{"id":32827,"date":"2019-09-05T20:45:17","date_gmt":"2019-09-05T18:45:17","guid":{"rendered":"http:\/\/www.therwandan.com\/ki\/?p=32827"},"modified":"2019-09-05T20:46:04","modified_gmt":"2019-09-05T18:46:04","slug":"inkundura-yukuri-nubutabera-mu-guharanira-demokrasi-namahoro-mu-rwanda","status":"publish","type":"post","link":"https:\/\/www.therwandan.com\/ki\/inkundura-yukuri-nubutabera-mu-guharanira-demokrasi-namahoro-mu-rwanda\/","title":{"rendered":"Inkundura y\u2019ukuri n\u2019ubutabera mu guharanira demokrasi n’amahoro mu Rwanda."},"content":{"rendered":"\n

Gusaba ubufatanye mu nkundura y\u2019ukuri n\u2019ubutabera : Ibaruwa ya Fondation Ibukabose-Rengerabose ku bahoze mu buyobozi bukuru bwa gisivili n\u2019ubwa gisilikare mu Rwanda nyuma y\u2019aho FPR-Inkotanyi ifatiye ubutegetsi ku ngufu muri 1994.<\/strong><\/em><\/p>\n\n\n\n

Orl\u00e9ans, 05\/09\/2019<\/em><\/strong><\/p>\n\n\n\n

Impamvu <\/em><\/strong>: Inkundura y\u2019ukuri n\u2019ubutabera mu guharanira demokrasi n’amahoro mu Rwanda<\/em><\/p>\n\n\n\n

Ba Nyakubahwa, Bavandimwe,<\/em><\/p>\n\n\n\n

Mbanje kubasuhuza, mugire amahoro y\u2019Imana. <\/em><\/p>\n\n\n\n

Mu mwaka wa 2015, Prezida Paulo Kagame yahindaguye itegekonshinga agamije kuguma ku butegetsi buzira iherezo. Ni muri urwo rwego yitoresheje muri 2017, akabona amajwi hafi ijana kw\u2019ijana amaze gucecekesha, gufunga, kuzimiza cyangwa kwica abandi bashakaga kwiyamamaza cyangwa gushyigikira abandi bakandida.<\/em><\/p>\n\n\n\n

Imwe mu mpamvu adashaka kurekura ubutegetsi, ni ubwoba afite bw’inkurikizi z’ibyaha by’ihonyora-muntu, itsembabantu n\u2019itsembabwoko yakoze we n’agatsiko ke bafatanyije kumena imivu y’amaraso y’abanyarwanda batabarika. Nyamara kugeza uyu munsi, ariwe ari n’abafatanyabyaha be, baracyidagadura mu butegetsi, bakifata nk’indakoreka zahawe ubudahangarwa n’uburenganzira buhoraho bwo kwica no gukiza uwo bashatse, haba mu Rwanda cyangwa mu mahanga.<\/em><\/p>\n\n\n\n

Iyo uvuganye n’abanyamahanga bashyigikira prezida Paulo Kagame, kubera kutamenya ukuri, barakubwira bati Kagame ntashobora kuba yaricanye kandi ariwe wahagaritse jenoside y’abatutsi, akagarura n’ubwiyunge mu Rwanda. Icyo kinyoma gisa n’icyemewe n’abayobozi benshi b’ibihugu by’ibihangange, ku buryo umuntu atatinya kuvuga ko ingoma y’agatsiko ya FPR ishingiye kur’icyo kinyoma. Mu minsi ishize, hari n\u2019abatangiye kumwamamaza kugira ngo azahabwe igihembo mpuzamahanga cy\u2019amahoro cyitwa Prix Nobel.<\/em><\/p>\n\n\n\n

Ubwo \u00ab budahangarwa \u00bb nibwo buha ingoma ya FPR ubushobozi bwo kwimika ivanguramoko, ihezabwoko, igitugu, iterabwoba, ihonyora, n’ubwicanyi buhoraho kugira ngo ejo hatazagira utinyuka kuvugisha ukuri kwagaragaza ibinyoma iyo ngoma yubakiweho. Bivuga rero ko mu gihe cyose prezida Paulo Kagame n’abafatanyabyaha be bazaba bakiri ku butegetsi, nta demokrasi izabaho, nta kwishyira ukizana, nta kwubahiriza ikiremwamuntu, nta butabera, nta bwiyunge buzashoboka mu Rwanda. <\/em><\/p>\n\n\n\n

