Umucamanza mu rukiko rw’ibanze rwa Nyarugenge yategetse ko Bwana Robert Bayigamba afungurwa by’agateganyo akaburana ari hanze. Ubutabera bumukurikiranyeho ibyaha byo kwihesha ikintu cy’undi hakoreshejwe uburiganya.<\/p>\n\n\n\n
Ubutabera bumukurikiranyeho ibyaha bibiri, icyo Kwihesha ikintu cy\u2019undi hakoreshejwe uburiganya no kugurisha cyangwa gutanga ingwate ku kintu cy\u2019undi. Byose bishingira ku bibanza biherereye I Nyarugenge hazwi nko mu Kiyovu cy\u2019abakire umushinjacyaha avuga ko Bayigamba yagiye abigurisha ku bantu batandukanye agamije uburiganya. Buvuga ko ku isonga yagurishije ibibanza n\u2019itorero ry\u2019abapenekoti mu Rwanda ADEPR baba bamwishyuye miliyoni 380 z\u2019amafaranga.<\/p>\n\n\n\n
Ubushinjacyaha bukanavuga ko Bayigamba yagurishije ubwo butaka n\u2019uwitwa Jean Claude Hagenimana aba amwishyuye miliy0ni 220 z\u2019amafaranga bemeranya ko izindi 630 azazishyurwa mu gihe kitarenze ukwezi. Buvuga ko ubwo butaka ikigo cy\u2019imisooro n\u2019amahoro cyari cyarabufatiriye kubera ko ikigo Manumetal kirimo umwenda w\u2019imisoro. Bumurega kandi ko nyuma y\u2019ibyo yarenzeho akagurisha ubwo butaka na Kompanyi ya TELEMAF kandi ko Hagenimana yasabaga Bayigamba guhura na we akabyanga ubuni ngo akavuga ko abayobozi b\u2019ishyaka FPR bamubujije kugurisha ubwo butaka. Ibyo n\u2019ibindi bukabishingiraho bumusabira gufungwa by\u2019agateganyo kuko ngo ashobora gutoroka ubutabera cyangwa agasibanganya ibimenyetso.<\/p>\n\n\n\n
Umucamanza yavuze ko n\u2019umutangabuhamya bushingiraho imvugo ze zivuguruza. Naho ku cyaha cyo kugurisha ikintu cy\u2019undi cyangwa kugitangaho ingwate, urukiko rwavuze ko umutungo wa Manumetal nta wundi muntu cyangwa sosiyete weguriwe. Bityo ko utigeze ugurishwa inshuro ebyiri. Urukiko rusanga ko amafaranga bumurega atatuma atoroka igihugu. Ruvuga ko yatanze umwishingizi Bwana Richard Murefu kandi ko ari inyangamugayo. Umucamanza akavuga ko ntaho yahera afunga by\u2019agateganyo Bayigamba.<\/p>\n\n\n\n
Umucamanza yategetse ko Bayigamba ahita arekurwa urubanza rukimara gusomwa, maze mu cyumba cy\u2019urukiko abantu bakomera amashyi icyarimwe abandi bavuza impundu.<\/p>\n\n\n\n
Inkuru irambuye yakurikiwe n’umunyamakuru w’Ijwi ry’Amerika Eric Bagiruwubusa wari mu rukiko.<\/p>\n\n\n\n