Kuri uyu wa mbere ukwakira 2019 turibuka ku nshuro ya 29 ishozwa ry\u2019intambara\u00a0ya FPR inkotanyi mu 1990 ubwo leta yayoborwaga na Habyarimana Yuvenali\u00a0yaregwaga gukumira abanyarwanda b\u2019impunzi kugaruka mu gihugu cyabo no\u00a0kudasaranganya ubutegetsi mu nzira ya demokarasi . Ubufransa ni cyo gihugu\u00a0cyatabaye iyo leta kigakomeza kugira uruhare ngo hasinywe amasezerano y\u2019amahoro (Arusha 04\/08\/1993), ndetse kikanayigoboka igihe intambara yari yubuye yahindutsemo jenoside yakorerwaga\u00a0abatutsi. Abarwaniriraga iyo leta yari ishingiye ku ishyaka MRND bashoboye komokera muri Zayire nta\u00a0nkomyi, abenshi bakingirwa ikibaba kugeza babonye ubuhungiro mu Bufransa aho inkiko zitseta ibirenge mu\u00a0kubakurikirana. Abafitanye isano n\u2019izo ngabo zari iza Habyarimana baje kurema umutwe wa gisilikare witwa\u00a0FDLR, naho abatsimbaraye ku bisisigisigi by\u2019iyo leta n\u2019ibitekerezo byayo biremamo umutwe bise uwa politiki\u00a0ariwo FDU Inkingi bashyira imbere madame Ingabire Victoire Umuhoza. Imikorere ya byombi ni ugukomeza\u00a0 \u00aburugamba\u00bb nk\u2019uko babyivugira ; iyi ikaba ari yo mpamvu ubutegetsi buriho iki gihe mu Rwanda bwimye\u00a0uburenganzira iryo shyaka.<\/p>\n\n\n\n
Kuri iriya tariki ya 1 ukwakira 1990 nibwo ninjiye mu mwuga w\u2019itangazamakuru mu kigo cy\u2019igihugu ORinfor.\u00a0Ntacyo ntabonye mu buryo imibanire y\u2019abanyarwanda yaje guhindukamo kumarana. Kugeza n\u2019uyu munsi nta\u00a0kintu na kimwe mu byaranze amateka y\u2019uRwanda ntateyeho ijisho ryanjye musesenguzi. Niyo mpamvu nifuza\u00a0kuvugira ku karubanda ibyo nakunze kwandika, kugirango igihugu cyacu gitere indi ntambwe igana\u00a0ubutungane.\u00a0<\/p>\n\n\n\n
Ibibazo bikomeye dufite ni uko intambara yashojwe muri 1990 igikomeza, abiyita ngo barahangana na FPR\u00a0bakeka ko ari demokarasi barimo kandi ari intambara ikomeje. Abantu benshi bakomeje kwamburwa ubuzima\u00a0bikitiriwa guhohotera abanyapolitiki. Abenshi barishora mu nzira z\u2019intambara bibwira ko ari uburwanashyaka.\u00a0<\/p>\n\n\n\n
Ntabwo nabyita ubwicanyi nk\u2019uko ababigwamo babibona, ahubwo nabyita ubushyamirane bwa gisilikare. Niyo mpamvu nsaba abanyarwanda bakomeje gutsimbarara ku ikoreshambaraga n\u2019ukutava ku izima ko\u00a0bamanika amaboko, bakemera ko batsinzwe, ikiri FDLR na FDU Inkingi bigaseswa nk\u2019uko ExFAR na MRND\u00a0byasheshwe. Ikitwa kurwanisha irengerabwoko hutu kigasimbuzwa n\u2019inyungu rusange. Aha niho nsaba leta y\u2019Ubufransa kugira inama ihamye abo yahoze ifasha, bakamanika amaboko, bagafasha\u00a0intwaro n\u2019amakakama hasi, ubundi hagasinywa amasezerano yo kurangiza intambara.\u00a0<\/p>\n\n\n\n
Nyuma y\u2019aho ni bwo na FPR izasabwa kwinegura, ikicuza abanyarwanda baguye mu mirwano bitagombaga,\u00a0atari abicanyi, atari n\u2019interahamwe, dore ko kiri mu bibazo biheza impunzi imahanga.<\/p>\n\n\n\n
Nyuma y\u2019aho nibwo abakora politiki bazashobora gutangaza inzira zinyuranye zo kubaka igihugu,\u00a0ubwisanzure n\u2019amahoro bigashoboka . Nyuma y\u2019aho, nibwo umuntu wese uzavutswa ubuzima azatabarwa;\u00a0nyuma y\u2019aha nibwo abanyarwanda bakwiriye amahugu bazatahuka nta rwinkekwe, abandi bagasabanira mu\u00a0mahanga batuye. Nyuma y\u2019aha niho guhatanira imyanya mu buyobozi bw\u2019igihugu bitazitwa kurwanya leta,\u00a0kuko imitwe y\u2019abarwanyi izaba itakiriho, hasigaye gusa ingabo z\u2019igihugu zirinda ubusugire bwacyo.\u00a0<\/p>\n\n\n\n
Murakoze<\/p>\n\n\n\n