Banyarwanda, Banyarwandakazi,Muri ibi bihe twibuka ku nshuro ya 19 jenoside yakorewe Abatutsi, buri mwenegihugu aho ari hose, nafate akanya, nibimushobokera ajye mu ruhame hamwe n\u2019abandi, maze twese tuzirikane Abanyarwanda bose bahitanywe n\u2019iyo jenoside.<\/p>\n
Twibuke ko mu ijoro ryo ku wa gatatu tariki ya 6 Mata 1994, indege yari itwaye abakuru b\u2019ibihugu by\u2019u Rwanda n\u2019u Burundi yarashwe, bombi bakitaba Imana, hamwe n\u2019abari babaherekeje n\u2019abandi bose bari muri iyo ndege.<\/p>\n
Twibuke ko indege imaze kuraswa, mu gicuku gishyira itariki ya 7 Mata 1994, intagondwa z\u2019Abahutu zahutse mu bana b\u2019u Rwanda, zigamije kurimbura Abatutsi, zitaretse n\u2019Abahutu zise ibyitso byabo, barimo abanyapolitiki batavugaga rumwe n\u2019ishyaka rya MRND, abaharaniraga uburenganzira bw\u2019ikiremwa-muntu, abanyamakuru n\u2019abandi bose bitwaga ko babangamiye inyungu z\u2019imitwe ya politiki yari yaragaragaje ko ishyigikiye Perezida Habyarimana.<\/p>\n
Twibuke ko igihugu cyacu cyatembye imivu y\u2019amaraso y\u2019ababyeyi bacu, abavandimwe bacu, abana bacu, inshuti zacu, abaturanyi bacu n\u2019iz\u2019indi nzirakarengane. Bahizwe nk\u2019inyamaswa z\u2019ishyamba ku misozi, mu bishanga no mu mazu. Bicwa urwagashinyaguro, baratemagurwa, bararaswa, barasogotwa, baracocwa nk\u2019amabuye, kuva ku mwana uri mu nda kugeza ku basaza n\u2019abakecuru rukukuri.<\/p>\n
Twibuke ko aya mahano yasigiye Abanyarwanda ibikomere n\u2019inkovu bigoye gusibangana, kandi ko yagombye kutubera impamvu yo kwibaza buri gihe ku mibanire yacu nk\u2019abenegihugu, no kuri politiki yatuma Urwatubyaye rugira amahoro arambye.<\/p>\n
Twibuke ibyabaye, ariko tunasabe Imana kuduha umutima ukomeye wo kubabarira abakoze ishyano, kugira ngo kandi ifashe abo bicanyi, bave ibuzimu bajye ibuntu, bemere ko bahekuye u Rwanda, bityo bicuze babikuye ku mutima, barahirire kwirinda kongera koreka mu icuraburindi igihugu n\u2019abagituye.<\/p>\n
Banyarwanda, Banyarwandakazi,\u00a0Amashyaka yacu PDP-IMANZI na RDI-RWANDA RWIZA yifatanyije namwe aho muri hose, mu gikorwa cyo kunamira inzirakarengane zose zazize jenoside yakorewe Abatutsi muri 1994. Yifatanyije kandi afashe mu mugongo imiryango yose yahekuwe n\u2019ubu bwicanyi. Amashyaka yacu, mu bufatanye bwayo, arabizeza ko impinduka ya politiki abazaniye ari izatuma nta Munyarwanda n\u2019umwe uzongera kuzira ubwoko bwe, ibitekerezo bye cyangwa irindi vangura iryo ari ryo ryose. Ubwoko mu Rwanda bugomba kuba ishingiro ry\u2019umubano n\u2019ubwubahane, aho kuba intandaro yo kumarana no kugoreka amateka y\u2019igihugu cyacu, yashegeshwe n\u2019inyigisho z\u2019ibinyoma z\u2019abakoloni n\u2019iz\u2019abanyapolitiki bayobya uburari, bagamije inyungu zabo bwite.<\/p>\n
