Amakuru atugeraho aravuga ko Bosco Ntaganda yahisemo kwishyira mu maboko y\u2019urukiko mpuzamahanga mpanabyaha ngo akize amagara ye!<\/p>\n
Mu ntangiriro Leta y\u2019u Rwanda mu ijwi rya Ministre w\u2019ububanyi n\u2019amahanga, Madame Louise Mushikiwabo yari yahakanye ko Bosco Ntaganda atari ku butaka bw\u2019u Rwanda ariko nyuma yaje kwisubiraho yemeza akoresheje twitter ko Ntaganda ari muri Ambasade y\u2019abanyamerika i Kigali. Hari amakuru avuga ko igera muri Ambasade y\u2019abanyamerika i Kigali ryatunguye benshi barimo Madame Mushikiwabo ndetse n\u2019abo bakorana ku buryo Madame Mushikiwabo yarakajwe cyane n\u2019uburyo yinyuraguyemo ahakana bikanatuma n\u2019undi mu mukozi wa Leta y\u2019u Rwanda, Bwana Olivier Nduhungirehe yipasa muremure akubahuka Bwana Lambert Mende, umuvugizi wa Leta ya Congo.<\/p>\n
Amakuru dufite n\u2019uko bamwe mu bayobozi ba Leta y\u2019u Rwanda batunguwe cyane, ndetse bituma batanga ibisobanuro byatumye abantu bakomeza kuba mu rujijo, urugero n\u2019urwa Bwana Tharcisse Karugarama, Ministre w\u2019ubutabera w\u2019u Rwanda washatse kumvikanisha ko ikibazo cya Ntaganda kitareba Leta y\u2019u Rwanda ahubwo kireba Ntaganda ubwe na Leta y\u2019Amerika. Abumvise uyu mugabo mu kiganiro na BBC Gahuza-Miryango, bibajije impamvu Karugarama ataterwaga isoni n\u2019amagambo yavugaga, nyuma yo kunanirwa gusobanura ukuntu Ntaganda yageze muri Ambasade y\u2019Amerika i Kigali ahubwo agakomeza gushaka gukomeza mu murongo wa Leta y\u2019u Rwanda wo gushaka kwemeza ko abayobozi ba Congo ibyo barega u Rwanda byose baba babeshya aho yemeje ko nta kuntu abayobozi ba Congo bari i Kinshasa bashobora kumenya amakuru ku bibera mu majyaruguru ya Kivu.<\/p>\n
Bosco Ntaganda yaba yarakoresheje amayeri akinjira mu Rwanda mbere y\u2019uko ingabo z\u2019u Rwanda zari muri Congo mu gace ka Kibumba zitaha mu Rwanda zikurikiwe n\u2019iza M23 zishigikiye uruhande rwa Runiga.<\/p>\n
Nyuma y\u2019aho Bosco Ntaganda aboneye amakuru avuga ko abayobozi b\u2019u Rwanda bafashe gahunda yo kumuhitana kugira ngo atazagwa mu maboko y\u2019urukiko Mpuzamahanga Mpanabyaha akabavamo, yakoresheje amayeri yo kujijisha abicanyi ba DMI bari bahawe amategeko yo kumuhitana na Perezida Kagame na General Kabarebe kugirango bizitwe ko yaguye mu mirwano n\u2019ingabo za Makenga. Mu gihe bamushakiraga mu nzira zigana i Masisi yinjiye mu Rwanda ku mayeri afashijwe n\u2019abagogwe bene wabo.<\/p>\n
Icyajijishije cyane DMI, ni uko Bosco Ntaganda yohereje bamwe mu bizerwa be kugirana ibiganiro n\u2019inyeshyamba za FDLR ngo zimureke atambuke mu duce zigenzura nawe azihe akayabo k\u2019amadolari 150.000, ariko FDLR yarabyanze kuko yizeraga ko ishobora kubona amadolari agera kuri 5.000.000 yashyizweho na Leta Zunze Ubumwe z\u2019Amerika ku muntu uzafata cyangwa agatanga amakuru yari gutuma Ntaganda afatwa. Ayo makuru yageze kuri DMI bituma ikomeza kwizera ko Ntaganda azahunga agana muri Masisi aho yashoboraga kumwicira nta nkomyi.<\/p>\n
Kuri Ntaganda nta yandi mahitamo yari afite uretse guhungira muri Ambasade y\u2019igihugu gikomeye nka Amerika agasaba gushyikirizwa ICC, agahitamo ambasade yari azi ko Perezida Kagame atavugiramo, rero yirinze Ambasade z\u2019ibihugu bidafite ingufu cyangwa by\u2019inshuti magara na Perezida Kagame nk\u2019uko inshuti ze zabimugiriyemo inama.<\/p>\n
Ikibazo cyari gisigaye n\u2019uburyo bwo kugera muri ambasade ya Leta Zunze Ubumwe z\u2019Amerika i Kigali.<\/p>\n
Mu gihe ibiganiro na FDLR byatumye DMI yibeshya ko Ntaganda ashaka kwerekeza i Gatoyi muri Masisi, Ntaganda we yinjiye mu Rwanda akoresheje inshuti ze zo mu bwoko bwe z\u2019Abagogwe biganje mu gace k\u2019umupaka w\u2019u Rwanda na Congo aho bagiye bamuhererekanya akirinda guca mu nzira zigendwa n\u2019abantu benshi akoresheje imodoka zijyana imyaka mu mujyi wa Kigali. Mu gihe abicanyi ba DMI bamushakiraga mu birunga, za Masisi ndetse n\u2019i Gisenyi aho ingabo zari zimushyigikiye zarimo guhungira, Ntaganda we yari yarenze mu Kinigi yerekeza iya Kigali.<\/p>\n
Bivugwa ko yageze i Kigali ku cyumweru ku mugoroba agacumbika ku muvandimwe\u00a0 wari umutegereje, bugacya amugeza kuri ambasade y\u2019Amerika, aho kuri ambasade ngo abakozi ba ambasade nabo baratunguwe cyane.<\/p>\n
Ubu muri Leta y\u2019u Rwanda, ubwoba ni bwose mu nzego zishinzwe umutekano, aho ubu abo Ntaganda yaciye mu rihumye ndetse n\u2019abashobora gukekwa kumufasha bari mu mazi abira. Muri iyi minsi kandi biravugwa ko hari abarwanyi benshi ba M23 bashyigikiye Ntaganda binjiye ku butaka bw’u Rwanda ntibafatwe n’ubuyobozi ndetse bamwe muri bo bakaba bari mu baturage bagifite intwaro zabo. Hari n’amakuru avuga ko hari n’abarimo gusaba kuva mu nkambi bakajya kuba mu mitungo yabo basanzwe bafite mu Rwanda.<\/p>\n
Ubwanditsi<\/p>\n","protected":false},"excerpt":{"rendered":"
Amakuru atugeraho aravuga ko Bosco Ntaganda yahisemo kwishyira mu maboko y\u2019urukiko mpuzamahanga mpanabyaha ngo akize amagara ye!<\/p>\n","protected":false},"author":3,"featured_media":3340,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-3339","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n