Kajugujugu 2 z\u2019ingabo za Congo na 3 za MONUSCO kuri uyu wa kane tariki ya 12 Nyakanga 2012 zarashe ibirindiro by\u2019inyeshyamba za M23 mu duce twa Nkokwe na Bukima hakaba humvikanye urusaku rw\u2019ibisasu biturika. Ayo makuru kandi ONU na FARDC bayemeje igihe bavuganaga n\u2019abanyamakuru b\u2019ibiro ntaramakuru by\u2019abafaransa AFP.
\nKu ruhande rw\u2019inyeshyamba za M23, umu colonel wo muri izo nyeshyamba yemeje ko koko kajugujugu zirimo kurasa ibirindiro byabo ariko ngo abarasa ntabwo bazi aho inyeshyamba za M23 ziri ngo nta kibazo gihari.<\/p>\n
Agace ka Nkokwe n\u2019umusozi wa Bukima biherereye hagati ya 5 km na 10 km uvuye ku muhanda Rutshuru-Goma, ahagana muri 50 km mu majyaruguru y\u2019umujyi wa Goma. Aho hantu hombi kandi haherereye mu burengerazuba bwa Pariki ya Virunga, iri ku mupaka wa Uganda n\u2019u Rwanda. Utwo duce inyeshyamba za M23 zahashinze ibirindiro kuva muri Gicurasi uyu mwaka n\u2019ubwo ingabo za Congo na MONUSCO zikunze kuharasa ibisasu biremereye.<\/p>\n
Ku muhanda ugana i Goma, ingabo za Congo zafungiye inzira abasiviri ahagana i Rumangabo ahagana muri 15 km uvuye mu duce turimo kuraswa.<\/p>\n
Ibi bikorwa bya MONUSCO na FARDC bibaye hashize umunsi umwe gusa ibifaru (Chars) by\u2019ingabo za MONUSCO zishinze ibirindiro ahagana muri 25 km mu majyaruguru y\u2019umujyi wa Goma mu rwego rwo gukumira ibitero inyeshyamba za M23 zagaba ku mujyi wa Goma dore ko hamaze iminsi izo nyeshyamba zigaruriye uduce twinshi two muri Rutshuru.<\/p>\n
Hagati aho mu cyumweru gishize hashyizweho umukuru mushya w\u2019akarere ka 8 ka gisirikare k\u2019ingabo za Congo gashinzwe Kivu y\u2019amajyaruguru, uwo ni G\u00e9n\u00e9ral de brigade Lucien Bahuma yategekaga agace ka 5 ka gisirikare muri Kasa\u00ef y\u2019uburasirazuba. Yasimbuye G\u00e9n\u00e9ral Mayala,woherejwe kuyobora akarere ka 2 ka gisirikare muri Bas-Congo.<\/p>\n
G\u00e9n\u00e9ral de brigade Lucien Bahuma yasuye ibirindiro by\u2019ingabo za Congo biri mu majyaruguru ya Goma ahitwa Kibumba na Rugari ari kumwe n\u2019umukuru w\u2019ingabo za MONUSCO muri Kivu y\u2019amajyaruguru.<\/p>\n
Umuvugizi w\u2019ingabo za Congo, colonel Olivier Hamuli yareze inyeshyamba za M23 ngo kuba zarashe ku basiviri ku bushake ahitwa Rugari.<\/p>\n
Ikindi gihangayikishije abantu bamwe nk\u2019uko bitangazwa n\u2019umuryango International Crisis Group mu cyegeranyo cyayo yasohoye kuri uyu wa gatatu tariki ya 11 Nyakanga 2012, n\u2019ibikorwa byo gucukura peteroli muri Pariki ya Virunga iri ku mupaka w\u2019u Rwanda, Uganda na Congo. Ibyo bikorwa bikaba bigomba gukorwa n\u2019isosiyete yo mu gihugu cy\u2019u Bwongereza yitwa Soco International. Ikaba yaragiranye amasezerano na Leta ya Congo muri 2010.<\/p>\n
Igiteye inkeke n\u2019uko iyo peteroli ishobora gutuma ubushyamirane bwiyongera hakurikiwe umutungo uva muri iyo peteroli byaba ku banyekongo ubwabo cyangwa ku bihugu baturanye nk\u2019u Rwanda na Uganda. Ibivugwa ko hari abafite gahunda yo gukora igihugu kigenga muri Kivu nabo iyo peteroli yaba impamvu y\u2019ingenzi yabaha ingufu mu gushaka kwigenga ngo biharire iyo peteroli ntibayisangire n\u2019abandi banyekongo.<\/p>\n
Marc Matabaro<\/strong><\/p>\n","protected":false},"excerpt":{"rendered":" Kajugujugu 2 z\u2019ingabo za Congo na 3 za MONUSCO kuri uyu wa kane tariki ya 12 Nyakanga 2012 zarashe ibirindiro by\u2019inyeshyamba za M23 mu duce twa Nkokwe na Bukima hakaba humvikanye urusaku rw\u2019ibisasu biturika.<\/p>\n","protected":false},"author":3,"featured_media":335,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-334","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n