Bosco Ntaganda wahungiye mu biro bihagarariye Amerika i Kigali kuri uyu wa mbere tariki ya 18 Werurwe 2013, azoherezwa i La Haye ku rukiko mpuzamahanga mpanabyaha mu gihe kitarenze iminsi 2, ibi byatangarijwe i Paris kuri uyu wa gatatu tariki ya 20 Werurwe 2013 n\u2019umushinjacyaha mukuru w\u2019urwo rukiko, Madame Fatou Bensouda.<\/p>\n
Madame Bensouda kandi yakomeje avuga ko barimo gukorana hafi n\u2019abashobora gufasha iryo yoherezwa ku buryo bwihuse, mu kiganiro n\u2019abanyamakuru yemeje ko Ntaganda azaba ari i La Haye mu minsi 2.<\/p>\n
Ngo nagera i La Haye azashyikirizwa bwa mbere umucamanza, abacamanza b\u2019urukiko rwa ICC bazagena itariki yo kwemeza ibyo Ntaganda aregwa. Ngo akurikije uko urukiko rukora ngo bishobora gutwara nk\u2019amezi atatu.<\/p>\n
Intumwa z\u2019urukiko mpuzamahanga mpanabyaha ubu zirerekeza mu Rwanda zije gutwara Ntaganda nk\u2019uko byatangajwe kuri uyu wa gatatu tariki ya 20 Werurwe 2013 na Bwana Johnnie Carson, ushinzwe ibijyanye n\u2019Afrika muri Minisiteri y\u2019ububanyi n\u2019amahanga y\u2019Amerika, mu kiganiro yahaye abanyamakuru i Kigali mu Rwanda ariko akoresheje ikoranabuhanga kuko yari i Washington. Ariko uyu muyobozi w\u2019Amerika avuga ko n\u2019ubwo nta muntu urerekana ko adashimishijwe n\u2019uko Ntaganda ari mu maboko ya Leta ya Amerika ariko ngo amasaha 48 aza gukurikira arakomeye.<\/p>\n
Umuntu akibaza impamvu uyu munyamerika asa n\u2019ufite impungenge dore ko yanasabye Leta y\u2019u Rwanda nk\u2019igihugu ngo cyabayemo Genocide kutaba imbogamizi kw\u2019iyoherezwa rya Ntaganda i La Haye ngo bagafungura inzira imuganisha ku kibuga cy\u2019indege. Dore ko iki gihugu cyakunze gushyirwa mu majwi kuba ari cyo cyamukoreshaga mu bikorwa bye birimo n\u2019ibyo aregwa n\u2019urukiko rwa ICC.<\/p>\n
Izi mpungenge zishingiye kandi k\u2019uko Leta y\u2019u Rwanda itaremera ko izakorana n\u2019intumwa za ICC zije gutwara Ntaganda ngo itange inzira iva ku nyubako y\u2019ambasade y\u2019Amerika igana ku kibuga cy\u2019indege dore ko u Rwanda rutashyize umukono ku masezerano y\u2019i Roma yashyizeho urukiko mpuzamahanga mpanabyaha.<\/p>\n
Kuri Leta y\u2019Amerika ngo ni intambwe mu rwego rw\u2019ubutabera. Ngo kikaba n\u2019ikimenyetso ku bandi bakuru b\u2019inyeshyamba bo mu burasirazuba bwa Congo ku buryo byatuma hagaruka amahoro muri ako karere.<\/p>\n
Marc Matabaro<\/p>\n
<\/p>\n
<\/p>\n","protected":false},"excerpt":{"rendered":"
Bosco Ntaganda wahungiye mu biro bihagarariye Amerika i Kigali kuri uyu wa mbere tariki ya 18 Werurwe 2013, azoherezwa i La Haye ku rukiko mpuzamahanga mpanabyaha mu gihe kitarenze iminsi 2, ibi byatangarijwe i Paris kuri uyu wa gatatu tariki ya 20 Werurwe 2013 n\u2019umushinjacyaha mukuru w\u2019urwo rukiko, Madame Fatou Bensouda.<\/p>\n","protected":false},"author":3,"featured_media":1878,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-3345","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n