Banyarwanda banyarwanda kazi;<\/p>\n
Imyaka ibaye 19 twibuka buri mwaka jenoside yakorewe abatutsi;<\/p>\n
Imyaka ibaye 23 ubwoko bw\u2019abahutu bwibasiwe n\u2019ibyaha by\u2019intambara byakozwe na FPR Inkotanyi kuva yashoza urugamba mu kwakira 1990;<\/p>\n
Imyaka ibaye 19 FPR izimangatanya akababaro k\u2019abahutu babuze ababo;<\/p>\n
Imyaka ibaye 16 FPR ikoze jenoside yibasiye abahutu mu cyahoze kitwa Zaire ubu yabaye Repubulika Iharanira Demokarasi ya Congo,<\/p>\n
Imyaka ibaye 19 FPR yigaruriye ubutegetse ibukomoye ku mivu y\u2019amaraso y\u2019abatutsi;<\/p>\n
Ubutegetsi bwa MRND bwakoze jenoside y\u2019abatutsi bwibeshya ko ari byo byabufasha guhashya igitutu bwashyirwagaho n\u2019ibitero bya FPR Inkotanyi nayo itaragohekaga, igambiriye kwigarurira ubutegetse, ari nayo mpamvu ingabo zayo nazo zagendaga zica abantu aho zacaga hose kugirango zihe umuganda interahamwe za MRND kunyungu zishingiye kunyota y\u2019ubutegetsi.<\/p>\n
Muri uyu mwaka w\u20192013 abanyarwanda turibuka kunshuro ya 19 amahano yagwiririye u Rwanda atewe n\u2019ubushyamirane\u00a0 bwa leta ya MRND na FPR-Inkotanyi bari bahanganye kuva tariki ya mbere ukwakira umwaka w\u20191990 kugeza muri Nyakanga 1994.<\/p>\n
Kuva iyo ntambara yatangira, u Rwanda n\u2019abana barwo bahuye n\u2019akaga gakomeye cyane katewe no kunangira kw\u2019impande zombi zari zihanganye, buri ruhande rugambiriye kwikubira ubutegetsi.<\/p>\n
Ibyo akaba aribyo byabaye intandaro ya jenoside yahitanye abatutsi n\u2019abahutu batari bashyigikiye ibyo bikorwa by\u2019urukozasoni barenga ibihumbi magana atanu nk\u2019uko byagaragajwe n\u2019ikegeranyo cyashyizwe ahagaragara\u00a0 n\u2019umuryango w\u2019abibumbye.<\/p>\n
Iyo jenoside ikaba yarahuriranye n\u2019iyicwa rikabije ry\u2019 abahutu biciwe imbere mu gihugu na FPR-Inkotanyi ndetse ikanakurikirwa n\u2019itsembabwoko ryakorewe abahutu\u00a0 bari\u00a0 barahungiye mu cyahoze ari Zaire, yabaye Repubulika Iharanira Demokarasi ya Congo, bakaba barayikorewe n\u2019ingabo za FPR Inkotanyi mugihe zateraga icyo gihugu.<\/p>\n
Iyi jenocide yakorewe abahutu yagizwe ibanga rikomeye n\u2019ubutegetsi buriho bwa FPR-Inkotanyi, imiryango yabuze abayo ikaba itarigera ihabwa uburenganzira bwo gushyingura ababo mucyubahiro, kubibuka cyangwa kubunamira ku mugaragaro.<\/p>\n
Tuboneyeho kumenyesha imiryango yose yabuze abayo yaba iy\u2019abahutu n\u2019iy\u2019abatutsi tubabwira y\u2019uko twifatanije nabo mu gikorwa cyo kwibuka no kunamira abana b\u2019u Rwanda bose baguye muri ayo mahano yakozwe na MRND, CDR, FPR, n\u2019igice cy\u2019amashyaka\u00a0 MDR, PSD, PL, PDC kiyise aba power (Hutu power)<\/p>\n
Muri ibi bihe bikomeye byo kwibuka abana b\u2019u Rwanda baguye muri ayo mahano yo gutsemba ubwoko bw\u2019abatutsi n\u2019abahutu mod\u00e9r\u00e9s yakozwe n\u2019ingoma ya MRND, twagirango dushishikarize abanyarwanda kwibuka n\u2019abahutu bazize jenoside bakorwe FPR Inkotanyi n\u2019amashyaka bafatanije kuyobora igihugu kugeza ubu.<\/p>\n
