Mbere na mbere ndagira ngo nshimire aba banyarwanda bose kubera uruhare bagaragaje mu gusangiza ibitekerezo byabo abanyarwanda no gushaka gufatanya na buli wese wifuza gushakira icyiza Urwanda.<\/p>\n
Bwana Condo atangira avuga ko aziranye na Gasana cyane kandi ko ali n\u2019inshuti ye. Ibi ni byiza kandi birashimishije kubona umunyarwanda atinyuka gutanga ibitekerezo bye adashishikajwe no kuvuga neza inshuti ye gusa ahubwo atanga umuganda mu gufasha benshi gusobanukirwa n\u2019icyo we ataekereza ko ali ukuli. Ni ukuvuga ko ni uwamuha ibimenyetso ko ibyo avuga atari ukuli, yaba yiteguye kubyakira igihe byaba bisobanutse koko. Icyo Condo yagaragaje ngishyize mu magambo macye ni uko Bwana Gsana Anastase yaba ataragaragaje cyangwa se atarashatse kugaragaza ukuli ku byabaye kandi azi neza, ku buryo byafatwa ngo guhimbira abatakiriho badshobora kwivugira cyangwa se abari mu mazu y\u2019imbohe batari hafi ngo bisobanure. Aremeza ko ibyo Dr Gasana yatangaje birimo gushinyagurira abatakiriho n\u2019imbohe bishobora kuba biterwa n\u2019urwango rwaba rwari hagati ye n\u2019abo avuga barimo Perezida Habyarimana na Bagosora. Aranavuga ko yirengagije kuvuga ku butwari bwa Murenzi wa Petrorwanda ngo amushime mu bandi.<\/p>\n
Naho Samuel Lyarahoze we asa n\u2019uvuga kimwe na Condo Gervais ko Dr Gasana Anastase atavuga ukuli abizi kandi abishaka, aliko icyo badahuje ni impamvu bakeka ko yaba itera Dr Gasana Anastase gukora ibyo, kuko uyu we yemeza ko ali ikidodo (wa mugani w\u2019abarundi) kili ku mutima wa Gasana kubera uruhare yibaza ko yaba yaragize mu bibi byabaye mu Rwanda. Gusa Samwel uyu asa n\u2019ukoresha imvugo isesereza kandi si byiza.<\/p>\n
Undi nawe wagize icyo agaragariza abantu ku buryo yumvise Ikiganiro cya Dr Gasana Anastase, ni uwitwa Kami Cecil. Ibyo avuga jye nsanga byaba bisa cyane n\u2019ibya Condo Gervais, gusa Cecil Kami akongeraho ko we abona Anastase Gasana yarasaga n\u2019ufite icyo ahunga (esquives) kandi asa n\u2019uwisobanura cyane (style defensif) mu kiganiro cye ku buryo yumvaga umutumire wa radio-itahuka nta bwisanzure bwumvikanaga mu ijambo rye.<\/p>\n
Ngira ngo ngerageje kugaragaza muli make ibitekerezo by\u2019aba bantu batatu, uwo naba navugiye ibitari byo cyangwa se ibituzuye abyihanganire kandi nta kibazo na kimwe byantera ko yabimenyesha tukabiganiraho.<\/p>\n
Dore icyo mbivugaho.<\/b><\/p>\n <\/p>\n <\/p>\n –\u00a0\u00a0\u00a0\u00a0\u00a0\u00a0\u00a0\u00a0\u00a0 Ndashima cyane imyitwarire ya Bwana Murenzi niba koko uko aba bantu navuze haruguru cyane cyane Condo Gervais bamuvuga ali ukuli. Niba aliko byagenze koko (jye sinari mu Rwanda icyo gihe) uwo munyarwanda yagaragaje ubutwari budasanzwe yitandukanya n\u2019inzira yabonaga itaganisha heza, kandi akabikora nta ubimutegetse. Ikindi Jye ndi mu bemera ko imbarutso ya jenoside yabaye iraswa ry\u2019indege ya Perezida Habyarimana, nubwo bitavanaho ko iyo jenoside yaba yariho itegurwa