{"id":33815,"date":"2019-12-10T17:23:14","date_gmt":"2019-12-10T15:23:14","guid":{"rendered":"http:\/\/www.therwandan.com\/ki\/?p=33815"},"modified":"2019-12-11T05:32:05","modified_gmt":"2019-12-11T03:32:05","slug":"kacyiru-abaturage-bavuga-ko-batewe-bakagirirwa-nabi-kuko-banze-kwimuka","status":"publish","type":"post","link":"https:\/\/www.therwandan.com\/ki\/kacyiru-abaturage-bavuga-ko-batewe-bakagirirwa-nabi-kuko-banze-kwimuka\/","title":{"rendered":"Kacyiru: abaturage bavuga ko batewe bakagirirwa nabi kuko banze kwimuka"},"content":{"rendered":"\n

Bamwe baturage bo mu mudugudu w’Urugero mu murenge wa Kacyiru mu karere ka Gasabo bavuga ko mu ijoro ryakeye bagabweho igitero n’abashinzwe umutekano bakabakubita ndetse bakajyana bamwe muri bo.<\/p>\n\n\n\n

Bavuga ko bari guhatirwa kwimuka muri aka gace kitwa amanegeka kegereye igishanga hafi y’ahitwa ku Kinamba.<\/p>\n\n\n\n

Abatuye hano bahawe iminsi 15 ngo bahave ariko bavuga ko batewe bakagirirwa nabi no mu gihe iyo minsi bahawe iburaho itanu.<\/p>\n\n\n\n

Bavuga ko ahagana saa munani z’urukerera ingo za bamwe muri bo zagabweho igitero bagakubitwa, abandi bakajyanwa aho kugeza ubu abasigaye bataramenya.<\/p>\n\n\n\n

BBC yagerageje kuvugana n’ubuyobozi bw’Umurenge wa Kacyiru ku bivugwa n’aba baturage ntibyashoboka kugeza ubu.<\/p>\n\n\n\n

Umugore w’ikigero cy’imyaka 35 avuga ibyabaye nijoro ati: “Nka Maniragaba Samuel, Iradukunda Samuel na Kazungu w’umunyozi abo bantu babatwaye kandi bari bafite ibyangombwa banabiberetse ndetse babasanze mu nzu ntibabasanze hanze. Ubu bagiye kurya uburoko bw’ubusa”.<\/p>\n\n\n\n

Ntibyoroshye kumenya umubare w’abatuye muri aka gace, hari inzu ntoya nyinshi zegeranye, abahatuye bavuga ko batari munsi y’imiryango 300. <\/p>\n\n\n\n

Batuye nabi ariko ngo siko babyifuza<\/h2>\n\n\n\n

Abahatuye bamwe bavuga ko batuye ku butaka bwatuweho n’ababyeyi babo kandi bafitiye ibyangombwa, bityo bakwiye kubuvanwaho bahawe ingurane iteganywa n’amategeko.<\/p>\n\n\n\n

\"Abatuye
Abatuye muri aka gace bavuga ko bagiriwe nabi n’Inkeragutabara mu ijoro ryakeye<\/figcaption><\/figure>\n\n\n\n

Undi mugore w’imyaka 30 ati: “Kuba dutuye nabi turabyemera turanabibona, tubonye inkunga tukajya ahazima natwe twakwishima. <\/p>\n\n\n\n

“Ariko abayobozi nibatuvane hano bafite aho batwerekeza, nibaduhe ingurane z’ubutaka twatuyemo kuva cyera.<\/p>\n\n\n\n

“Njye mfite imyaka 30 kandi ndi uwa hano, iyo myaka yose tuyimaze hano, bahubatse muri za 70 [1970] ariko ubu imyuzure irushaho kuza, nta gitangaza kirimo mbere hashobora kuba hataruzuraga ariko kuko ubu imvura iri kugwa nabi hakaba hatwara abantu”.<\/p>\n\n\n\n

Uyu mugore avuga ko bakeneye gutura ahantu hatabashyira mu kaga ariko kuko ari abakene nta mahitamo bafite.<\/p>\n\n\n\n

Ati: “Ntabwo ari uko tubyanze [kwimuka] cyangwa twigaragambije natwe turasaba gufashwa”. <\/p>\n\n\n\n

\"Bavuga
Bavuga ko leta ikwiye kubimura ariko ifite aho iberekeza cyangwa ikabaha ingurane<\/figcaption><\/figure>\n\n\n\n

Aba baturage bavuga ko ibyo baraye bakorewe bakeka ko ari igikorwa cyo kubagirira nabi ngo bave muri aka gace kubera ubwoba.<\/p>\n\n\n\n

Ku cyumweru minisiteri y’ubutegetsi bw’igihugu yasohoye itangazo ritegeka inzego z’ibanze kubarura abatuye mu nzu zishobora gusenywa n’imvura iri kugwa mu bice binyuranye mu gihugu.<\/p>\n\n\n\n

Iri tangazo rivuga ko abatuye ahantu nk’aha bimurwa bagacumbikirwa n’abaturanyi cyangwa bagacumbikirwa mu bigo by’amashuri. <\/p>\n\n\n\n

Iri tangazo ryiswe impuruza ryihanangiriza abategetsi mu gihe baba batubahirije ibyo rivuga hakagira umuturage uhitanwa n’ibiza.<\/p>\n\n\n\n

Umunyamakuru wa BBC i Kigali, Jean Claude Mwambutsa yaganiriye n’abo baturage mu majwi Susanna hano hasi:<\/p>\n\n\n\n