Leta zunze ubumwe z\u2019Amerika zafatiye ibihano uwahoze ari umuyobozi mukuru wa polisi ya Uganda kubera ibyaha bikomeye birimo guhonyanga uburenganzira bwa muntu na ruswa.<\/p>\n\n\n\n
Ikigo kigenzura imitungo y\u2019abanyamahanga cya ministeri y\u2019imari muri Amerika cyafatiye ibihano Jenerali Edward Kale Kayihura wayoboraga polisi ya Uganda ku bwo kuba yarayoboye urwego rwagize uruhare rutaziguye cyangwa abakozi barwo bakijandika mu byaha bikomeye by\u2019ihonyangwa ry\u2019uburenganzira bwa muntu ku baturage ba Uganda, na ruswa.<\/p>\n\n\n\n
Sigal Mandelker ukorera mu bunyamabanga bushinzwe iterabwoba muri iyo minisiteri y\u2019imali, yatangaje ko \u201cibihano Kayihura afatiwe bituruka ku kuba yarakoreshaga ruswa n\u2019impongano kugira ngo ashimangire umwanya we muri politiki, kandi hari abo yayoboraga bahonyanze bikomeye uburenganzira bwa muntu.\u201d Asobanura ko \u201cLeta zunze Ubumwe z\u2019Amerika ziyemeje gukora ibishoboka byose mu gukoma mu nkomora no kurwanya abantu bose bijandika mu kubangamira abandi no kurya ruswa hirya no hino mu isi.\u201d<\/p>\n\n\n\n
Kubera iki cyemezo, imitungo yose n\u2019inyungu yayo bya Kayihura, n\u2019ibindi bigo ibyo ari byo byose byaba ibyanditse kuri Kayihura ubwe cyangwa ibyo yaragije abandi; ibyo afitemo kimwe cya kabili cy\u2019imigabane cyangwa irenzeho kimwe n\u2019ibyo afatanyije n\u2019abandi byaba biri muri Amerika, byaba bifitwe cyangwa bicungwa n\u2019umunyamerika; bifatiriwe kandi bigomba kumurikirwa ikigo cy\u2019Amerika kigenzura imitungo y\u2019Abanyamahanga, OFAC. Amabwiriza agenga iki kigo abuzanya ihererekanywa ry\u2019amafaranga ava ku mitungo y\u2019abarebwa n\u2019ibihano nk\u2019ibi.<\/p>\n\n\n\n
Kale Kayihura afatiwe ibihano kubera yayoboye urwego rwagize uruhare ubwarwo cyangwa abakozi barwo bagahonyanga uburenganzira bwa muntu. Uyu mugabo wari umuyobozi wa polisi ya Uganda, yayoboye ishami rirwanira mu kirere ryakoreye ibikorwa bya kinyamaswa imbohe zari zifungiye mu kigo cy\u2019ihariye gishinzwe iperereza cya Nalufenya. Aba bakoreshaga ibiboko n\u2019imbunda mu gutoteza imfungwa. Kayihura kandi avugwaho ruswa mu bihe binyuranye agamije kugumana umwanya muri guverinema ya Uganda. Imfungwa zagiye zitanga ubuhamya ko nyuma yo gutotezwa zikemera ibyaha zitakoze, zahabwaga amafaranga atari make.<\/p>\n\n\n\n
Hagendewe ku itegeko ryiswe Global Magnitsky Act, riha leta y\u2019Amerika ububasha bwo guhana abahonyanga uburenganzira bwa muntu, perezida w\u2019Amerika yasanze ibyo Kale Kayihura yakoze bifite uburemere bwahungabanya ituze n\u2019ubwisanzure by\u2019ubukungu na politiki mpuzamahanga.<\/p>\n\n\n\n
Kuvogera ubwisanzure bwa muntu na ruswa bihungabanya indangagaciro z\u2019ituze, ubusugire n\u2019imikorere myiza ya sosiyete; kandi bikagira ingaruka mbi ku bantu ku giti cyabo, bigaca intege ibigo bigendera kuri demokarasi; ubutegetsi bugendera ku mategeko; bigakurura imvururu kandi bigahungabanya amasoko.<\/p>\n\n\n\n
Mu gufata iki cyemezo, Amerika igamije gufatira ibyemezo bifatika abahutaza uburenganzira bwa muntu no kwijandika muri ruswa, no kurinda inzego z\u2019ubukungu z\u2019Amerika kuba ibikoresho bya bene abo bantu.<\/p>\n\n\n\n
Jenerali Kale Kayihura wamaze igihe kinini afatwa nk’umuntu wa hafi wa Perezida Museveni, yatawe muri yombi mu kwezi kwa gatandatu k’umwaka ushize akekwaho gukorana na leta y’u Rwanda.<\/p>\n\n\n\n
VOA<\/p>\n","protected":false},"excerpt":{"rendered":"
Leta zunze ubumwe z\u2019Amerika zafatiye ibihano uwahoze ari umuyobozi mukuru wa polisi ya Uganda kubera ibyaha bikomeye birimo guhonyanga uburenganzira bwa muntu na ruswa. Ikigo kigenzura imitungo y\u2019abanyamahanga cya ministeri y\u2019imari muri Amerika cyafatiye ibihano Jenerali Edward Kale Kayihura wayoboraga polisi ya Uganda ku bwo kuba yarayoboye urwego rwagize uruhare rutaziguye cyangwa abakozi barwo bakijandika […]<\/p>\n","protected":false},"author":1,"featured_media":26986,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66],"tags":[],"class_list":["post-32916","post","type-post","status-publish","format-standard","has-post-thumbnail","hentry","category-akarere"],"yoast_head":"\n