koko. Aliko ikitumvikana ni uko Interahamwe za MRND usanga zisa n\u2019aho arizo zonyine zigerekwaho ubwicanyi bwose bwakorewe abatutsi, kandi n\u2019Abakombozi, Abo muli MDR n\u2019abandi barishe cyane. Igitangaje hari n\u2019abazigerekaho ubwicanyi bwabaye zitarabaho, cyangwa se itegurwa rya jenoside bamwe bemeza ko ryatangiye zitarabaho bakarenga bakazigira responsible kuli iryo tegurwa. Ugasanga abantu barahunga kuvuga ko mu mashyaka yose habayemo ababi hakabamo n\u2019abeza. Ikibazo cy\u2019Ishyirwa mu bikorwa ry\u2019Amasezerano ya Arusha n\u2019uwarinanije cyo sinifuza kukiganiraho hano kuko byasaba umwanya muremure n\u2019inyandiko ndende cyane, aliko simpakana ko ibyo Dr Gasana Anastase avuga byaba bilimo ukuli kuko avuga ibyo yahagazeho. Gus anta kimenyetso kigaraza ko jenoside yatangiye muli Mata 1994 Habyarimana yayigizemo uruhare ku buryo yashyirwa mu majwi nka promoteur. Kunaniza Ishyirwa mu bikorwa ry\u2019Amasezerano Habyarimana ashobora kuba yari abisangiye na FPR, aliko umuntu akoze ubusesenguzi aganisha no ku byerekeye igisilikari, byagaragara ko nta nyungu Habyarimana yari afite yo kuyinaniza, mu gihe yari azi neza \u2018embargo\u2019 y\u2019intwaro Igihugu cyarimo, kandi ko FPR yo yashoboraga guhabwa amaraso na Uganda (yari ifite nka Cordon-Ombilical iyihuza na Uganda). Aha nta gitekerezo ntanga, aliko ndagaragaza ibyashingirwaho umuntu yibaza uko byaba byaragenze koko. Ku ruhande rwa FPR, gupfa kw\u2019amasezerano byayihaga amahirwe yo gufata igihugu kandi byafashaga n\u2019abanyamerika kwinjira mu karere ka Grands-Lacs (Afurika) bemye. Ku rundi ruhande, jenoside yashoboraga kuba ikintu cyiza cyane ku muntu wese wifuzaga kugaragaza ububi bwa leta ya MRND, no kuyisimbura ku butegetsi ngo nawe ashyireho igitugu nk\u2019icyayo. Icyari kutwemeza ko FPR itari mu migambi mibisha ni uko yari gushyigikira isangira ry\u2019ubutegetsi mu gihe yari imaze kubufata. Aliko siko byagenze.\u00a0 Aho ifatiye ubutegetsi se kuki itubahirije ibyari bikubiye muli ayo masezerano? Kuki se abantu batanibaza impamvu izina ry\u2019Umuntu kanaka (nka Twagiramungu) rigaragara mu masezerano kandi ibyo bidasanzwe? Kuki se aho FPR ifatiye ubutegetsi yahimbye imyanya y\u2019Ubuyobozi ikorewe Umuntu umwe nyuma ya coup d\u2019Etat Interne muli FPR umwanya uyu n\u2019uyu ukavaho nk\u2019uko wagiyeho nta tegeko na limwe bikurikije? Ibi ntibivuga ko irari ryo kugundira ubutegetsi ritari gutuma Habyarimana atseta ibirenge mu kwemera ishyirwa mu bikorwa ry\u2019amasezerano ya Arusha. Gusa nanone umuntu yakwibaza ati kuki abantu nka Gatabazi, Bucyana, Katumba (wari uzwi nk\u2019umunyarugomo gusa aho kuba umwicanyi nk\u2019uko benshi bashaka kubigaragaza nta gihamya batanga), Rwambuka n\u2019abandi bishwe? Ninde wali ubifitemo inyungu? Bishwe na nde se? Ese ari Inkotanyi ali n\u2019Ingabo za Leta ya Kigali ninde wari ufite abazi kurasa missile (zilimo n\u2019izo mu bwoko