Ahagana saa mbili za mu gitondo z\u2019uyu wa mbere tariki ya 1 Mata, mu Murenge wa Rwezamenyo ho mu Karere ka Nyarugenge, munsi yo kwa Gisimba, Rukundo Emmanuel w\u2019imyaka 29, utwara abagenzi kuri moto yigaragambije kubera imisoro isabwa abamotari maze atwika moto 2 zari ziri ku biro bya Koperative y\u2019abamotari \u201cCooperative Koranumucyo Motard.\u201d<\/p>\n
<\/p>\n
Nk\u2019uko twabitangarijwe na bamwe mu bayobozi ba Koperative Koranumucyo Motari twasanze aho, uyu musore yafashwe n\u2019abo bita Inkeragutabara, aba bakaba ari abashinzwe umutekano mu bakora umurimo wo gutwara abantu kuri moto mu Mujyi wa Kigali, bamubaza akemezo k\u2019umusoro w\u2019umutekano, ubundi usorwa buri wa gatanu wa buri cyumweru, Rukundo ababwira ko ntawo afite kuko kuwa gatanu atakoze.<\/p>\n
Bahise bamuzana ku biro by\u2019iyo Koperative, yo yahise isigarana icyangombwa cya moto ye hamwe na Kasike, ubundi baramureka ngo ajye kuzana icyangombwa gitangwa n\u2019itsinda akoreramo, cyemeza ko kuwa gatanu atakoze.<\/p>\n
Rukundo yicaye kuri moto ye aragenda, hashize umwanya muto agarukana lisansi (Essence) mu icupa rya litiro imwe n\u2019igice, yinjira mu biro by\u2019iyi Koperative asangamo moto 2 zari zihafungiye, ahita azimenaho ya Lisansi arakongereza, ariko ku bw\u2019amahirwe hafi aho hari hari bantu bahita bazizimya, ku buryo zitangiritse cyane.<\/p>\n
Mu gihe bashakaga kuzimya no gukiza amagara y\u2019abari bari muri ibyo biro, Rukundo yahise yiruka, ariko ku bufatanye n\u2019abaturage yaje gufatirwa mu Nyakabanda, bahita bahamagara inzego za Polisi zahise zijya kumucumbikira kuri sitasiyo ya Polisi ya Nyamirambo.<\/p>\n
Twifuje kumenya icyateye uwo musore gutwika izo moto, we ntiyabasha kubitubwira, ariko bagenzi be twasanze aho badutangarije ko yabitewe n\u2019umujinya yari atewe no kuba bari bamufatiye umusoro.<\/p>\n
Abamotari bishyura imisoro 2 itandukanye, umwe wishyurwa Koperative buri munsi, n\u2019undi washyizweho ku Rwego rw\u2019Umujyi wa Kigali, won go ukaba ari uw\u2019umutekano, wo ukishyurwa buri wa Gatanu, ari na wo Rukundo yafatiwe bituma yigargambya.<\/p>\n