Abaharanira demokrasi bakwiye gukora ibishoboka byose kugira ngo kamere nyayo y’iyo ngoma imenyekane, ba mpatsibihugu bayishyigikiye haba muri diplomasi, politike no mu bukungu, bayikureho amaboko, umwanya w’ubwigenge na demokrasi uboneke, amahoro n’ubwiyunge nabyo biganze mu Rwanda, mu buryo bwumvikanyweho n\u2019abanyarwanda bose kandi bose bibonamo nta vanguramoko, nta vanguraturere, nta bwicanyi, n’izindi ngeso zamunze politike mu Rwanda.<\/em><\/p>\n\n\n\n

Uko kuri nta bandi bazakuvuga uretse twe tukuzi. Abenshi twahagaze ku bwicanyi bw’ingoma ya FPR-INKOTANYI <\/strong>bitewe nuko twari mu nzego nkuru z’ubuyobozi.<\/em><\/p>\n\n\n\n

Niba mubyemeye, FONDATION IBUKABOSE-RENGERABOSE yishimiye kubagezeho igitekerezo n\u2019icyifuzo gikurikira, ishingiye ku gice cy\u2019amateka y\u2019u Rwanda duhuriyeho nk\u2019abantu bari mu buyobozi bw\u2019igihugu cyacu nyuma y\u2019itsembabwoko ryo muri 1994.<\/em><\/p>\n\n\n\n

Murabyibuka, icyo gihe, twahuriye mu Rwanda dufite imigambi yo kuzahura u Rwanda, no gutabara abari barokotse ubwicanyi butagira ikigereranyo mu mateka y\u2019igihugu cyacu. Ku misozi yose y\u2019u Rwanda hari imiborogo, amarira, umujinya no kwiheba birenze urugero.  Twese twifuzaga icyatuma ubugome nka buriya butazasubira mu gihugu cyacu.  <\/em><\/p>\n\n\n\n

Loni ibisabwe na Leta y\u2019u Rwanda yahise ishyiraho Urukiko mpuzamahanga rwo gukurikirana no kuburanisha abagize uruhari mw\u2019itsembabwoko, itsembabantu, ubwicanyi bwibasiye inyokomuntu, n\u2019ibindi byaha byose byari bimaze gukorerwa abanyarwanda, mu Rwanda no mu bindi bihugu duhuje imipaka. Urwo Rukiko arirwo TPIR-ICTR rwari rwahawe inshingano yo gukurikirana abicanyi bo ku mpande zombi<\/strong> zari zihanganye mu ntambara, nta kuvangura.  <\/em><\/p>\n\n\n\n

Umugambi wanditse muri R\u00e9solution 955 ya Loni ishyiraho TPIR-ICTR wari uwo gufasha abanyarwanda kwiyunga, hakoreshejwe ubutabera butavangura. Ibyabaye nyuma turabizi. Bamwe mu baregwaga itsembatsemba n\u2019itsembabwoko ryakorewe Abatutsi barakurikiranywe, barahigwa, barafatwa, barafungwa, bacirwa imanza, ubu benshi muri bo baciriwe ibihano bikomeye kugera gufungwa ubuzima bwose. Abandi baracyashakishwa. <\/em><\/p>\n\n\n\n

Ikintu gikomeye kandi kibabaje cyagaragaye, nuko ibyaha by\u2019ubwicanyi FPR-Inkotanyi yakoreye abanyarwanda guhera muri 1990 kugeza aya magingo byo bitakurikiranywe, kubera gukingirwa ikibaba n\u2019ubutegetsi. <\/em><\/p>\n\n\n\n

Nyuma ya 1994 abanyarwanda bakomeje kwicwa, mu Rwanda no mu mahanga. Twavuga cyane cyane iyicwa ry\u2019impunzi muri Za\u00efre\/RDC guhera muri 1996. Mapping Report<\/strong> ya Loni yo ku ya 01\/10\/2010 yabyise itsembatsemba rishobora no kuba itsembabwoko (genocide). Leta y\u2019u Rwanda igenzurwa na prezida Paulo Kagame n\u2019agatsiko ke yakomeje kwongera inzitizi n\u2019imbogamizi z\u2019uburyo bwose kugira ngo abasilikare bayo bataregwa, nk\u2019uko ibihugu bikomeye bimwe na bimwe nabyo byakoze ibishoboka byose kugira ngo Paulo Kagame n\u2019abafatanya-bwicanyi be bakomeze bagire ubudahangarwa imbere y\u2019ubucamanza. Ibyo byose babikoraga ku mayeri ya diplomasi ishingiye ku kinyoma, itera ubwoba cyangwa kwica abatangabuhamya, no kuzimiza, kubuza kujya ahagaragara cyangwa kuburizamo raporo zigaragaza ubwicanyi bwakozwe n\u2019ingabo za FPR. Ni muri urwo rwego Kagame yishe Ministre Seth Sendashonga, Colonel Theoneste Lizinde muri Kenya n\u2019abandi batabarika. <\/em><\/p>\n\n\n\n