bwakoreshejwe mu kurasa indege ya Habyarimana) banabyitoje ari benshi? Aho aka kabazo abantu bajya bakibazaho? Ntibizwi se cyangwa biraruhije kumenya? Kuki Leta ya FPR yihutiye gushinja Ubufaransa n\u2019Ingabo zabwo aho kuzishimira bake mu batutsi zatumye baticwa, yenda ngo bazigaye ko zaje zitinze jenoside igeze kure byonyine? Kuki se Ubutegetsi bwa FPR bwikanze rugikubita aba-rescap\u00e9 ba jenoside bukabikangamo abanzi kandi bo bakibubyinira intsinzi yo kubabohoza? Aho nta cyaba cyihishe inyuma y\u2019uko kwikanga abakubyinira? Aho ntacyo waba utinya ko bavumbura cyangwa se bazamenya? Kuki FPR yakoze ibishoboka byose ngo aba-rescap\u00e9s ngo habeho urwango rudashira hagati y\u2019abahutu n\u2019abatutsi? Byaba se ari ukugira ngo hatazagira amabanga bafatanya kuvumbura mu gihe baba bashyize hamwe? Tubyite amayobera matagatifu se? cyangwa twicirire mu gacuma dupfundikire turaze inzoga? Burya ngo inzoga iryoha iraye koko!<\/p>\n Nubwo bishoboka ko FPR yaroshye Leta ya Habyarimana na MRND mu kaga ibishaka kandi impuguke ntizibivumbure ku gihe cyangwa se zikabyirengagiza nkana, MRND nayo yakoze za erreurs strategiques nyinshi cyane zatumye ibibi byose biyigwaho bikanayibarwaho na n\u2019ubu rukigeretse, kuko ubu niyo na Habyarimana wayo babyikorera uko byakabaye, byaba ibyo bakoze ndetse n\u2019ibyo batakoze. MRND nayo yakoze ibibi byinshi n\u2019ubugome bwinshi ku buryo kurobanura ibyo yikoreye yo ubwayo n\u2019ibyo yakorewe na FPR-Inkotanyi bikayandikwaho bigoye. Udukino tubi nk\u2019utwo hali abatwungukiramo banyuranye, baba abanyarwanda cyangwa se abanyamahanga. Abanyarwanda batagira ingano babiguyemo rero, bazira gushaka kwiharira no kugundira ubutegetsi byari byuzuye mu mutima wa MRND n\u2019uwa FPR. Aha navuga ko bagwaga \u2018miswi\u2019 (mu mvugo ya rusange). Iyi responsabilit\u00e9 yo kudindiza Ishyirwa mu bikorwa ry\u2019Amasezerano \u00a0rero barayisangiye ku kigereranyo cyaba nka 50%\/50%, ku bwanjye.<\/p>\n Akandi kantu nabwira Bwana Condo Gervais, ni uko muli liste y\u2019abitwaye neza twagaragaje mu Mahame-Remezo y\u2019Ishyaka PRM\/MRP-ABASANGIZI, twatanze ingero nkeya tutavuze bose kandi niko byanditse. Nta muntu twanze gushyiramo tubigambiriye. Twemera ko ali benshi cyane babaye beza, yewe n\u2019abantu nka Musenyeri Sibomana wa Diyosezi ya Kibungo wakoze ibishoboka byose ngo ivangura ntirigenge Diyosezi na Seminari ye na Bwana Laurien Ntezimana (Theologien) wabaye muli Butare cyane kandi urangwa nan\u2019ubu (nizere ko atahindutse) no gushaka gutanga uburere n\u2019inyigisho bya Roho bitarimo gutinya no gukangwa na za systems ahubwo byuzuye gushakira bose icyatuma baba beza kurushaho, nabo bali mu banyarwanda b\u2019Intangarugero bagombye gufatwa nk\u2019urumuri rwa twese. Nabo ngira ngo urabona ko batagaragara mu Mahame-Remezo y\u2019Ishyaka kandi tubemera. Liste yuzuye twizera ko yazakorwa mu bufatanye bw\u2019abanyarwanda twese muli rusange. Murenzi rero ntitwanze kumushyiramo, uretse ko n\u2019ibye tutari tubizi neza. Hali n\u2019abandi rero kandi benshi, balimo abazwi n\u2019abatazwi, balimo abakiriho n\u2019abatakiliho.