PARTI RWANDAIS DES MODERES\/MODERATE RWANDA PARTY,
\nPRM\/M R P – ABASANGIZI
\nITANGAZO RIJYANYE N\u2019IBIHE BY\u2019ICYUNAMO
\n[Igice cya Gatatu, ari nacyo gisoza itangazo]<\/p>\n
Banyarwanda banyarwandakazi,
\nMubihe nk\u2019ibi by\u2019akababaro ko kwibuka abacu bazize akarengane, twasanze ntako bisa gusubiza amaso inyuma kugirango turebe ikiri imbere y\u2019uruhu rw\u2019intama rutwikiriye FPR Inkotanyi muri iki gihe cyose imaze yarigaruriye ubutegetse bukomoka kumivu y\u2019amaraso y\u2019abana b\u2019u Rwanda.<\/p>\n
Twarasuzumye dusanga muri iyi myaka 19 turirira abacu FPR Inkotanyi yararanzwe n\u2019Ingengabitekerezo ishingiye ku ivangura ry\u2019ingeri zose, kwica no gufunga inzirakarengane igitugu, ubujura n\u2019indi myifatire y\u2019urukozasoni.<\/p>\n
Ibi tugiye kuvuga ni bike cyane ugereranije n\u2019ibindi bibi byinshi bikorwa na FPR-Inkotanyi.<\/p>\n
Muri iyi myaka 19 FPR-Inkotanyi imaze kungoma yaranzwe no gucunaguza abacitse kw’icumu rya g\u00e9nocide y’abatutsi, yivuga ibigwi by\u2019ibinyoma ko kubaho ariyo babikesha ko ndetse iramutse ivuyeho bashirira ku icumu;<\/p>\n
FPR yaranzwe no kudaha agaciro gakwiriye imiryango y\u2019intwari zarurwaniriye zimwe zikagwa ku rugamba rw\u2019amasasu cyangwa se urwa demokarasi
\nIngero:
\n\u2022 Abana ba Mme Uwiringiyimana Agata ntawe uzi iyo baba,
\n\u2022 Umuryango wa Fred Gisa Rwigyema ugaraguzwa agati,
\n\u2022 Umuryango wa Kayitare intare batinya
\n\u2022 Umuryango wa Lt-Col Kareba Alfred (wahoze ari C.O.- 9th)
\n\u2022 Umuryango wa Criss Bunyenyezi,
\n\u2022 Umuryango wa Peter Bayingana,
\n\u2022 Umuryango wa Ngumbayingwe
\n\u2022 Umuryango wa Adam Waswa,
\n\u2022 Umuryango wa Edison Mico;
\n\u2022 Umuryango wa Hassani Mwungeri
\n\u2022 Umuryango wa Rambo (yaguye Butaro)
\n\u2022 Umuryango wa Nshoza (yaguye Ruhengeri)
\n\u2022 Umuryango wa Gaga (yaguye Kaborogota)
\n\u2022 Umuryango wa Karangwa Kadogo
\n\u2022 Umuryango wa Dona (yaguye Ruhengeri)
\n\u2022 Umuryango wa Twaha (yaguye Ruhengeri)
\n\u2022 n\u2019abandi tutarondoye<\/p>\n
FPR ikomeje kugirira agasuzuguro gakabije abas demob (abavuye ku rugerero)
\nBirabajeje kubona umuntu warwaniriye igihugu ahagaze ku muhanda asabiriza, naho abandi baririmba intsinzi n\u2019iterambere.<\/p>\n
Ingero nkeya cyane:
\n– Cpl Rukara warashishagaga 12mm agacikira ukuguru kurugamba. Aho tumuherukira yasabirizaga ku muhanda ujya kuri Gare ya Remera;
\n– Pte Roger wahoze muri artillery 21st ya Col Musitu. Arasabiriza mu mugi wa Kigali;
\n– Rwanziza, wabaye umusirikari w\u2019Inkotanyi ndetse akaza kuba Umuyobozi muli komini imwe yo muli Kibungo, ubu abayeho nabi cyane mu Rwanda atagira n\u2019inkweto zo kwambara, kandi yaciriweho iteka ryo kutabona akazi mu gihugu n\u2019ubwo yize amashuri ahanitse (n\u2019uwihaye kumufasha amuha akenda kuko babanye akabizira);
\n– Lt-Col BAHENDA Salton, wagaragujwe agati bikomeye kandi yarakoze imirimo ikomeye mu gihugu nawe ubuzima abyeho buteye agahinda;
\n– Lt-Col Kazintwari Kaddafi utarigeze ahabwa icyubahiro na kimwe kuva asezerewe mu ngabo kandi yarazibereye umuyobozi ukomeye;
\n– Cpt Kimenyi, wabaye umusirikari kuva muri Uganda. Yabaye n\u2019umuyobozi muri jandarumori y\u2019igihugu nyuma y\u2019intambara, ubu akaba arira ayo kwarika muri Kigari aho agiye kwicirwa n\u2019inzara nk\u2019intamenyekana;
\n– Pte Asuman wahoze muri artillery ya 101 kubera kubaho nabi, ubu ahoma amapine y\u2019amapikipiki i Bujumbura mu Burundi, kuko igihugu cye kiyobowe na FPR-Inkotanyi cyamukamuye nk\u2019igisheke banyunyuzamo umutobe ibisigaye bagacira;
