Kigali kuwa 09 Mata 2013<\/p>\n
Uyu munsi tariki ya 09 Mata 2013 ahagana mu ma saa yine z\u2019amanywa ku cyicaro cy\u2019urukiko rwisumbuye rwa Gasabo mu mugi wa Kigali nibwo urukiko rwumvise ikirego cy\u2019ubushinjacyaha ku irekurwa n\u2019ifungwa ry\u2019agateganyo ry\u2019abanyapolitiki batavugarumwe na Leta ya Kigali aribo Sibomana Sylvain umunyamabanga mukuru w\u2019ishyaka FDU-Inkingi ndetse na Shyirambere Dominique . Aba bombi bakaba baratawe muri yombi na polisi y\u2019igihugu kuwa 25 Werurwe 2013 ahagana mu ma saa mbiri n\u2019igice z\u2019amanywa bazize kuba baritabiriye urubanza rw\u2019umuyobozi mukuru w\u2019ishyaka FDU-Inkingi Mme Victoire Ingabire Umuhoza.<\/p>\n
Ubushinjacyaha bukaba bubasabira gufungwa by\u2019agateganyo mu gihe cy\u2019iminsi mirongo itatu ngo kubera impamvu zikomeye zirimo ko ubushinjacyaha bushaka guhagarika burundu ibikorwa by\u2019abaregwa byo kuyobya abaturage ndetse ngo ifungwa ryabo rikaba ryafasha ubushinjacyaha gukomeza gukora iperereza.<\/p>\n
Nyuma yo gutabwa muri yombi mu buryo buteye isoni n\u2019agahinda hagamijwe gusa gutera ubwoba abayoboke ba FDU-Inkingi ngo batazagaruka gukurikirana urubanza rwa Mme Victoire Ingabire Umuhoza, Bwana SIBOMANA Sylvain akaba yarakorewe iyicarubozo kugeza bamukuye amenyo. Aho kugirango hakurikiranwe abakoreye urugomo Bwana Sylvain ahubwo yahimbiwe ibyaha bitatu birimo :
\n1. Gukoza isoni abashinzwe umurimo rusange w\u2019igihugu, icyaha giteganywa kandi gihanishwa ingingo ya 539 na 540 y\u2019itegeko ngenga,
\n2. Icyaha cyo guteza imvururu muri rubanda giteganywa kandi gihanishwa ingingo ya 463 y\u2019itegeko Ngenga,
\n3. Gukora imyigaragambyo itemewe icyaha gihanishwa ingingo ya 685 y\u2019itegeko ngenga.<\/p>\n
Ubushinjacyaha bushinja ibi byaha ba Bwana Sibomana Sylvain na Shyirambere Dominique bushingiye ku buhamya bw\u2019abapolisi nabo bagize uruhare mu bikorwa by\u2019iyicarubozo no guhohotera abashijwa kugeza banabakuye amenyo.
\nUbushinjacyaha bunavuga ko kuba aho ku rukiko rw\u2019ikirenga hari haje abarwanashyaka benshi barimo n\u2019umwe wambaye umupira wanditseho \u00ab Demokarasi n\u2019Ubutabera \u00bb hakaba hari na \u2018badge\u2019 Sylvain yari yambaye yanditseho amagambo \u00ab Free- Ingabire \u00bb na \u00ab Pour sa liberation \u00bb hanariho n\u2019ifoto ya Ingabire Victoire atarafungwa n\u2019indi foto imugaragaza yaramaze gufungwa, ibi ngo ni ibimenyetso simusiga bibahamya biriya byaha bashinjwa. Kuba kandi ngo Sylvain Sibomana, umunyamabanga mukuru wa FDU-Inkingi yaratinyutse akabaza abapolisi impamvu babuza abantu kuza kumva urubanza kubera gusa ko ari abayoboke ba FDU-Inkingi akanabibutsa ko bo bahagarariye inyungu z\u2019abanyarwanda bose nta vangura iryo ariryo ryose aho kumva ko bashinzwe gusa kurengera inyungu za FPR ibi ngo nibyo cyane cyane ubushinjacyaha bushingiraho bushinja Sylvain icyaha cyo gukoza isoni abashinzwe umurimo rusange w\u2019igihugu.