<\/p>\n –\u00a0\u00a0\u00a0\u00a0\u00a0\u00a0\u00a0\u00a0\u00a0 Ntaciye ku ruhande rero, niba ibivugwa kuli Dr Gasana Anastase ali byo koko, nkurikije ibyanditswe na Cecil Kami, bikavugwa na Condo, na Samuel Lyarahoze, icyo gihe birumvikana ko Anastase Gasana yaba atarabaye umwere muli ibyo bihe bivugwa, cyangwa se yaba ataravuze ibintu uko abizi ijana ku ijana. Gusa nkaba ku bwanjye numva nta gitangaza kirimo ko umuntu yaba yarakoze ibidakwiye igihe iki n\u2019iki mu mateka ye. Twese byatubayeho, nta numwe uliho utarigeze yibeshya ngo akore ibyo atagombaga gukora. Nta mpamvu mbona rero yo guca iruhande no gushaka kwisobanura no kwerekana ko wowe kanaka wabaye nka Malayika Gabriyeli cyangwa se Arcange Michael, ko ababi bari abandi gusa! Gusa nanone ntibikwiye ko Ibikuba bicika ngo haje Ishyaka rya DMI na FPR kubera ko umuntu umwe cyangwa se urenze umwe mu barigize avugwaho ko cyera cyane yigeze kubaho gutya cyngwa gukorana n\u2019Ishyaka iti n\u2019iri! Ninde se utarakoranye na Leta mbi mu bari muli Opposition twese? Ninde? Ninde? Ntawe. Kubihakana biramara iki uretse gutuma habaho impaka no kwishishanya kw\u2019abaharanira impinduka?<\/p>\n Icyo navuga ni uko niba aliko byabayeho, birumvikana ko Anastase Gasana atabaye Miseke Igoroye, Kandi yabaye nk\u2019abandi banyarwanda benshi cyane cyangwa se bose na twese. Nimureke dusangire responsabilit\u00e9 kandi twemere ibyabayeho n\u2019ibyo twagizemo uruhare, maze duhindure icyerekezo dukataze mu kubohoza Urwanda n\u2019Abanyarwanda. Ibi nizere ko binasubiza abibaza ku byo yaba yaratangaje akili Ministre w\u2019Ububanyi n\u2019Amahanga. Ashobora kuba atarabisobanuye mu buryo bwumvikanira (bishobora no guturuka ku kutagira umwanya uhagije), ali nayo mpamvu hali ababifashe nabi. Uko nabisobanura ni uku. Dr Gasana Anastase yari Ijwi rya Guverinoma ibeshya. Ibyo si ngombwa kubihakana kuko bigaragrira buli wese. Guverinoma rero yumvikana ku byo igomba kuvuga, bitavuze ko buli wese uyirimo aliko abyemera. Nimwibaze nk\u2019inama iliho itorera igitekerezo iki n\u2019iki, noneho umuvugizi akaba ali mu batagitoye kandi abenshi bakaba abagitoreye. Nasohoka se ku maradiyo no mu ruhame aravuga iki? Aratangaza icyemejwe n\u2019inama, ntari bujye kuvuga ngo jye mbyumva ntya aliko banze ko tubitorera twese, banganje jye ntimubimbareho! Non! Arabyakira abigire ibye kandi abishyigikire mu gihe cyose akili muli iyo guverinoma! Aliko iyo igihe kigeze umuntu akabona ko ibyo iyo guverinoma ilimo atabyemera ayisohokamo agatanga n\u2019impamvu. Ntabavukira rimwe. Seth Sendashonga yasohotsemo mbere, bityo bityo na Gasana aza gusohokamo, abandi nyuma ye, kandi n\u2019ejo n\u2019ejobundi uko abantu bagenda banga ikibi bazagenda batera ikirenge mu cyabo. Byahozeho, bibaho n\u2019ubu kandi bizahora bibaho igihe cyose Umuti urambye w\u2019ibibazo by\u2019imiyoborere mibi mu Rwanda utaraboneka! Ngira ngo birumvikanye. Nta mpamvu yo guca iruhande no kuvuga byinshi bitari ngombwa.