Banyarwanda, Banyarwandakazi,\u00a0Amashyaka PDP-IMANZI na RDI-RWANDA RWIZA ntiyemera politiki ishyaka FPR-INKOTANYI n\u2019umukuru waryo Prezida Paul Kagame bimirije imbere kuva bafata ubutegetsi muri Nyakanga 1994, yo guhindura jenoside urubuga rwo kwivuga ibigwi, gucamo ibice Abanyarwanda no gutoteza amahanga. Amashyaka yacu aharanira ko ukuri kose kuri jenoside yakorewe Abatutsi kuvugwa, kandi abayigizemo uruhare bose, nta vangura, bagashyikirizwa inkiko zitabera, abarenganyijwe bakarenganurwa.<\/p>\n
Amashyaka PDP-IMANZI na RDI-RWANDA RWIZA aharanira\u00a0 kandi ko ukuri kose kujya ahagaragara ku bijyanye n\u2019ihanurwa ry\u2019indege tariki ya 6 Mata 1994, kimwe\u00a0 n\u2019ubwicanyi ingabo za FPR-INKOTANYI zakoreye Abahutu mu gihe cy\u2019intambara yo muri 1990-94 na nyuma yayo, ari mu Rwanda ari no mu gihugu cya Kongo cyane mu nkambi z\u2019impunzi no mu mashyamba, ababugizemo uruhare bose bagacirwa imanza zitabera, imiryango yiciwe n\u2019ingabo za FPR-INKOTANYI nayo ikagira uburenganzira bwo kwibuka abayo bishwe, kubaririra no kubashyingura mu cyubahiro.<\/p>\n
Nk\u2019uko kandi byasabwe muri \u201cMapping report\u201d, Amashyaka yose aharanira ubwiyunge bw\u2019Abanyarwanda yagombye gusaba inkiko mpuzamahanga guhana abakoze ubwo bwicanyi ndengakamere no kubushakira inyito ikwiye.<\/p>\n
Banyarwanda, Banyarwandakazi,\u00a0Amashyaka yacu PDP-IMANZI na RDI-RWANDA RWIZA yongeye kubahamagarira mwese, mu moko yanyu atandukanye, gufatana mu mugongo mu gikorwa cyo kwibuka inzirakarengane zatsembwe, no kwamagana abapfobya mu buryo ubwo ari bwo bwose jenoside n’ubundi bwicanyi bwibasiye imbaga. Ntituzahwema na rimwe guharanira icyageza abenegihugu ku bwiyunge nyakuri no ku bumwe burambye.<\/p>\n
Mugire amahoro.<\/p>\n
Bikorewe i Buruseli, tariki ya 5 mata 2013.<\/p>\n
Faustin Twagiramungu \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0 \u00a0\u00a0<\/strong><\/em><\/p>\n Perezida wa \u00a0RDI-RWANDA RWIZA<\/p>\n Contact: E-Mail: rdi_rwanda810@yahoo.fr<\/p>\n G\u00e9rard Karangwa Semushi<\/strong><\/em><\/p>\n Perezida wungirije wa PDP-IMANZI<\/p>\n Contact: E-Mail: pdp.imanzi@gmail.com<\/p>\n","protected":false},"excerpt":{"rendered":" Banyarwanda, Banyarwandakazi,Muri ibi bihe twibuka ku nshuro ya 19 jenoside yakorewe Abatutsi, buri mwenegihugu aho ari hose, nafate akanya, nibimushobokera ajye mu ruhame hamwe n\u2019abandi, maze twese tuzirikane Abanyarwanda bose bahitanywe n\u2019iyo jenoside.<\/p>\n","protected":false},"author":3,"featured_media":3376,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3396","post","type-post","status-publish","format-standard","has-post-thumbnail","hentry","category-politiki"],"yoast_head":"\n