\n– Pte Olivier yabaga muri 9-9 ya Rutikanga yacitse akaboko k\u2019ibumoso ubu arasabiriza i Bujumbura mu Burundi;
\n– Cesar na Richard bacikiye amaguru ku rugamba ariko ikibabaje ni uko insimburangingo bagenderaho baziguriwe n\u2019imiryango yabo RDF yigaramiye, naho abayobozi bayo bayongobeza amafaranga y\u2019igihugu n\u2019umutungo wa rubanda mu nda zabo zidahaga;
\n– Higiro wo muri 21st wamugaye akaboko nawe abayeho nabi icyama kigaramiye n\u2019abandi benshi cyane tutarondora ngo turangize bababariye mu gihugu;<\/p>\n
Birababaje kuba umuntu avuga ko ari umudemob (uwavuye ku rugerero), abo bafatanije urugamba n\u2019abo yarwaniriye bakagira iseseme kandi ibyo bagezeho ariwe babikesha kuko yababereye ikiraro;
\nTITO RUTAREMARA umucurabwenge wa FPR-Inkotanyi yaravuze ati:\u201dabasirikari ni urwego umuntu yuririraho kugirango agere kubutegetsi,amaze kubugeraho ashatse yabavanaho\u201d
\nNamwe ni musesengure iyo mvugo maze murebe ibikorwa FPR-Inkotanyi ikorera abahoze ari abarwanyi bayo ririmo ubugome bwinshi,kuba indashima nta n\u2019ubupfura burimo.<\/p>\n
Birababaje Kubona abazamurwa mu ntera mu buriganya bakanagenerwa imishahara y\u2019ikirenga atari abarwaniriye igihugu naho abakimeneye amaraso banamye ku gasozi batagira aho bikinga, naho ibisambo byubaka imitamenwa hirya no hino ku isi.<\/p>\n
FPR yaranzwe n\u2019ivangurakarere rikabije mu gutanga imyanya no kuzamurwa mu ntera haba mu gisirikare, mu gipolisi no mu nzego z\u2019iperereza muri rusange, aho abavuye Uganda bihariye imyanya ikomeye yose, kandi muri bo ushatse kugaragaza inyungu za benshi akabizira agashyirwa mugatebo kamwe n’aba francophone;
\nUrugero:
\nCpl Ndayisabye Jean Marie(umututsi wavuye TZ) ubu ari mubutumwa muri Soudan y\u2019amajyepfo.
\nNi umwarimu wa gisirikari ntangarugero (Instructor) uyu murimo awumazeho imyaka irenga 15 mbere y\u2019uko ajya muri Soudan yari arangije ikiciro cyambere cya kaminuza.
\nAbasirikari benshi yigishije ubu ni ba officiers, naho we wagirango kuba Caporal ni umurage Gakondo.<\/p>\n
Umuryango BENISHYAKA uribwa n\u2019imiryango y\u2019abajenerali bariho kandi bafite n\u2019ubushobozi ndengakamere naho imfubyi n\u2019abapfakazi b\u2019intwari zatabarutse ku rugamba rw\u2019Inkotanyi baririra mu myotsi kubera kutitabwaho, nyamara uwo muryango babeshywa ko aribo washyiriweho,<\/p>\n
FPR yimye agaciro ku buryo bugayitse ababyeyi batanze abana babo ngo batabare, bakongeraho n\u2019amashyo y\u2019inka atagira ingano, nyuma urubyaro rwabo rukagwa ku rugamba, bagasigarana abuzukuru batagira kivurira none ubu bakaba barabuze gihoza kubera gutereranwa bazira ko abana babo batagize amahirwe yo kurokoka urugamba Ibi bikaba bituma benshi bahitamo gusubira ishyanga bakajya kuba impunzi kandi baracyuye FPR baziko ubuhunzi babukize.<\/p>\n
Muri iyi myaka 19 FPR-Inkotanyi imaze kungoma yaranzwe no Kubuza abanyarwanda bo mu bwoko bw\u2019abahutu gushyingura ababo bazize amaherere, ni ukuvuga abahutu bishwe n’ingabo za APR n’iza leta y’u Rwanda,ubwo burenganzira kandi bwimwe n’abatutsi biganjemo abagogwe bishwe n’izo ingabo mugihe zamaraniraga gufata ubutegetsi;<\/p>\n
Muri iyi myaka 19 FPR-Inkotanyi imaze kungoma yaranzwe no gushinja ibinyoma abanyarwanda bo mu bwoko bw\u2019abahutu kugirango ibone uko ibacira mumagereza itaretse no kubangamira ubwisanzure bw’UBUCAMANZA mu gihugu;<\/p>\n
Muri iyi myaka 19 FPR-Inkotanyi imaze kungoma yaranzwe no gufataho IBUKA ingwate iyigira igikoresho cya propagande yayo bituma yirengagiza inyungu z’abacitse ku icumu yitwa ko ihagarariye;<\/p>\n
