Institut Seth Sendashonga (ikigo kitiriwe Seth Sendashonga giharanira demokarasi n\u2019uburenganzira busesuye bwa buri munyarwanda, ISCID ASBL) ihangayikishijwe n\u2019ibikorwa by\u2019ubwicanyi bukorerwa abatuvuga rumwe n\u2019ubutegetsi bwa FPR INKOTANYI, ku buryo bw\u2019umwihariko ubwo bwicanyi bukaba bwibasiye abayoboke ba FDU INKINGI baba mu Rwanda. <\/p>\n\n\n\n
Biteye inkeke kuba mu gihe cy\u2019umwaka umwe gusa, kuva aho umuyobozi w\u2019iryo shyaka, Madame Victoire Ingabire Umuhoza, afunguriwe abari abafasha be ba hafi bamaze kwicwa cyangwa bakaburirwa irengero. Ubwo bwicanyi buragaragara nk\u2019aho ari umugambi wa politiki ubutegetsi bwa Pereida Paul Kagame bwafashe hagamije kuburizamo ibitekerezo byo gushinga amashyaka atavuga rumwe na FPRInkotanyi. Birababaje kubona amahanga yokeje igitutu ubutegetsi bw\u2019u Rwanda kugirango bufungure Madame Victoire Ingabire Umuhoza arebera ubwo bwicanyi busa n\u2019aho bwabaye ingurane y\u2019iryo fungurwa.<\/p>\n\n\n\n
Muri urwo rwego tuributsa ko Bwana Bonifasi Twagirimana wari visi perezida wa FDU INKINGI yaburiwe irengero tariki ya 8 Ukwakira 2019 (nyuma y\u2019ibyumweru\u00a0bitatu Victoire Ingabire afunguwe) kandi yarafungiye muri imwe mu magereza arinzwe cyane, ariyo gereza ya Mpanga, iryo nyerezwa rikaba rigaragaza\u00a0ibimenyetso by\u2019uko ryari ryateguwe kuko yabanje kuvanwa muri gereza yaMageragere yimurirwa muri gereza ya Mpanga ku mpamvu zitigeze zisobanurwa.\u00a0Nyuma y\u2019uko\u00a0ubuyobozi bwa gereza bwatangaje ko uwo Bonifasi Twagirimana yatorotse nta yindi anketi yigeze ikorwa ku buryo bigaragara ko ubutegetsi buzi\u00a0neza amabanga y\u2019iryo bura ndetse bikaba bishoboka ko yishwe. <\/p>\n\n\n\n
Tuributsa na none\u00a0ko tariki ya 8 Werurwe 2019 umusore witwa Anselme Mutuyimana wari umaze umwaka wose afunzwe azira kuba umuyoboke wa FDU INKINGI akaza\u00a0gufungurwa yaje gufatwa ku manywa y\u2019ihangu n\u2019abakozi b\u2019inzego zishinzwe\u00a0umutekano bakamutwara abaturage bareba bwacya hagatangazwa ko umurambo we watoraguwe mu ishyamba. <\/p>\n\n\n\n
Ubwo bwicanyi bwakozwe n\u2019abitwa ko bashinzwe umutekano ni nk\u2019aho ari ibintu bisanzwe kandi bimenyerewe. Ntibibuza abategetsi\u00a0banyuranye kwitaka bavuga ko u Rwanda ari igihugu gitekanye. Na none, tariki ya 15 Nyakanga 2019, uwitwa Eug\u00e8ne Ndereyimana waruhagarariye by\u2019agateganyo ishyaka mu ntara y\u2019uburasirazuba yaburiwe irengero ubwo yari mu butumwa bw\u2019ishyaka yerekeje Nyagatare mu karere k\u2019umutara. <\/p>\n\n\n\n
Ubu haravugwa uwitwa Sylidio Dusabumuremyi wari umuhuzabikorwa w\u2019iryo shyaka uherutse kwicirwaku kazi aho yakoraga mu kigo nderabuzima cy\u2019i Shyogwe, tariki ya 23\u00a0Nzeri 2019. Ubwo bwicanyi bwose burakurikira ubundi bwicanyi bwahitanye abandi barimo Jean Damasc\u00e8ne Habarugira (Gicurasi 2017) na Madame Illumin\u00e9e Iragena waburiwe irengera ajya ku kazi muri Werurwe 2016.<\/p>\n\n\n\n
Institut Seth Sendashonga, imaze gusuzuma ibitangazwa kuri buriya bwicanyi ikareba n\u2019uburyo abategetsi badasiba kwishongora no kubyina ku mubyimba abiciwe, irasanga hakwiye byihutirwa ishyirwaho rya komisiyo mpuzamahanga yo gukora iperereza ryimbitse kuri ubu bwicanyi leta ya Paul Kagame isa n\u2019aho ikoresha igamije kuburizamo demokarasi n\u2019ubwisanzure bw\u2019abanyarwanda. Iyo komisiyo ni nayo yafata umwanzuro ku inyerezwa ry\u2019abantu barimo Bonifasi Twagirimana, Eug\u00e8ne Ndereyimana na Illumin\u00e9e Iragena kuko bigaragara ko inzego za leta zibishinzwe nta bushake zifite bwo kubikora.<\/p>\n\n\n\n
Bikorewe i Buruseli, le 02\/10\/2019 <\/p>\n\n\n\n
Jean-Claude Kabagema<\/strong> Hano hasi mushobora kumva ikiganiro Jean-Claude Kabagema, umukuru w’ikigo kitiriwe Seth Sendashonga giharanira demokarasi n\u2019uburenganzira busesuye bwa buri munyarwanda (ISCID ASBL) yagiranye n’umunyamakuru V\u00e9nuste Nshimiyimana wa Radio Ijwi ry’Amerika.<\/p>\n\n\n\n
Pr\u00e9sident wa Iscid asbl.<\/p>\n\n\n\n