Tugarutse hafi yacu, niyo mpamvu muri Afrika y\u2019Epfo, ingoma ya Paulo Kagame yashatse kwica jenerali Kayumba Nyamwasa ikamuhusha kabiri, nyuma yaho ikohereza abicanyi bivuganye Colonel Patrick Karegeya kugira ngo ababuze gutangaza ukuri. <\/em><\/p>\n\n\n\n

Ntibikiri ibanga, hari n\u2019abandi muri twe yashatse kwicira mu bihugu twahungiyemo, Imana ikinga ukuboko. <\/em><\/p>\n\n\n\n

Mu kuburizamo ubutabera, twibuke ukuntu Umushinjacyaha mukuru wa TPIR-ICTR, Madamu Carla Del Ponte yaje kwigizwayo bamuziza ko yashatse gukurikirana abicanyi babarirwa mu ngabo za FPR.<\/em><\/p>\n\n\n\n

Uko kwimiira ubutabera ntibugere ku gice kinini cy\u2019abanyarwanda, bituma batakaza icyizere, bakiheba, bagashengurwa n\u2019akababaro ko kuba bariciwe kandi ntibagire n\u2019uburenganzira bwo kwibuka ababo cyangwa kurenganurwa n\u2019ubucamanza. Bene ako kababaro niko kabyara ipfunwe n’umujinya bishobora kuvamo inzangano no kwishishana hagati y\u2019abanyarwanda, ari nabyo bikurura inzigo n\u2019intambara z\u2019urudaca. <\/em><\/p>\n\n\n\n

Ba Nyakubahwa, Bavandimwe,<\/em><\/strong><\/p>\n\n\n\n

Abanyarwanda benshi babaziho ubushishozi bwinshi, gushyira mu gaciro, guharanira ubureshye bw\u2019abanyarwanda imbere y\u2019amategeko n\u2019ubutabera nta kuvangura amoko cyangwa uturere, no kuvugisha UKURI mutajenjeka. Babaziho kuba muri mu bashikamiye kugarura ituze mu Rwanda, amahoro arambye, no kugira ngo abanyarwanda bishyire bizane mu gihugu cyabo ntawe uhejwe.<\/em><\/p>\n\n\n\n

Nubwo tutaviriye mu Rwanda umunsi umwe, ikintu gikomeye duhuriyeho, tubishaka tutabishaka, nuko twabaye mu ntera zo hejuru mu buyobozi bw\u2019igihugu cyacu<\/strong>, nyuma y\u2019itsembabwoko ryo muri 1994 ryaduhekuye. Ayo mateka ntashobora gusibangana.<\/em><\/p>\n\n\n\n

Bamwe muri twe twatangiranye na buriya butegetsi muri 1994, tugerageza guharanira Demokrasi, uburenganzira bw’ikiremwamuntu, n\u2019amahoro. Ibyo byose twasanze Paulo Kagame n\u2019abatoni be atariwo mugambi bari bafite, bituma duhunga urwatubyaye kugira ngo tubashe gutanga ubuhamya mu mutekano. Ab\u2019amahirwe make, inkoramaraso za Kagame zarabivuganye, haba mu Rwanda cyangwa mu mahanga nkuko twabyanditse haruguru. Tugeze hanze twiyemeje umugambi wo kurwanya iyo ngoma-ngome. Icyo nicyo duhuriyeho twese dufatanyije n’abandi bari barahunze mbere cyangwa badukurikiye. <\/em><\/p>\n\n\n\n

By\u2019umwihariko, tuzi ibyabaye mu gihe twari mu buyobozi bwa gisivili cyangwa bwa gisilikare, kandi tukaba twaragaragaje bihagije ko tudashyigikiye ubugome bwa Paulo Kagame n\u2019abambari be. Ni byiza ko twagiye tubigaragaza, buri muntu ku ruhande rwe no mu buryo bwe.  <\/em><\/p>\n\n\n\n

Nyamara ariko, nkuko <\/strong>Abanyarwanda benshi mu bahekuwe n\u2019ubwicanyi batahwemye kubyifuza, <\/strong>icyabuze kugeza ubu, ni ukwishyira hamwe kugira ngo dukore inyandiko ntangabuhamya bw\u2019intarumikwa, igaragaza Ukuri<\/strong> kwose<\/strong> kubyo twabonye cyangwa twahagazeho.<\/em><\/p>\n\n\n\n