\nBwana Sibomana Sylvain yabwiye umucamaza ko ibyaha ashinjwa atabyemera kandi ko ari ibihimbano, anagaragariza umucamanza ko ahubwo bigaragara ko umugambi wo kumufata wari waracuzwe mbere. Yasobanuye ko \u2018badge\u2019 ubushinjacyaha buvuga yaje koko ku rukiko ayambaye, amagambo yanditseho akaba agaragaza ko nubwo Ingabire ari mu rubanza abamukunda bamwifuriza ko yagirwa umwere n\u2019urukiko nyuma yo gusuzuma no kumva inyiregurire ye. Sylvain yakomeje avuga ko atumva ko kuba umuntu yakwifuriza mugenzi we ikiza byahindurwamo icyaha.<\/p>\n
Kubirebana n\u2019amagambo ndetse n\u2019ifoto ya Ingabire Sylvain yabwiye umucamanza ko amagambo, yaba ayanditse ku mupira yaba n\u2019ayanditse kuri \u2018badge\u2019 nta narimwe riteye ikibazo, nta na rimwe rifite ibisobanuro byakwitwa icyaha. Yanabwiye urukiko ko imyigaragambyo ivugwa n\u2019ubushinjacyaha nta yigeze ibaho kandi nta n\u2019ibimenyetso bigaragaza icyo cyaha.<\/p>\n
Bwana Shyirambere Dominique we yabwiye urukiko ko yafashwe na polisi ubwo yari asohotse mu mbago z\u2019urukiko agiye kwitaba umurwanashyaka wari umubajije aho icyumba cy\u2019iburanisha giherereye hanyuma yasohoka agahita afatwa na polisi ikamwambika amapingu agahita ajyanwa mu modoka ya polisi yari hafi aho. Yasobanuriye urukiko ko we yafashwe mbere ya Sylvain ko ibyo ubushinjacyaha bumushinja buvuga ko yafatanyije na Sylvain ko atazi igihe byabereye haba izo mvururu, cyangwa imyigaragambyo ivugwa n\u2019ubushinjacyaha, gusa avuga ko amaze gufatwa no gushyirwa mu modoka ya polisi yambuwe ikote n\u2019ishati yari yambaye agasigarana agapira k\u2019imbere kari kanditseho \u00ab demokarasi \u00bb hanyuma polisi ikamufata amafoto.<\/p>\n
Umunyamategeko Munezero Claude ubunganira yifashishije ingingo ya 59 n\u2019iya 45 za \u2018Code de Proc\u00e9dure P\u00e9nale\u2019 yabwiye urukiko ko abo yunganira bigaragara ko nta bimenyenyetso bifatika ubushinjacyaha bufite cyane ko bwifashisha icyo bwita abatangabuhamya b\u2019abapolisi nabo bashinjwa n\u2019uregwa kuba baramuhohoteye ibi bikaba bitemewe ko bahindukira bakaba abatangabuhamya, ikindi yababwiye ni uko urukiko rutashingira ku buhamya bw\u2019aba bapolisi ngo bwifashishwe nk\u2019ubugomba gutuma abo yunganira bafungwa by\u2019agateganyo kandi hatarigeze hakorwa ivuguruzanya makuru mu gihe cy\u2019ibazwa, yasabye umucamanza ko yakurikiza ibyo ziriya ngingo zivuga ndetse n\u2019ibivugwa n\u2019ingingo ya 94 maze agategeka ko abo yunganira bafungurwa bagakurikiranwa bari hanze nkuko iyi ngingo imaze kuvugwa ibifata nk\u2019ihame ryo kuburana uri hanze nk\u2019inshingano cyane cyane ko nta mpamvu zikomeye zihari zatuma bakurikiranwa bafunze.
