\/p>\n Namwe ndabasuhuje. Mbere yo kugira icyo mvuga ku bivugwa ko Perezida Kagame ashaka guhindura itegeko nshinga ngo yongere yiyamamaze bwa gatatu, nabanza ngasobanura uko itegeko nshinga rivuga ku bijyanye na manda za Perezida wa Repubulika.<\/p>\n Turebye mu ngingo ya 193, cyane cyane igika cya 3 n\u2019icya 4, itegeko nshinga rya Repubulika y\u2019u Rwanda rigira riti:<\/p>\n \u201dUbubasha bwo gutangiza ivugurura ry\u2019Itegeko Nshinga bufitwe na Perezida wa Repubulika bimaze kwemezwa n\u2019Inama y\u2019Abaminisitiri; bufitwe kandi na buri Mutwe w\u2019Inteko Ishinga Amategeko binyuze mu itora ku bwiganze bwa bibiri bya gatatu by\u2019amajwi y\u2019abawugize.<\/em><\/p>\n \u00a0Ivugururwa ryemezwa ritowe ku bwiganze bwa bitatu bya kane by’amajwi y’abagize buri mutwe w’inteko.<\/em><\/p>\n \u00a0Ariko iyo iryo vugururwa ryerekeye manda ya Perezida wa Repubulika, ubutegetsi bwa demokarasi ishingiye ku bitekerezo binyuranye cyangwa ku bwoko bw’ubutegetsi buteganyijwe n’iri Tegeko Nshinga cyane cyane ku butegetsi bwa Leta bushingiye kuri Repubulika n’ubusugire bw’Igihugu, rigomba kwemezwa na referendumu, rimaze gutorwa na buri Mutwe w’Inteko Ishinga Amategeko.<\/em><\/p>\n \u00a0Nta mushinga w’ivugururwa ry’iyi ngingo ushobora kwakirwa.\u201d<\/em><\/p><\/blockquote>\n Iyi ngingo iri mu itegeko nshinga ryitorewe n\u2019abanyarwanda muri 2003. Kuba abanyarwanda baratoye iyi ngingo n\u2019uko ari ko bifuzaga ko ibintu bigenda, ni ukuvuga ko batanze umwanzuro ku cyo batekereza kuri manda za Perezida wa Repubulika. Bahisemo ko zitarenga 2. Rero gutangira gushyiraho igitutu no gushaka guhinundura iyi ngingo cyangwa izindi ziri mu itegeko nshinga ryitorewe n\u2019abanyarwanda ni amayeri ya FPR yo gushaka gukomeza kugundira ubutegetsi no gukomeza gufataho abanyarwanda bugwate babatera ubwoba ko Perezida Kagame nava ku butegetsi igihugu kizasenyuka.<\/p>\n Ubundi umuyobozi mwiza iyo ayobora neza ashyiraho uburyo bwo guha icyerekezo n\u2019urubuga abandi kugirango hazagire abamusimbura igihe azaba atagihari. Kuba rero Perezida Kagame atarashoboye gukora ku buryo hashobora kuboneka undi munyarwanda wamusimbura mu ishyaka rye rya FPR ndetse no muri miliyoni 11 z\u2019abanyarwanda n\u2019uko atashoboye kubahiriza inshingano ze nk\u2019umuyobozi ngo arebe kure ateganyirize igihugu ejo hazaza ahubwo ubutegetsi bw\u2019igihugu cye akabushyira mu biganza bye gusa ndetse agashyiraho uburyo butuma nta wundi ushobora kuzamuka ngo agaragare ko yagira ubushobozi bwo kumusimbura mubo bakorana hafi.<\/p>\n Mu minsi ishize Perezida Kagame yagennye General Ceaser Kayizari wahoze ari umugaba w\u2019ingabo z\u2019u Rwanda zirwanira ku butaka guhagararira u Rwanda mu gihugu cya Turukiya. Ese iki gikorwa ukibona ute nk\u2019umuntu wahoze mu gisirikare cy\u2019u Rwanda no muri buriya butegetsi?<\/em><\/strong><\/p>\n General Ceaser Kayizari ni umuntu navuga ko yize ajijutse, kandi wigeze gukomera muri buriya butegetsi intambara ikirangira. Ariko byageze igihe asa nk\u2019ushyizwe ku ruhande ahabwa imirimo iri hasi y\u2019urwego yari afite ndetse ashyirwa no muri FERWAFA ku buryo biri mu bintu byamuteranyaga n\u2019abasiviri cyane cyane abakunzi b\u2019umupira w\u2019amaguru.