Ahagana i saa sita z\u2019amanywa kuri uyu wa gatanu tariki 27 Nzeri 2019, mu kagari ka Kijote umurenge wa Bigogwe mu karere ka Nyabihu harasiwe umugabo witwa HABARUREMA Jean Claude bakundaga kwita Gasore bikekwa ko yari atwaye magendu y\u2019inkweto ahita apfa.<\/p>\n\n\n\n
Ababonye ibi biba babwiye TV\/Radio1 ko uwo mugabo wari usanzwe acuruza inkweto yari ari mu modoka ituruka Rubavu igana Musanze afite agafuka karimo imiguru 10 y\u2019inkweto, yabona polisi ibahagaritse agafata agafuka ke akiruka ari nabwo umupolisi yahise amwirukaho akamurasa amasasu ane ari nabyo byamuviriyemo urupfu.<\/p>\n\n\n\n
Abo baturage bagaragazaga umujinya mwinshi bavuga ko ubwo umupolisi yamwirukankanaga yamurashe amasasu abiri amuhusha, nyuma akaza kumurasa andi abiri yamaze kumugeraho ndetse ngo akaba yabanje no kumukubita inshyi ebyiri.<\/p>\n\n\n\n
Ni ibintu abaturage bavugaga ko byabarakaje cyane, ari nayo mpamvu bashatse gukora igisa n\u2019imyigaragambyo bagahagarara mu muhanda banga ko umurambo w\u2019uwishwe utwarwa, nubwo bitamaze akanya.<\/p>\n\n\n\n
Umuvugizi wa polisi y\u2019u Rwanda CP John Bosco Kabera yabwiye TV\/Radio1 ko ayo makuru ariyo koko ko abapolisi bari bacunze umutekano wo mu muhanda bahagaritse imodoka hakavamo umuntu ufite igikapu akiruka umupolisi yamurasa isasu rigafata mu cyico.<\/p>\n\n\n\n
Ku bivugwa n\u2019abaturage ko uwo muturage amasasu abiri ya nyuma yayarashwe yamanitse amaboko ku buryo yashobora gufatwa atishwe, umuvugizi wa polisi avuga ko harimo gukorwa iperereza ngo harebwe niba koko uwo mupolisi wari mu kazi yaba yakoresheje imbaraga z\u2019umurengera akaba yabibabazwa.<\/p>\n\n\n\n
Abaturage bo bifuza ko mu gihe byazagaragara ko uwo mupolisi yakoze ibidakwiye yazaza kuburanishirizwa mu ruhame, kuko ngo aribyo byabereka koko ko ntawe uri hejuru y\u2019amategeko nta n\u2019uwemerewe guhutaza umuturage.<\/p>\n\n\n\n
Uyu Habarurema Jean Claude bakundaga kwita Gasore wapfuye arashwe n\u2019umupolisi, nubwo yarasiwe mu murenge wa Bigogwe mu karere ka Nyabihu, yari asanzwe atuye mu murenge wa Nyakiliba mu karere ka Rubavu, akaba asize umugore n\u2019abana batatu.<\/p>\n","protected":false},"excerpt":{"rendered":"
Ahagana i saa sita z\u2019amanywa kuri uyu wa gatanu tariki 27 Nzeri 2019, mu kagari ka Kijote umurenge wa Bigogwe mu karere ka Nyabihu harasiwe umugabo witwa HABARUREMA Jean Claude bakundaga kwita Gasore bikekwa ko yari atwaye magendu y\u2019inkweto ahita apfa. Ababonye ibi biba babwiye TV\/Radio1 ko uwo mugabo wari usanzwe acuruza inkweto yari ari […]<\/p>\n","protected":false},"author":1,"featured_media":13448,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[37],"tags":[],"class_list":["post-33026","post","type-post","status-publish","format-standard","has-post-thumbnail","hentry","category-umutekano"],"yoast_head":"\n