\nUyu munyamategeko kandi yunze mury\u2019uwo yunganira asaba ko mu mpamvu zanatuma uwo yunganira yarekurwa akaburana ari hanze harimo n\u2019ijyanye no kubungabunga ubuzima bwe, kuko usibye kuba yarahohotewe kugeza akuwe iryinyo hakenewe no kwivuza byihariye kuko n\u2019amenyo yitwa ko yasigayemo ajegera akaba akeneye kwivuza bihagije.<\/p>\n
Muri uru rubanza Bwana Sibomana Sylvain na SHYIRAMBERE Dominique basabye umucamanza kubafasha gukemura ikibazo gikomeye bafite aho bafungiye ku biro bya polisi ya Kabuga kuko ubuyobozi bwaho butabemerera gutunga icyaricyo cyose cyabafasha kwiregura kuko batemerewe kugira ikaramu, urupapuro cyangwa ikayi yo guteguriramo urubanza ndetse ko n\u2019impapuro (documents) ziriho amategeko atandukanye batemerwe kuzitunga, ibyo babishingira ko ku itariki 7 Mata 2013 abapolisi babambuye ibyo bari bateguriyeho urubanza ndetse na documents z\u2019amategeko zose bari bafite zo kwifashisha. Ibi bikaba bikorwa mu rwego rwo kubangamira imyiregurire yabo.<\/p>\n
Ishyaka FDU-Inkingi kandi riramagana ibikorwa nkibi bigayitse byo kwibasira izi mpirimbanyi za demokarasi kuko uyu munsi ubwo izi nzirakarengane zari zivuye mu rubanza zigejejwe aho zifungiye i Kabuga zabujijwe uburenganzira bwazo bwo guhabwa ifunguro mu gihe nyamara ukuriye iyi sitasiyo ya polisi yari yemeye ko bagemurirwa kubera ko yari yeretswe impapuro zo kwa muganga zitanga amabwiriza ajyanye no gufata ifunguro ryihariye kubera impamvu z\u2019uburwayi.<\/p>\n
Iri hohoterwa ry\u2019abarwanashyaka bazira ko bitabiriye urubanza nta gushidikanya ko ari ikimenyetso cy\u2019imigendekere mibi y\u2019urubanza rwa Mme Victoire Ingabire umuhoza nawe ukunze kwibasirwa kuko umwaka ushize ubwo yaburaniraga mu rukiko rukuru nabwo ibimenyetso nkibi bigaragaza kubogama kw\u2019inzego byatumye atakariza ikizere urukiko rukuru ava mu rubanza rutarangiye kubera guterwa ubwoba k\u2019umutangabuhamya we. Ibi ni ibimenyetso bigaragaza ko gutegereza ubutabera butabogamye bikigoye cyane cyane ku banyapolitiki batavugarumwe na Leta ya Kigali.<\/p>\n
Nyuma yo kumva impande zombi umucamanza wari uyoboye iburanisha yavuze ko isomwa ry\u2019urubanza ku ifungwa n\u2019ifungurwa ry\u2019agateganyo rizaba ku munsi wejo tariki ya 10 Mata 2013<\/p>\n
FDU-Inkingi
\nBoniface Twagirimana
\nUmuyobozi wungirije w\u2019agateganyo.<\/p>\n","protected":false},"excerpt":{"rendered":"
Kigali kuwa 09 Mata 2013 Uyu munsi tariki ya 09 Mata 2013 ahagana mu ma saa yine z\u2019amanywa ku cyicaro cy\u2019urukiko rwisumbuye rwa Gasabo mu mugi wa Kigali nibwo urukiko rwumvise ikirego cy\u2019ubushinjacyaha ku irekurwa n\u2019ifungwa ry\u2019agateganyo ry\u2019abanyapolitiki batavugarumwe na Leta ya Kigali aribo Sibomana Sylvain umunyamabanga mukuru w\u2019ishyaka FDU-Inkingi ndetse na Shyirambere Dominique . […]<\/p>\n","protected":false},"author":3,"featured_media":1121,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-3427","post","type-post","status-publish","format-standard","has-post-thumbnail","hentry","category-amakuru"],"yoast_head":"\n