Imitwe y\u2019ingabo za FDLR kimwe na RUD-Urunana isanzwe irwanya ubutegetsi bw\u2019u Rwanda, irahakana ko nta ruhare yagize mu bitero bivugwa ko byagabwe mu karere ka Musanze mu ntara y\u2019amajyaruguru y\u2019u Rwanda mu cyumweru gishize.<\/p>\n\n\n\n
Ibyo bitero bivugwa bikimara kuba ku matariki ya kane n\u2019iya gatanu z\u2019ukwezi kwa cumi, polisi y\u2019u Rwanda yatangaje ko abaturage 14 bishwe n\u2019ababigabye abandi 18 barakomereka.<\/p>\n\n\n\n
Inzego zishinzwe umutekano kandi zavuze ko abagera kuri 19 mu bagabye ibyo bitero bishwe, zigata muri yombi batanu muri bo. Bamwe mu bafashwe bavuze ko ari abarwanyi ba FDLR ndetse na RUD-Urunana. Abaturage byahitanye bashinguwe ku cyumwru tariki ya 6 mu mirenge ya kinigi na Musanze.<\/p>\n\n\n\n
Icyumweru kimwe y\u2019uko ibi bitero bikozwe, abavugizi b\u2019umutwe wa FDLR n\u2019uwa RUD Urunana babwiye Ijwi ry\u2019Amerika ko nta ruhare ingabo z\u2019iyo mitwe zagize mu bitero byagabwe mu duce twa Burera na Kinigi. Bavuganye n\u2019umunyamakuru w\u2019Ijwi ry\u2019Amerika Venuste Nshimiyimana uri i Londres mu Bwongereza.<\/p>\n\n\n\n