ITANGAZO RIGENEWE ABANYAMAKURU<\/b><\/p>\n
Kuri iki cyumweru taliki ya 10 Werurwe 2013, i Paris mu Bufaransa hateraniye inama ya PDP-IMANZI na\u00a0RDI-RWANDA RWIZA,\u00a0hagamijwe gusuzuma aho imyiteguro igeze, ku bijyanye n\u2019umushinga ayo mashyaka afatanyije wo kujya gukorera mu Rwanda.<\/p>\n
Amaze kungurana ibitekerezo ku bibazo by\u2019ingutu byugarije u Rwanda muri iki gihe, haba mu rwego rwa politiki, ubukungu, imibereho y\u2019abaturage n\u2019umuco, amashyaka yombi yishimiye ukuntu ahuje ingamba zo gukemura ibyo bibazo. Yongeye gushimangira umurongo yiyemeje wo kurwanya ingoma y\u2019igitugu y\u2019ubutegetsi bwa FPR-Inkotanyi na Perezida Pawulo Kagame, kandi yamagana ubushake buke no kubura ubushobozi n\u2019ubushishozi by\u2019ishyaka riri ku butegetsi, mu gushaka umuti w\u2019ibibazo bikomeje kuzahaza Abanyarwanda.<\/p>\n
Amashyaka yombi yiyemeje gukomeza kumvikanisha bidasubirwaho ko ari ngombwa gufungura urubuga rwa politiki mu Rwanda, kugira ngo demokarasi yimakazwe mu gihugu, amashyaka afite ibitekerezo bitandukanye ahabwe uburenganzira bwo kubigaragaza mu bwisanzure, kandi agire uruhare rufatika mu gushyiraho ubuyobozi buboneye, bushingiye ku kubahiriza amategeko n\u2019uburenganzira bwa buri wese, kandi bushishikajwe no kwita ku mibereho myiza y\u2019abaturage.<\/p>\n
Ni muri uru rwego,\u00a0amashyaka PDP-IMANZI na\u00a0RDI-RWANDA RWIZA\u00a0yishimiye intambwe imaze guterwa, ku birebana n\u2019umushinga ahuriyeho wo kujya gukorera politiki mu Rwanda. Mu byagezweho by\u2019ingenzi, hari imibonano ikomeje mu rwego rwa diplomasi, kimwe n\u2019ibiganiro n\u2019andi mashyaka atavuga rumwe na Leta ya Kagame, ari akorera mu gihugu, ari n\u2019abarizwa hanze yacyo.<\/p>\n
N\u2019ubwo ubutegetsi bw\u2019i Kigali bukomeje kubuza abantu ubwinyagamburiro no kugaragaza icyo batekereza ku miyoborere y\u2019igihugu cyabo, amashyaka\u00a0PDP-IMANZI na\u00a0RDI-RWANDA RWIZA\u00a0asanga\u00a0 uburyo buboneye bwo gutabara Abanyarwanda bugarijwe n\u2019akarengane, ari ukujya gukorera imbere mu gihugu no gufatanya\u00a0n’abenegihugu, n’amashyaka ari mu gihugu aharanira ko ibintu byahinduka hakoreshejwe demokarasi.\u00a0\u00a0Iyi ikaba ariyo mpamvu ikomeye yatumye amashyaka yombi afata icyemezo cyo kujya gukorera mu Rwanda bitarenze impera za Kamena 2013.<\/p>\n
Amashyaka PDP-IMANZI na\u00a0RDI-RWANDA RWIZA\u00a0yashyizeho kandi komite ishinzwe kunoza imyiteguro yo gusohoza uyu mushinga. Iyo komite izagena ibikorwa binyuranye byo kumenyekanisha imigambi y\u2019imitwe yombi, muri byo hakaba harimo itegurwa ry\u2019ikiganiro kigenewe abanyamakuru kizabera i Buruseli mu Bubiligi ku wa kane taliki ya 28 werurwe 2013.<\/p>\n
Amashyaka PDP-IMANZI na\u00a0RDI-RWANDA RWIZA\u00a0yifatanyije n\u2019abaturage bose bakomeje gutotezwa n\u2019ubutegetsi bw\u2019igitugu bwa\u00a0FPR. By\u2019umwihariko, arasaba akomeje ko Prezida Kagame yarekura nta yandi mananiza Abanyapolitiki n\u2019abandi Banyarwanda bafungiwe ibitekerezo byabo, nka ba Mushayidi D\u00e9ogratias, Perezida wa PDP-IMANZI, Ntaganda Bernard, Perezida wa PS-IMBERAKURI, Madamu Ingabire Victoire, Perezida wa FDU-INKINGI, Bwana Niyitegeka Th\u00e9oneste n\u2019abanyamakuru. Amashyaka PDP na RDI asezeranyije abo bayobozi n\u2019abanyamakuru bahohotewe, ko atazahwema guharanira ko bose bafungurwa vuba, kugira ngo bagire uruhare rugaragara mu kuzana impinduka nyayo y\u2019imitegekere mu gihugu cyacu, bafatanyije n\u2019abandi babyiyemeje.<\/p>\n
Bikorewe i Paris, ku wa 10 Werurwe 2013.<\/p>\n
Faustin Twagiramungu \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 G\u00e9rard Karangwa Semushi
\nPerezida wa\u00a0RDI-RWANDA RWIZA\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0\u00a0Perezida wungirije wa\u00a0PDP-IMANZI<\/p>\n
E-mail : rdi_rwanda810@yahoo.fr \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0E-mail : pdp.imanzi@gmail.com<\/p>\n","protected":false},"excerpt":{"rendered":"
ITANGAZO RIGENEWE ABANYAMAKURU Kuri iki cyumweru taliki ya 10 Werurwe 2013, i Paris mu Bufaransa hateraniye inama ya PDP-IMANZI na\u00a0RDI-RWANDA RWIZA,\u00a0hagamijwe gusuzuma aho imyiteguro igeze, ku bijyanye n\u2019umushinga ayo mashyaka afatanyije wo kujya gukorera mu Rwanda.<\/p>\n","protected":false},"author":3,"featured_media":3307,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3306","post","type-post","status-publish","format-standard","has-post-thumbnail","hentry","category-politiki"],"yoast_head":"\n