{"id":33567,"date":"2019-11-17T21:42:39","date_gmt":"2019-11-17T19:42:39","guid":{"rendered":"http:\/\/www.therwandan.com\/ki\/?p=33567"},"modified":"2019-11-20T23:27:38","modified_gmt":"2019-11-20T21:27:38","slug":"aimable-karasira-umuhanuzi-mu-rwanda","status":"publish","type":"post","link":"https:\/\/www.therwandan.com\/ki\/aimable-karasira-umuhanuzi-mu-rwanda\/","title":{"rendered":"Aimable Karasira : umuhanuzi mu Rwanda"},"content":{"rendered":"\n

Kuva mu ntangiriro z\u2019impeshyi ya 2019, hari izina ryamamaye mu biganiro hagati y\u2019Abanyarwanda baba mu mahanga n\u2019imbere mu gihugu : Aimable KARASIRA, umwarimu mu ishami ry\u2019Ikoranabuhanga n\u2019Itumanaho muri Kaminuza y\u2019u Rwanda. Uyu musore w\u2019umunyarwanda ubarirwa mu myaka 40 y\u2019amavuko, akesha ubwamamare bwe imbuga nkoranyambaga, by\u2019umwihariko YouTube aho ibiganiro bye byarebwe n\u2019abantu uruhuri mu mezi abarirwa ku ntoki gusa.<\/em><\/p>\n\n\n\n

Mu gihugu cyashegeshwe n\u2019ubwoba, ubushinyaguzi, ikinyoma, uburyarya, urwikekwe, ukwiyoberanya, guhakirizwa, kurimanganya, inda nini, ba nyamwigendaho, ba ntibindeba, ba mpemuke ndamuke, irondabwoko, umururumba w\u2018ibintu, ishyari, ubugome n\u2019ubugwari, uwari wariyise \u00ab Professor Nigga \u00bb mu gihe cyahise yahagurukanye ibakwe mu kutaniganwa ijambo n\u2019ubunyangamugayo agamije kwishyira mu mwanya w\u2019abandi n\u2019isesengura ridafite umupaka ry\u2019umuryango nyarwanda.<\/em><\/p>\n\n\n\n

Mu byumweru byinshi, Jambonews yashishikajwe no kumenya amateka y\u2019uyu mwarimu wa Kaminuza usa n\u2019abantu bavugwa muri Bibiliya, inashyira mu mvugo yumvwa n\u2019abasomyi be, ubutumwa bw\u2019uyu muhanuzi w\u2019ibihe tugezemo.<\/em><\/p>\n\n\n\n

Umuryango wishimiwe n\u2019abaturanyi<\/h4>\n\n\n\n

Aimable Karasira Uzaramba yavutse mu w\u20191977 avukira i Mwendo, Segiteri Rwaniro, Komini Rusatira, mu cyahoze ari Perefegitura ya Butare, ubu cyabaye Akarere ka Huye. Ni imfura mu muryango w \u2018abana bane, Ingabire Goretti yarushaga imyaka ibiri, Tuyisenge Emmanuel yarushaga imyaka ine na bucura bwabo, Uyisenga Aim\u00e9, wavutse mu mwaka w\u20191990, intambara itangiye.<\/p>\n\n\n\n

Se umubyara, Karasira Claver, yari agronome muri Minisiteri y\u2019Ubuhinzi, ashinzwe cyane cyane Inganda z\u2019icyayi za Mulindi na Shagasha. \u00ab Muri iyo Minisiteri, yari azwiho ubunyangamugayo no kuba umunyamahoro<\/em>. \u00bb, ni ko Yozefu[1], bakoranaga muri Minisiteri yatubwiye, uwo Yozefu yahungiye mu Buholandi.<\/p>\n\n\n\n

Nyina umubyara, Mukaruzamba Goretti, yari umwarimukazi mu mashuri abanza ya Ruhashya, mbere yo kujya gukora mu Isanduku yo Kuzigama y\u2019u Rwanda. \u00ab Umuryango wabo wari ubayeho neza, ukunzwe n\u2019abaturanyi, twabanaga neza njye n\u2019umuryango wanjye. <\/em>\u00bb, ni ko Yozefu yakomeje atubwira.<\/p>\n\n\n\n

1990 : Kugaruka kw\u2019amoko kirimbuzi<\/h4>\n\n\n\n

Ku ya 1 Ukwakira 1990, Umutwe wa FPR INKOTANYI, wari ugizwe ahanini n\u2019impunzi z\u2019Abatutsi zari zarahungiye i Bugande, wateye u Rwanda uyobowe na Jenerali Rwigema Fred, impunzi y\u2019umunyarwanda akaba n\u2019umusirikari mukuru mu gisirikari cy\u2019u Bugande.<\/p>\n\n\n\n