<\/p>\n Ku bavuga ko Gasana yashatse guhishira iyicwa ry\u2019abahutu, nabibariza nti: None se murashaka kuvuga ko Dr Gasana Anastase w\u2019Umuhutu kwa se na nyina yaba yari ashimishijwe n\u2019uko abahutu bashirira ku icumu? Agahinda k\u2019iyicwa ry\u2019abahutu yarakagize kandi n\u2019ubu aracyagafite, kakiyongeraho n\u2019ak\u2019iyicwa ry\u2019abatutsi atigeze ashyigikira mu mutima we.<\/p>\n Ishyaka PRM\/MRP-ABASANGIZI ryemera ubworoherane no kudaheranwa n\u2019amateka<\/b><\/p>\n Aliko kandi, Ishyaka PRM\/MRP-ABASANGIZI kuko rizi icyo rishaka kugeza ku banyarwanda muli rusange kandi ryakibamurikiye mu Mahame-Remezo yaryo, ryemera ubworoherane no gukorera hamwe kw\u2019abanyarwanda bose bifuza impinduka nziza. Dr Anastase Gasana rero ali muli abo, kandi byaratugaragariye ko abalimo koko, kuko yabitwibwiriye, kuko twahujwe n\u2019imyumvire, twafatanyije kwubakira hamwe Umurongo Ishyaka rya Politiki twashinze rigomba kugenderaho, kandi kugeza ubu byose byabaye byiza. Kuvuga rero ngo azahinduka abe icyitso cy\u2019abo turwanya kuko cyera ngo byaba byaragenze gutya na gutya, twe ntaho tubona bishingiye. Tureba ibiliho, ibyo tubwiwe n\u2019abo turi kumwe cyangwa se abo dusangiye umugambi bose. Uwahinduka akava mu murongo twemera wese ubwo ntitwaba tukigendanye nawe, twanamurwanya mu bo turwanya. Aliko kugeza ubu Dr Anastase Gasana ni umuyobozi mwiza w\u2019Ishyaka, keretse niba hari ubibona ukundi akabitangira ibimenyetso kuko nyili ubwite we tubona twemeranya ku Mahame-Remezo y\u2019Ishyaka ali nayo navuze ko aruta ibindi bivugwa cyangwa se bitekerezwa byose. Kandi nababwira ko buli wese mu bashinze ili Shyaka yagize Uruhare runini cyane mu gutunganya no guhamya neza icyerekezo no gushyira mu Nyandiko Amahame-Remezo y\u2019Ishyaka PRM\/MRP-ABASANGIZI.<\/p>\n Ngarutse ku bavuga ngo ni DMI cyangwa se FPR bateguye ili Shyaka, nabibutsa amagambo y\u2019ivanjili ya Luka mu mutwe wa 11 kuva ku murongo wa 14. Yezu arirukana amadayimoni, abandi nabo bati buliya ni Belzebul Umutware w\u2019amashitani akorera. Reka ye!! Iyo DMI se yafata umurongo wa Politiki uvuguruza FPR yaba ije ite? yaba ikorera nde? kandi yaba itwaye iki Opposition? Abavuga ibyo nibansubize ntiriwe njya muli menshi! Iyo FPR se yisenya ikivuguruza, ikirahuriraho umuriro igaragaza amahano yayo aho ava akagera kandi ihamagarira bose gushyira hamwe bagakuraho ubutegetsi bubi bwayo bakazana ubwiza cyangwa bakayisaba guhinduka ikemera ibyiza nta mananiza, yaba itabaye Umukiza w\u2019Abanyarwanda? Yaba itwaye iki Opposition? Aliko niba Ingoma yivuguruje wa mugani wa Yezu, ubwo yaramba ite? Iyo FPR niba aliyo itwohereje kuyisenya, ubwo noneho opposition niryame isinzire urugamba rwarangiye