<\/p>\n Reka nguce mu ijambo gato, kuri ibyo bijyanye n\u2019ishyirwa ku ruhande bya General Kayizari, ntabwo byaba byari bishingiye ku bintu byakunze kuvugwa ko yaba ari amayeri ya Perezida Kagame yo kumutesha agaciro. Dore ko hari amakuru dufite ko hari abasirikare bakuru basambanyaga umugore we, ndetse ngo hari n\u2019umusirikare witwa Fruit bivugwa ko yasambanyaga umugore we wishwe mu buryo budasobanutse. Ibyo byose kandi ngo ababikoraga bakoraga uko bashoboye General Kayizari akabimenya. Ibyo ngo byamutesheje umutwe cyane ku buryo yari yarishoye mu ngeso z\u2019ubusinzi,ubusambanyi no kurwana, ariko nyuma yaje gusa nk\u2019aho abireka ndetse ngo ajya kwa Perezida Kagame asaba imbabazi akuramo imyenda yose!<\/em><\/strong><\/p>\n Ayo makuru narayumvise nk\u2019uko nawe wayumvise ariko ntacyo nayavugaho ngo nyemeze cyangwa nyahakane kuko ntayahagazeho. Icyo navuga gusa n\u2019uko General Kayizari kumukura ku mwanya w\u2019umugaba w\u2019ingabo zirwanira ku butaka akicazwa ku gatebe nka ba General Muhire n\u2019abandi wenda Perezida Kagame yabonye byaba ari ukongera abarakare. Dore ko umuntu nka Ceaser akenewe muri ibi bihe ngo ayobore ibikorwa bya Leta ya Kagame muri Turukiya dore ko ibindi bihugu by\u2019i Burayi kubera kugendera ku mategeko n\u2019amahame ya demokarasi bigora inzego z\u2019ubutasi z\u2019u Rwanda kwidegembya mu bikorwa byazo. Uretse guhagararira inyungu z\u2019ubucuruzi za Perezida Kagame muri Turukiya, Ceaser ashobora kuba agiye kuyobora ibikorwa byo guhangana n\u2019abatavuga rumwe n\u2019ubutegetsi akoresheje igihugu cya Turukiya cyegereye ibindi bihugu by\u2019i Burayi kandi kidafite amategeko n\u2019amahame ya demokarasi akakaye nk\u2019ayo mu bindi bihugu cy\u2019u Burayi.<\/p>\n Ese buriya ko General Kayizari ari ku rutonde rw\u2019abashakishwa n\u2019ubutabera bwa Espagne, kumuha umwanya si nko kumushora?<\/em><\/strong><\/p>\n N\u2019ubwo Ceaser yaba afite ubudahangarwa nk\u2019uhagarariye igihugu, kuba Ceaser ashakishwa n\u2019ubutabera bwa Espagne akajya no guhagararira u Rwanda mu gihugu cy\u2019i Burayi nka Turukiya, mbona haba harimo n\u2019uburyo Perezia Kagame yaba yarakoresheje ngo ashotore ubutabera bwa Espagne arebe koko imbaraga buha ziriya nyandiko zo gufata abasirikare b\u2019u Rwanda bwatanze. Umuntu yarebera kubyabaye kuri Rose Kabuye.<\/p>\n Ikindi ni ukureba uburyo igihugu cya Turukiya cyakwitwara muri kiriya kibazo dore ko Turukiya igaragara nk\u2019iyifuza kwinjira mu muryango w\u2019ibihugu by\u2019u Burayi, UE ku buryo itapfa kwiteranya cyane n\u2019ibindi bihugu by\u2019i Burayi. Ceaser navuga ko ahawe uriya mwanya ari nko kugerageza igihugu cya Turukiya ngo Perezida Kagame arebe ko ibikorwa by\u2019ubucururzi ari gushoramo imari muri kiriya gihugu byaba bifite umutekano dore ko ubu Perezida Kagame kubera gushyirwa mu kato n\u2019ibihugu byinshi yakoranaga nabyo arimo gushaka umubano no gushora imali mu bihugu bishya nka za Turukiya, u Burusiya, Koreya, u Bushinwa, Gabon (aho Perezida Kagame ubu yashoye amafaranga menshi mu bijyanye n\u2019imbaho), Congo Brazzaville n\u2019ahandi<\/p>\n Hari amakuru amaze iminsi avugwa ko hari amashyaka afite umugambi wo kujya gukorera politiki mu Rwanda. Mwe mu ihuriro RNC mubibona mute?