Ikibazo cy\u2019amoko cyahise cyubura mu Rwanda ku buryo mu minsi mike yakurikiyeho, abanyarwanda bagera kuri 10 000 bahise batabwa muri yombi, bakekwaho kuba \u00ab ibyitso \u00bb, muri bo harimwo Abatutsi benshi.<\/p>\n\n\n\n

Mu baturage, hatangiye urwikekwe buhoro buhoro ku buryo umuryango wa Karasira wari warimukiye ku Gitega, ugizwe na se na Nyina bombi b\u2019Abatutsi, bahise bibasirwa. \u00ab N\u2019ubwo uwo muryango ntaho wari uhuriye na FPR<\/em>, umwuka mubi watangiye kuzamuka hagati yawo n\u2019abaturanyi kugeza ubwo abawugize batangiye gushinjwa mu buryo bweruye gukorana n\u2019abanzi. Umunsi umwe, abaturanyi bitwaje imihoro bateye urugo rwabo, rwari rwubatse ahantu hanini rwuzuyemo ibiti by\u2019imbuto. Batemye ibiti byose bavuga ko banga ko \u2018Inyenzi\u2019 zazabyihishamo \u00bb. <\/em>Uku niko Ernest[2], wiganaga na Aimable Karasira akaba ari nawe yakundaga kubitsa amabanga y\u2019ubuzima bwe mu myaka ibiri ya nyuma y\u2019amashuri yisumbuye Lyc\u00e9e ya Kigali-Rugunga, yadutangarije.<\/p>\n\n\n\n

\u00abItotezwa ry\u2019uyu muryango ryatumye uhahamuka bituma wimukira iNyamirambo, hafi ya stade, muri metero nkeya uvuye ku nzu ya Makuza Bernard, aho bumvaga bizeye umutekano<\/em>\u00bb, ni ko Ernest yakomeje atubwira.<\/p>\n\n\n\n

1994 : Imperuka<\/h4>\n\n\n\n

Mata 1994: Iterabwoba<\/strong><\/em><\/p>\n\n\n\n

Ku itariki ya 4 Kanama 1993, nyuma y\u2019imyaka 3 y\u2019intambara yamenaga amaraso y\u2019abaturage, intumwa za guverinoma yariho icyo gihe iyobowe na Perezida Habyarimana Juv\u00e9nal n\u2019izari zihagarariye FPR ziyobowe na Kanyarengwe Alexis, zasinye amasezerano y\u2019Amahoro mu mujyi wa Arusha muri Tanzaniya.<\/p>\n\n\n\n

Ku ya 6 Mata 1994, mu gihe Abanyarwanda benshi bemeraga ko bari mu nzira y\u2019amahoro, indege yari itwaye Perezida Habyarimana yararashwe mu gihe yiteguraga kugwa i Kigali, u Rwanda ruhita ako kanya rucura imiborogo.<\/p>\n\n\n\n

Amasaha make nyuma y\u2019ihanuka ry\u2019indege, abasikare b\u2019ingoma ya Habyarimana, Perezida wari umaze kwicwa, bisutse mu rugo rw\u2019umuryango wa Karasira, barasa amasasu ku muryango uhinjira, bamena amadirishya, basakasaka bihuta hanyuma basubira aho baturutse. \u00ab Mu minsi yakurikiyeho, Aimable n\u2019umuryango we babayeho nk\u2019abatariho mu rugo rwabo, bamwe bihishe mu biti bya sipure byari byubatse urugo, abandi bihisha mu nzu, batinya ko abasirikari bagaruka bakabahitana<\/em>\u00bb, ni ko Ernest yakomeje atubwira.<\/p>\n\n\n\n

Gicurasi 1994 : Igisasu cya FPR<\/strong><\/em><\/p>\n\n\n\n

N\u2019ubwo hari ubwoba bwo kwicwa igihe icyo ari cyo cyose, uyu muryango wabayeho wose kugeza kuri 21 gicurasi 1994. \u00ab Uwo munsi ni<\/em>bwo umuryango wa Karasira wagushije ishyano, ubwo igisasu cyo mu bwoko bwa Katiyusha cyaguye ku nzu yabo kirashwe na FPR<\/em> . Emmanuel, wari ufite imyaka 13 icyo gihe yahise acika amaguru yombi, ashiramo umwuka nyuma y\u2019amasaha make\u00bb, <\/em>ni ko Ernest yakomeje atubwira.<\/em><\/p>\n\n\n\n

Icyo gihe umuryango wafashe umwanzuro wo gutatana kugira ngo wongere amahirwe yo kubaho kuri bamwe mu basigaye. Mu gihe Aimable yari asigaranye na se mu rugo iwabo, nyina, murumuna we na mushiki we berekeje i Butare mu majyepfo y\u2019u Rwanda, agace bakomokagamo.<\/p>\n\n\n\n

\u00ab Ntibigeze bagera i Butare ahubwo bagumye i Gatagara nyuma yo kumenya ko abari batuye mu gace se yavukagamo bose bishwe n\u2019Interahamwe <\/em>\u00bb, ni ko Ernest yadusobanuriye.<\/p>\n\n\n\n