kuko uwo barwanyaga yishenye yirangije! Ibi ndumva nta mpamvu yo kubitindaho, icyo nasaba abanyarwanda n\u2019abasoma iyi nyandiko, ni ukwirinda gushinyagura. Nimureke dufatanye gushakisha inzira kandi twubake dushyigikira ibitekerezo n\u2019Amahame-Meza yose; Amashyaka yose atugaragariza gahunda twemera ko irwanya ubutegetsi bubi, mu murongo yiyemeje kugenderamo, tuyakire muli Opposition, tuganirire hamwe Inzira nyayo yo gukiza Urwanda. Uhindutse agatandukira ku Mahame yamurikiye bose, uwo tukamufata uko ahindutse tukamurwanya. Aliko ni byiza kureka \u2018speculations\u2019 zidafite ishingiro, ngo turabizi neza ko uliya ejo azaba yahindutse nubwo mu byo atubwira byose nta kibi tubonamo. Ibyo murumva byaba bituganisha he Banyarwanda dusangiye Byose?<\/p>\n Ese n\u2019iyo umuntu kanaka yaba ataratunganye cyera bwo, byatubuza kwakira ingufu ze za none kandi ziduteza imbere twese abunze ubumwe mu Muryango Nyarwanda? Simvuze ko ali uko bimeze, aliko n\u2019iyo byaba aliko bimeze ntacyagombye kutubuza gukorana n\u2019ushyigikiye ibyiza wese. None se Mutagatifu Gusitini ku bemera ibikorwa bye, siwe Amahame menshi no gutera Imbere kw\u2019Inyigisho za Kiliziya bishingiyeho? Iyo Kiliziya iza gutinda ku myitwarire ye ya cyera se ntiba yaramujugunye cyera? Intumwa Paulo wa Tarisi? Siwe umulimo munini w\u2019Iyamamazabutumwa rya gikristu abemera bawukesha? Mu mateka ye se nta bihe yigeze kugira byo gukora ibidatunganiye bose n\u2019Imana? Mutagatifu Mariya wo mu Misiri (Marie l\u2019Egyptienne) wizihizwa ku itariki ya kabili cyangwa\u00a0 iya gatatu y\u2019ukwa Kane (avril)? Ntiyabaye indaya kuva afite imyaka 13 kugeza afite hafi mirongo itatu? Hanyuma se ubwo twaheranwa n\u2019ibyo tuzi cyangwa dukeka maze tukazajya mbere dute? Twizitirwa n\u2019ibyahise ngo twibohe amaguru twifuza kugendesha!<\/p>\n Ndangije nshimira buri wese usoma iyi nyandiko kandi nizeza abanyarwanda bose ko Ishyaka PRM\/MRP-ABASANGIZI rije rifite umurongo uhamye ryiyemeje kugenderaho utajenjetse. Rirawemera kandi ryiteguye guharanira impinduka nziza mu Rwanda kugeza bigezweho, kandi ryiteguye gufatanya n\u2019uwo aliwe wese ushishikajwe no gutuma haboneka umuti urambye ku bibazo byugarije Urwanda kuva rwabaho kugeza ubu.<\/p>\n Imana ibampere Umugisha mwese abasoma ibi nanditse.<\/p>\n Bamara, Prosper<\/b><\/p>\n Visi-Perezida Ushinzwe Ibibazo by\u2019Umutekano w\u2019Igihugu<\/b><\/p>\n PRM\/MRP-ABASANGIZI<\/b><\/p>\n","protected":false},"excerpt":{"rendered":" Mbere na mbere ndagira ngo nshimire aba banyarwanda bose kubera uruhare bagaragaje mu gusangiza ibitekerezo byabo abanyarwanda no gushaka gufatanya na buli wese wifuza gushakira icyiza Urwanda.<\/p>\n","protected":false},"author":3,"featured_media":3299,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3389","post","type-post","status-publish","format-standard","has-post-thumbnail","hentry","category-politiki"],"yoast_head":"\n\n
\n