Uyu munsi turizihiza imyaka 9 Ihuriro Nyarwanda, RNC rimaze rishinzwe. Hari kuwa 12\/12\/2010 ubwo nyuma y\u2019iminsi itatu twamaze twungurana ibitekerezo ku uko tubona Ihuriro rigomba kuba rimeze ndetse n\u2019indangagaciro zigomba kuriranga, Abanyamuryango baryo b\u2019ikubitiro 10, twashyize umukono ku inyandiko yashinze Ihuriro, iyo wagereranya n\u2019amasezerano twagiranye hagati yacu ubwacu ndetse n\u2019abanyarwanda bazasanga biyumva muri ayo masezerano. <\/p>\n\n\n\n
Ntagushidikanya ko muri iyi myaka uko ari icyenda Ihuriro rimaze, hari byinshi byiza twagezeho nko kumenyekanisha hirya no hino ku isi, igitugu kiyoboye u Rwanda. Ntagushidikanya kandi ko twagize uruhare rukomeye mu uguca intege ubutegetsi bw\u2019igitugu bwa FPR. Twubatse kandi inzego z\u2019ubuhuzabikorwa mu mpande enye z\u2019isi. Ibi byose n’ubwo ari byiza ndetse no kwishimira ariko, ubwabyo ntibihagije. Urugamba ruracyakomeje, kandi haracyari byinshi bikwiriye guhinduka. <\/p>\n\n\n\n
Kugira ngo ibikwiriye guhinduka bihinduke atari mu maguru mashya gusa, ahubwo no mu buryo bunogeye, hakenewe ko twisuzuma ubwacu tugasubira mu masezerano twasezeranye n\u2019abanyarwanda cyane cyane ingingo za 4 na 10 mu ingamba zo kuzimakaza ubutegetsi bushingiye kuri demokarasi, bugendera ku amategeko no kwihanganirana mu ibitekerezo binyuranyije n\u2019ibyacu, ndetse no kwimakaza umuco wo kujya impaka zubaka (debate). <\/p>\n\n\n\n
Hashize iminsi izi ngingo zigeragezwa (test) mu ihuriro Nyarwanda ndetse ziza kubyara amahari akomeye aho byaviriye bamwe mu banyamuryango guhagarikwa, abandi kwirukanwa. Ibi bikaba byarabimburiwe n\u2019ibura ry\u2019umwe mu ba Komiseri b\u2019 Ihuriro Rutabana Benjamin ushinzwe Cadership, umaze amezi atatu atagaragara. <\/p>\n\n\n\n
Keretse uwashaka kwirengagiza \u2019public opinion\u2019, cyangwa se ngenekereje, uko abenshi babibona, aha ndavuga n\u2019abatari mu Ihuriro Nyarwanda, ariko Ihuriro riri mu bihe bikomeye ndetse bishobora no kuriviramo gusenyuka hatagize igikorwa. Nta bandi kandi bazagira icyo bakora batari abanyamuryango baryo hirya no hino ku isi. Ndizera ko amazi atararenga inkombe. Ariko kuramira Ihuriro bisaba ubwitange. Birasaba ko \u2018ego\u2019zacu (ibyubahiro) tuzishyira inyuma y\u2019inyungu z\u2019Ihuriro. Ni ukuvuga inyungu z\u2019Ihuriro zikabanza kabone n\u2019iyo byaba bisaba ko abayobozi mu gihe basanga badashobora gutunganya inshingano zabo nk’uko bikwiye, bagombye kwegura kuko nabwo ni ubutwari. <\/p>\n\n\n\n
Kubera izi mpamvu navuze, ndahamagarira abayobozi, abayoboke bose b\u2019ihuriro Nyarwanda, gusaba ko mu Ihuriro haba amavugurura. (Reforms) kugirango turamire ibikwiriye kuramirwa amazi atararenga inkombe. <\/p>\n\n\n\n
Isabukuru nziza kuri mwese abakunzi b\u2019Ihuriro, n\u2019abanyamuryango mwese.<\/p>\n\n\n\n
Byanditswe kuwa 12-12-2019<\/p>\n\n\n\n
Turayishimye Jean Paul, JD, <\/strong> <\/p>\n\n\n\n
Umwe mu banyamuryango bashinze IhuriroNyarwanda .<\/p>\n\n\n\n