Twe nk\u2019abanyarwanda bahoze mu buyobozi, nk\u2019abantu bagize amahirwe tugacika kw\u2019icumu rya Paulo Kagame kandi Imana ikaba ikomeje kuturinda, abanyarwanda bose n\u2019abavandimwe bacu bahohotewe n\u2019ubwicanyi baradusaba kubafasha gutangaza UKURI, kugaragariza u Rwanda n\u2019amahanga icyo dutekereza ku mirimo ituzuye ya TPIR-ICTR n\u2019inkiko za Gacaca, kugira ngo tubabere abagabo (t\u00e9moins, witnesses), hato ejo hazaza abana bacu, abuzukuru n\u2019abuzukuruza bacu batazakeka ko guceceka kwacu byatewe n\u2019ubugwari, ubugambanyi ku banyarwanda n\u2019abahohotewe n\u2019ubwicanyi, cyangwa ko twabitewe no gushyigikira abahekuye u Rwanda bakanamena amaraso y\u2019abana barwo.<\/em><\/p>\n\n\n\n

Umusiguzi yaragize ati \u00ab L\u2019homme qui ne parle pas a peur, l\u2019homme qui parle fait peur \u00bb.<\/strong> Ni ukuvuga ngo \u00ab Umuntu utavuga aba ari umunyabwoba, naho uvuga icyo atekereza atera ubwoba \u00bb<\/strong>. Kandi ngo ak\u2019imuhana kaza imvura ihise ! <\/em><\/p>\n\n\n\n

Ni mucyo rero dutinyuke tuvugishe Ukuri<\/strong> kuko ariwo murage nyakuri tuzasigira abazadusimbura, n\u2019abaturarwanda b\u2019ejo hazaza. <\/em><\/p>\n\n\n\n

Iyo nyandiko ntangabuhamya yifuzwa n\u2019inzirakarengane <\/strong>igomba kuba igikorwa cy\u2019inkundura cyadufasha kurushaho kugaragaza UKURI<\/strong>, dushyize hamwe, aho kugira ngo buri muntu ku ruhande rwe akomeze kugenda yongorera, ahubwo tukabikorera hamwe nk\u2019abantu bashobora kwemerwa n\u2019abanyarwanda ndetse n\u2019amahanga kubera ko twakoreye iriya ngoma tukaba tuvuga ibyo tuzi kandi twahagazeho cyangwa twabwiwe mu gihe twari muri ya myanya y\u2019ubuyobozi twahozemo. <\/em><\/p>\n\n\n\n

Guhishira amabanga y\u2019inkoramaraso ni nko gufatanya nazo kuyamena. Kandi uhishira umurozi akakumaraho abana. <\/p>\n\n\n\n

Iyo nkundura y\u2019ukuri n\u2019ubutabera yagira uruhari rw\u2019imena mu gufasha abanyarwanda guhashya no kwikiza ingoma y\u2019abicanyi ruharwa bayobowe na prezida Paulo Kagame. Iyo nkundura isaba gushirika ubwoba no kwimakaza ukuri, kandi igomba gukurikiza no gushingira ku mahame yubahiriza ikiremwamuntu, kwishyira ukizana kwa buri munyarwanda n\u2019ubutabera butavangura amoko hagati y\u2019abanyarwanda. <\/em><\/p>\n\n\n\n

Muri urwo rwego, ni tumara gukusanya ubuhamya bwacu mu gisa na \u00ab Mapping Report ku bwicanyi FPR yakoreye Abanyarwanda hagati ya 1990 na 2019 \u00bb, <\/strong>ubuhamya <\/strong>dutanze nk\u2019abanyarwanda bakunda ukuri n\u2019igihugu cyacu, tuzayigeza ku bayobozi b\u2019ibihugu by\u2019amahanga, cyane cyane ibiri muri Conseil de S\u00e9curit\u00e9 – Security Council ya Loni – Inama ishinzwe amahoro kw\u2019isi, imiryango mpuzamahanga irengera ikiremwamuntu (ONG-NGO), dusaba ko ubwicanyi bwakozwe n\u2019ingabo za FPR ya jenerali Paulo Kagame n\u2019agatsiko ke bacyihishe muri FPR bwakurikiranwa, abanyacyaha bagahanwa nka bagenzi babo bo ku rundi ruhande, inzirakarengane zikarenganurwa. <\/em><\/p>\n\n\n\n