FPR-Inkotanyi ikomeje kubeshya abanyarwanda n\u2019amahanga \u00a0ko yahagaritse jenoside y\u2019abatutsi\u00a0 igamije guhisha uruhare rwayo muri jenoside \u00a0ingabo zayo zakoreye bahutu, ku ruhande rumwe\u00a0 n\u2019ubwicanyi yakoreye abatutsi kurundi ruhande\u00a0 igamije kwerekana ko ariyo ije ari umutabazi n\u2019umucunguzi wabo.<\/p>\n
Ishyaka PRM\/MRP-ABASANGIZI riramenyesha abanyarwanda bose\u00a0 bari mu babuze ababo muri aya mahano yagwiririye u Rwanda ko ryifatanije nabo muri ibi bihe bikomeye byo kwibuka abacu bazize akarengane ,<\/p>\n
Iri shyaka rirasaba abacikacumu ba za jenoside zombi zibasiye ubwoko bw\u2019abahutu n\u2019ub\u2019abatutsi nta vangura iryo ari ryo ryose rishingiye ku bwoko bw\u2019uwayikorewe nta no guhishira uwo ariwe wese wayikoze, guhaguruka bagakanguka bakava mu gukomera amashyi uwabamaze kandi ukibacunaguza ariwe FPR-Inkotanyi, bakareka kugirwa ibikoresho bagaharanira uburenganzira bwabo, ndetse bagaharanira kuryoza FPR impfu z\u2019ababo.<\/p>\n
Ishyaka PRM\/MRP-ABASANGIZI rirasaba abacitse ku icumu b\u2019abatutsi ndetse n\u2019abantu bashyira mu gaciro bakoranye na FPR ko bagira ubutwari bagafasha n\u2019abacitse ku icumu b\u2019abahutu gucukumbura uko ababo bapfuye, nk\u2019uko abahutu benshi bagize uruhare rugaragara mu ikusanyamakuru bafasha kumenya uko abatutsi bishwe n\u2019aho bajugunywe.<\/p>\n
Bityo abanyarwanda baharurirwe inzira yo kunyuramo bibaza ku mateka yabaranze, bemera amahano bakoze bose nta buryarya kuko ari byo byonyine bizabageza k\u2019ubumwe nyakuri bwa bene kanyarwanda.<\/p>\n
Ishyaka PRM\/MRP-ABASANGIZI rirashishikariza abahutu bose babuze ababo mu bwicanyi na jenoside\u00a0 byakozwe n\u2019Inkotanyi (haba i Byumba, i Kibeho, mu Ruhengeri , Gisenyi, Gitarama, Kibungo, Bugesera, I Mugunga muri Zayire, i Tingitingi muri Zayire, n\u2019ahandi henshi tutarondoye, haba mu Rwanda cyangwa se muli Zayire), ko batinyuka bagahaguruka bakabaza iby\u2019aya mahano ku mugaragaro batajenjetse, bagasaba ko habaho ukwemerwa k\u2019ubu bwicanyi na jenoside y\u2019abahutu yakozwe n\u2019ingabo za FPR Inkotanyi muri Repubulika Iharanira Demokarasi ya Congo.<\/p>\n
Ibi kandi birasabwa na none abatutsi bose bahekuwe na FPR-Inkotanyi, by\u2019umwihariko abanyamulenge n\u2019abagogwe bamariwe ku icumu igihe kirekire na leta ya FPR.<\/p>\n
Ishyaka PRM\/MRP-ABASANGIZI rirashishikariza kandi abanyarwanda\u00a0 bari impunzi guhera mu mwaka w\u20191959 mu bihugu by\u2019u Burundi, Za\u00efre ndetse n\u2019abahoze mu Rwanda bakaba barabuze abana babo bari baroherejwe ku rugamba rw\u2019Inkotanyi kuva rugitangira ariko bakazira agafuni k\u2019abari bayoboye urwo rugamba babaziza kuba barize bakaminuza, bavuga igifaransa cyangwa se gukekwaho kugira isano n\u2019ubwoko bw\u2019abahutu, gutinyuka bakabaza FPR Inkotanyi icyo abana babo bazize.<\/p>\n
Abahoze I Burundi bagize ubutwari babaza icyo kibazo mu bihe bya mbere by\u2019intambara, dore ko ari nabo agafuni kibasiye rugikubita kuko aribo bahise batabara ku bwinshi, ariko nyuma bakaza nabo gushukishwa uburiganya n\u2019ubuhendabana bw\u2019imyanya n\u2019amapeti bya FPR bigatuma badakomeza kubaza iby\u2019impfu ziteye agahinda z\u2019ababo.<\/p>\n