<\/em><\/strong><\/p>\n Turi abanyarwanda, mu Rwanda ni iwacu, rero kujya gukorera mu Rwanda nta kibazo cyagombye kubamo. Ku bijyanye n\u2019abanyapolitiki cyangwa amashyaka asanzwe muri opposition yajya gukorera mu Rwanda mu ihuriro ryacu tubona nta kibazo kirimo, ikibazo aho kiri n\u2019uburyo ayo mashyaka azakoramo. Ese FPR izayareka iyahe urubuga akore? Oya, twabonye ingero z\u2019amashyaka uburyo yangiwe kwiyandikisha ndetse n\u2019abanyapolitiki bagashyirwa mu buroko. Kereka nibemera bakajya mu kwaha kwa FPR ibyo rero mu Ihuriro ryacu ntabwo twabyishimira kuko byaba bibaye gutiza umurindi Kagame na FPR ngo babone ibyo bereka amahanga bityo bizerwe nk\u2019ubutegetsi bwihanganira abatavuga rumwe nabwo.<\/p>\n Buriya butegetsi turabuzi neza ntabwo bushobora kureka hagira ukora politiki ya opposition muri kiriya gihugu kereka hagize igihinduka. Tuzi neza uko buriya butegetsi bukora mu gihe bugamije kunaniza ushatse gukora politiki wese ibangamiye inyungu zabwo.<\/p>\n Ariko na none abiyemeje kujya gukorera politiki mu Rwanda ntabwo twabaca intege ahubwo nk\u2019Ihuriro nyarwanda RNC twabagira inama yo kwisunga andi mashyirahamwe ya politiki ari muri opposition hakabaho ubufatanye mbere yo kujya gukorera mu Rwanda. Ibyo byafasha ayo mashyaka mu mikorere igihe yaba ageze mu Rwanda dore ko burya hari amashyirahamwe ya politiki amwe aba afite abayoboke bayo mu gihugu mu nzego zose ndetse n\u2019iz\u2019umutekano ku buryo bashobora gufasha abo banyapolitiki mu gihe bibaye ngombwa bakabaha amakuru ya ngombwa cyangwa bakabatabariza.<\/p>\n Ubu se ntabwo mwabonye ko abanyapolitiki bafunze basurwa ndetse bakanagemurirwa kubera ubufatanye amashyaka yabo afitanye?<\/p>\n Ubufatanye bw\u2019amashyaka agiye gukorera mu gihugu n\u2019asigaye hanze bwafasha kuri byinshi, ku mpande zombi kuko opposition yaba ifite ingufu mu gihugu no mu mahanga. Kujya gukorera mu Rwanda uri nyakamwe nta musaruro bishobora gutanga kuko n\u2019abaturage b\u2019abanyarwanda waba ugamije kuvugira nsinzi niba FPR yareka ubageraho kereka habaye ubufatanye n\u2019amashyaka ya opposition asanzwe akorera mu Rwanda azi uburyo akoresha kugira ngo ashobore kunyura mu rihumye FPR, inzego z\u2019ubuyobozi n\u2019iz\u2019umutekano.<\/p>\n Mfashe urugero rwa Bwana Faustin Twagiramungu, Perezida wa RDI Rwanda Rwiza, mbona bitazamworohera kuko uko muzi ntabwo ari umuntu uzemera kujya mu kwaha kwa Kagame na FPR ye, ibyo rero bizatuma FPR ikora uko ishoboye ngo imubuze amajyo. Uyu mugabo afite uburambe muri politiki ariko baca umugani mu kinyarwanda ngo umugabo umwe agerwa kuri nyina. Bwana Twagiramungu n\u2019ishyaka rye bisunze ubufatanye n\u2019andi mashyaka ndumva ikivi biyemeje bagitangirana ingufu zatuma bahangana n\u2019inzitizi zashyirwa mu nzira n\u2019ubutegetsi bwa Kagame ngo bubabuze gukora politiki ya opposition nyayo.<\/p>\n Ubwanditsi<\/strong><\/p>\n","protected":false},"excerpt":{"rendered":" Kuri uyu wa gatanu tariki ya 08 Werurwe 2013, The Rwandan yagiranye ikiganiro na Bwana Jean Marie Micombero umuhuzabikorwa w\u2019Ihuriro Nyarwanda RNC mu gihugu cy\u2019u Bubiligi.<\/p>\n","protected":false},"author":3,"featured_media":3019,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3282","post","type-post","status-publish","format-standard","has-post-thumbnail","hentry","category-politiki"],"yoast_head":"\n