Nyuma y\u2019igihe gito, Inkotanyi zafashe ako gace, abaturage bahurizwa hamwe i Bugesera, mu nkambi z\u2019abakuwe mu byabo n\u2019intambara imbere mu gihugu, umuryango wa Aimable werekeza i Rilima. \u00ab Hari inkambi nini cyane y\u2019abakuwe mu byabo n\u2019intambara, kuko nyina yavugaga neza igifaransa, yahawe akazi ko gufasha adahembwa mu Muryango w\u2019Abaganga batagira Umupaka (MSF), kugira ngo asemurire abakuwe mu byabo n\u2019intambara<\/em>\u00bb, ni ko Ernest yakomeje atubwira.<\/p>\n\n\n\n

Kanama 1994 : \u00ab<\/strong>Umuryango wanjye washimuswe bitagira uruvugiro<\/strong><\/em>\u00bb.<\/strong><\/p>\n\n\n\n

Muri Kanama 1994, nyuma gato y\u2019uko FPR ifashe ubutegetsi, igice kimwe cy\u2019umuryango wa Karasira cyongeye guhurira mu rugo rwabo i Nyamirambo igihe nyina na bucura bwabo, Aim\u00e9, bagarutse kureba se na Aimable. \u00abUmukobwa wabo yari yasigaye i Rilima avurwa kolera. Kuko yababaraga cyane, nyina yanze kwirengera kumugendana urugendo rurerure, yibwira ko azabonera umutekano uhagije mu nkambi y\u2019i Rilima, aho yitabwagaho n\u2019abakozi b\u2019Abaganga batagira umupaka (MSF) bari aho, mu gihe yaremba<\/em>\u00bb, niko Ernest avuga.<\/p>\n\n\n\n

Umwuka w\u2019ikiriyo waranze urugo rwabo: \u00ab Umuryango wose wo kwa se wa Aimable wari warishwe muri jenoside yakorewe Abatutsi ndetse no kwa nyina hari hasigaye ngerere, mu gihe Emmanuel we yari yarishwe n\u2019igisasu cya FPR <\/em>\u00bb, ni ko Ernest yakomeje atubwira.<\/p>\n\n\n\n

Uyu yarakomeje aratubwira: \u00ab Iminsi ibiri nyuma yo kongera kubonana k\u2019umuryango, bigaragara ko umutekano wagarutse i Kigali, Nyina yasubiye i Rilima gushaka umukobwa we Goretti, atitaye ku makuru yacaracaraga yerekeye ubwicanyi bwakorwaga na FPR bukorerwa Abahutu bo muri ako gace. Yumvaga ko we nk\u2019Umututsikazi yari guhonoka ubwo bwicanyi bwibasiraga imbaga y\u2019Abahutu \u00bb, <\/em>bwakorwaga \u00ab <\/em>mu kwaha kwa Jenoside yakorewe Abatutsi <\/em><\/a>\u00bb[3]<\/p>\n\n\n\n

Nyina ntiyagarutse. Mu ntangiriro z\u2019ukwezi kwa Nzeli 1994, Karasira Claver yiyemeje u kujyayo nawe ashingiye ku nama zidasiba yagirwaga n\u2019uwitwa Gatari. \u00ab Aimable yakomeje kumumbwira. Aramushinja (Yamwishyizemo) cyane kuko adashidikanya ko azi neza abishe umuryango we. Sinzi irindi zina rye ariko Aimable yaramunshushanyirizaga nkumuntu \u00ab wacumbagiraga<\/em> \u00bb \u00bb <\/em>Ernest arabyibuka.<\/p>\n\n\n\n

Abonye se atagarutse, Aimable Karasira, wari ukiri ingimbi icyo gihe, yafashe umwanzuro wo kujya muri ako gace gushaka umuryango we. \u00abAgeze i Rilima, hafi cyane y\u2019ibiro bikuru bya MSF, bamusabye gutegereza ko \u00ab Afande \u00bb ahagera, muri uko kumutegereza ni ko yamenye uko byagendekeye umuryango we. Uwakuwe mu bye n\u2019intambara yamuhishuriye ko mushiki we na nyina bishwe na FPR, yakekaga nyina, nk\u2019uwavugaga igifaransa, gutanga amakuru ku bwicanyi bwakorerwaga Abahutu ku cyicaro cya MSF. Se wahageze amushakisha na we yagiye atyo, Aimable asabwa kuhava vuba na bwangu niba yarashakaga kubaho <\/em>\u00bb.[4]<\/p>\n\n\n\n

\u00ab Murumuna wanjye yishwe n\u2019igisasu, abandi bagiye mu buryo budasobanutse, nako mu buryo busobanutse ariko budashobora kuvugwa<\/em>\u00bb, ni ko uyu munsi Aimable Karasira abisobanura.[5]<\/p>\n\n\n\n

\n