Ibi ntibikwiye guteshwa agaciro\u00a0 kuko byabayeho\u00a0 atari ibihimbano, kimwe n\u2019uko ubundi bwicanyi ndengakamere bwose butagomba kwibagirana mu mateka y\u2019igihugu.<\/p>\n
FPR ikomeje gukangisha no kwitwaza ko ngo nta mututsi wayirwanya kubera kubashuka ko kuyirwanya ngo ari ukwikora mu nda kandi yo itarebera izuba uwo ishaka kwica wese yaba umuhutu cyangwa se umututsi, ibi bigatuma abatutsi bamwe batarasobanukirwa bemera guhishira amabi abakorerwa n\u2019agahinda baterwa n\u2019Ingoma mbi y\u2019igitugu ya FPR-Inkotanyi idasiba kubahekura uko bwije n\u2019uko bukeye. Nibahaguruke binubire ubugome bwabakorewe kandi bukibakorerwa kugeza ubu, maze Umuryango Nyarwanda wunze ubumwe, abahutu, abatutsi,abatwa n\u2019imvange, uhagurukire rimwe kandi abawugize bose bareke kugira za soni zirishwa uburozi ngo bazarinde bashirira ku icumu mu gihe ubahohotera we nta soni yigirira mu buhotozi bwe butababarira n\u2019Iyonka.<\/p>\n
Nibatinyuke ku mugaragaro bose basabe \u00a0ko iri hotora, ubujura bukabije n\u2019iterabwoba FPR iyoboresha igihugu bihagarara vuba na bwangu nta yandi mananiza.<\/p>\n
Ishyaka PRM\/MRP-ABASANGIZI rishoje rihamagarira abanyarwanda bose guha agaciro ibi bihe byo kwibuka abana b\u2019u Rwanda bazize ingengabitekerezo y\u2019ivangura moko.<\/p>\n
Imana niyakire abatuvuyemo bose bazize uko yabaremye<\/p>\n
Tubifurije iruhuko ridashira mu bwami bwayo, kandi imenye u Rwanda n\u2019abanyarwanda twese mu bihe bikomeye turimo, idufashe twese kumenya URUKUNDO rwayo no kurukwiza hose no muri bose.<\/p>\n
Twongeye kwihanganisha Umuryango Nyarwanda wose kandi tuwifuriza gutsinda akababaro kugira ngo tuzabashe kubaka UBUMWE N\u2019UBWIYUNGE Nyabwo.<\/p>\n
Tuboneyeho kandi gusaba abayoboke b\u2019ishyaka PRM\/MRP \u2013 ABASANGIZI baba abari mu gihugu no hanze yacyo kunamira abantu bose bazize jenoside, ubugome n\u2019ubwicanyi ndenga kamere bwibasiye inyoko muntu mu Rwanda batibagiwe no kwamagana\u00a0 ikinyoma cya FPR Inkotanyi ijijisha abanyarwanda n\u2019amahanga kugira ngo irambe k\u2019ubutegetsi.<\/p>\n
Bikorewe, Savannah, Georgia muri Leta Zunze Ubumwe z\u2019Amerika taliki ya 08\/04\/2013<\/p>\n
Ubuyobozi bw\u2019Ishyaka PRM\/MRP-ABASANGIZI:<\/p>\n
1. Dr Gasana Anastase, Perezida w\u2019ishyaka;<\/p>\n
2. Mukeshimana Isaac, Visi Pereziba ushinzwe Politiki<\/p>\n
3. Batungwanayo Janvier, Visi Perezida ushinzwe Amajyambere y\u2019 Icyaro;<\/p>\n
4. Bamara Prosper, Visi-Perezida ushinzwe umutekano<\/p>\n
5. Akishuli Abdallah, Visi Perezida ushinzwe ihuzabikorwa.<\/p>\n","protected":false},"excerpt":{"rendered":"
Banyarwanda banyarwanda kazi; Imyaka ibaye 19 twibuka buri mwaka jenoside yakorewe abatutsi;<\/p>\n","protected":false},"author":3,"featured_media":3305,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3416","post","type-post","status-publish","format-standard","has-post-thumbnail","hentry","category-politiki"],"yoast_head":"\n