Bwana Robert Bayigamba wigeze kuba minisitiri w’urubyiruko, umuco na siporo mu Rwanda amaze ibyumweru bitatu ari mu maboko y’ubutabera. Yatawe muri yombi ahagana mu mpera z\u2019ukwezi kwa Cumi uyu mwaka wa 2019. A<\/p>\n\n\n\n
Bwana Bayigamba araregwa ibyaha byo kwihesha ikintu cy’undi hakoreshejwe uburiganya. Ubushinjacyaha bumusabira gufungwa by’agateganyo mu gihe cy’ukwezi igihe bukimukoraho iperereza. Ibyaha arabihakana agasaba gufungurwa agakurikiranwa ari hanze.<\/p>\n\n\n\n
Mu rukiko rw\u2019ibanze rwa Nyarugenge, Bayigamba yagaragaye imbere y\u2019umucamanza atuje avuga akomeye kandi yunganiwe na Me Christophe Niyomugabo. Bayigamba uhagarariye ikigo Manumetal afite imyaka 57 y\u2019amavuko. Umuherwe udacana uwaka n\u2019ubutegetsi bw\u2019I Kigali, Bwana Ayabatwa Tribert Rujugiro, yigeze kuba agifitemo imigabe myinshi.<\/p>\n\n\n\n
Bwana Bayigamba ashyirwa mu b\u2019imbere bakomeye mu rwego rw\u2019abikorera. Yigeze kuyobora ishyirahamwe ry\u2019abafite inganda anaba umuyobozi mu rwego rw\u2019abikorera. Yabaye mu bayoboke b\u2019imena mu ishyaka FPR Inkotanyi anaba mu buyobozi bukuru bw\u2019ibigo bikomeye birimo sosiyete y\u2019indege Rwandair n\u2019ibindi.<\/p>\n\n\n\n
Inkuru irambuye turayigezwaho n’umunyamakuru w’Ijwi ry’Amerika i Kigali mu Rwanda wakurikiranye urubanza.<\/p>\n\n\n\n