Imiryango ya sosiyete sivile nyarwanda nka CCSCR, ODHR, GLOBAL CAMPAIGN FOR RWANDAN\u2019S HUMAN RIGHTS, RIPRODHOR, IBUKABOSE-RENGERABOSE, CLIIR, CSPR, RDTJ, RIFDP, OPJDR, JAMBO, COVIGLA, CPCH, AMAHORIWACU, WITNESSES CHALLENGE n\u2019indi yakwongerwa kuri uru rutonde kuko isanzwe ikurikirana ibibazo by\u2019ubutabera n\u2019uburenganzira bwa muntu, yatanga umusanzu wo gukusanya ubuhamya twatanga, no kunonosora inyandiko ntangabuhamya mbere yuko ishyirwa ahagaragara. Abayobozi b\u2019ayo mahuriro mbahaye kopi y\u2019iyi baruwa.<\/em><\/p>\n\n\n\n

Raporo ntangabuhamya yasinywa natwe twese, ni ukuvuga abahoze mu butegetsi bwa gisivili muri Leta cyangwa bwa gisilikare cya FPR : uwahoze ari Ministre w\u2019intebe, ba ministre, Intumwa za rubanda (D\u00e9put\u00e9s), ba ambassaderi, abasirikare bakuru cyangwa bato muri APR, abacamanza bo mu nzego zose, abakoraga mu butasi bwa gisivili cyangwa bwa gisilikare, abakoze mu buyobozi bukuru bw\u2019ishyaka FPR, abandi bose bazwi kubera imyanya ikomeye bari bafite, n\u2019abahoze mu miryango nyarwanda yita ku burenganzira bw\u2019ikiremwamuntu nyuma ya 1994. <\/em><\/p>\n\n\n\n

Muri iyo nyandiko ntangabuhamya kandi, twagaragariza abanyarwanda n\u2019amahanga ko inkiko za TPIR-ICTR na Gacaca zatatiye inshingano zo kwunga abanyarwanda hakoreshejwe ubutabera kuri bose, ko rero inkiko za Gacaca na TPIR-ICTR zitarangije inshingano zazo, ko gupfukirana ubutabera byorora inzangano n\u2019inzigo hagati y\u2019abanyarwanda kandi ko bishobora kuzanira u Rwanda ibindi byago bikomeye mu bihe bizaza, bityo bikabangamira bikomeye ubwiyunge n’amahoro arambye abanyarwanda bose bifuza kugeraho. <\/em><\/p>\n\n\n\n

Iyo nyandiko ntangabuhamya yakorwa mu kinyarwanda, mu gifransa no mu cyongereza. Kubera ko tuzaba tuvuga ibyo tuzi twiboneye cyangwa twahagazeho, dusanga buri muntu ashyizeho ake, iyo nyandiko twayirangiza mu gihe kitarenze amezi atandatu (6).<\/em><\/p>\n\n\n\n

Umuryango Ibukabose-Rengerabose ubaye ubashimiye cyane kandi utegereje igisubizo cyanyu cyiza kugira ngo iyi nkundura y\u2019ukuri n\u2019ubutabera<\/strong>, byo nkingi ya demokrasi n’amahoro, izagirire abanyarwanda akamaro, inadufashe gutera intambwe ndende mu nzira y\u2019ubwiyunge duharanira hagati yacu no hagati y\u2019abavandimwe b\u2019abanyarwanda muri rusange, bishingiye k’ukuri kwubaka.<\/em><\/p>\n\n\n\n

ICYITONDERWA<\/strong> : <\/strong>Iyi barwa ishyizwe ahagaragara kugira ngo abantu bose bifuza gufatanya natwe iki gikorwa cy\u2019ingira kamaro bimenyekanishe, maze bongerwe ku rutonde uko bazagenda bimenyekanisha. Bivuga ko uru rutonde ruzagenda ruhinduka uko abatangabuhamya biyongera.<\/p>\n\n\n\n

Batugezaho ubutumwa kuri email yacu contact@ibukabose-rengerabose.org<\/a> cyangwa bakatwandikira bakanze kw\u2019ipfundo http:\/\/ibukabose-rengerabose.org\/contact<\/a> .<\/em><\/p>\n\n\n\n

Murakoze cyane, Imana ikomeze ibarinde.<\/p>\n\n\n\n

Bishyizweho umukono na Ambassaderi Jean Marie Vianney Ndagijimana<\/em><\/strong><\/p>\n\n\n\n

Mw\u2019izina ry\u2019Inama nyobozi ya Fondation Ibukabose-Rengerabose<\/em><\/strong><\/p>\n\n\n\n