FPR yashyizeho ikigega cya FARGE kivangura imfubyi z\u2019abana b\u2019u Rwanda n\u2019abo kitwa ko gifasha kikabaha intica ntikize nayo ivuye mukimenyane gikabije,<\/p>\n
Imiryango y’abacitse ku icumu rya g\u00e9nocide yagizwe iy\u2019abatutsi gusa kandi n’abahutu baracitse ku icumu ryaba iry\u2019abahezanguni b\u2019abahutu (extremistes hutu) muli jnoside y\u2019abatutsi ya 1994 ndetse bagacika no ku icumu rya jenoside yindi FPR yakoreye abahutu mu Rwanda no muri Za\u00efre (ubu isigaye yitwa Repubulika iharanira Demukarasi ya Congo);<\/p>\n
Itegeko ryo kurwanya ingengabitekerezo ya genocide ryashyiriweho gukandamiza abahutu gusa kandi byaragaragaye ko no mu batutsi nabo harimo abifuza ko abahutu bakwiye kurimbuka kandi bakanabivugira kumugaragaro ntihagire ukurikiranwa.<\/p>\n
urugero:
\nIbikorwa by\u2019Itotezabwoko bw\u2019abahutu bya Bwana Rutabayiru wahoze yungirije Theoneste Mutsindashyaka mu buyobozi bw\u2019Umujyi wa Kigali wakuyemo umwana we w\u2019umukobwa inda ngo kuko yari yayitewe n\u2019umusore w\u2019umuhutu nawe watotejwe cyane kugeza ubwo ahunga igihugu cye;<\/p>\n
FPR yaranzwe kandi n\u2019ubujura bukabije butakigirwa n’ibanga bukorwa n’abayobozi bakuru (Indege za perezida zigura akayabo k\u2019amafaranga y\u2019igihugu, agaciro fund katagira itegeko rigashyiraho cyangwa se rikagenga);<\/p>\n
FPR yaranzwe no kuniga ubwisanzure bw\u2019itangazamakuru mu gihugu no kubangamira, gufunga no guhotora abatangazamakuru bigenga n’abaharanira uburenganzira bw’ikiremwamuntu;
\ningero:Saidati MUKAKIBIBI n\u2019 Agn\u00e8s UWIMANA baheze mumunyururu bazira gutunganya neza umwuga wabo.<\/p>\n
Leta ya FPR ikomeje kunangira yanga kwandika amashyaka atavuga rumwe nayo iyasaba kubanza kwemera kuba ibikoresho byayo, ayanze agacibwa mu gihugu burundu;<\/p>\n
FPR-Inkotanyi yaranzwe no gutinya ipiganwa mumatora y\u2019umukuru w\u2019igihugu aho ibara ry\u2019ikijuju ryakoreshwaga mumatora y\u2019umukandida umwe rukumbi wa MRND ryasimbuwe n\u2019abakandida ba ndiyo bwana bavuga ko babona ntawundi ufite ubushobozi bwo kuyobora igihugu uretse Kagame.<\/p>\n
FPR- Inkotanyi ikomeje gucira mumagereza abanyapolitiki batavuga rumwe nayo kubera gutinya guhangana mumatora bitewe n\u2019uko izi neza ko abaturage nta kizere bakiyifitiye.
\nIngero:
\nBernard NTAGANDA, Perezida w\u2019ishyaka PS-Imberakuri,, D\u00e9o MUSHAYIDI, Perezida wa PDP-Imanzi, Victoire INGABIRE , Perezidante wa FDU-Inkingi, Dr Th\u00e9oneste NIYITEGEKA, wari umukandida mumatora ya perezida yo muri 2003,<\/p>\n
Kugeza ubu leta ya FPR yitwaza Ingufu za gisilikare igatera ubwoba abaturage ibakangisha ko FPR yafashe igihugu ku ngufu nta wayitinyuka. Ibi perezida Kagame arabyigamba n\u2019abandi bafatanyije kuyogoza igihugu bemeza ko ngo bazasubira mu ndaki;<\/p>\n
Kugeza magingo aya Ingabo, Polisi, Iperereza ryose by’igihugu bikorera umuntu umwe gusa Perezida Kagame n’ishyaka rimwe gusa FPR-Inkotanyi;<\/p>\n
Buri munyarwanda wese ategekwa gutanga umusanzu muri FPR kugira ngo agire amahoro mu mirimo ye cyangwa mu bucuruzi bwe, kabone n’iyo yaba abarizwa mu rindi shyaka;<\/p>\n
FPR ikomeje kwiharira monopole mu bucuruzi hafi ya bwose bukorerwa mugihugu aribyo bituma yiharira amasoko no guhatira abikorera kugiti cyabo kuyigurisha imigabane kungufu uwanze agahimbirwa ibyaha akajugunywa muri gereza.<\/p>\n
FPR yaranzwe no kwimika urwango rukabije n\u2019inzika ku bantu bakomoka mu miryango y\u2019abahoze bayobora u Rwanda b\u2019ingeri zose bagatwererwa icyaha cy\u2019inkomoko kubera gukeka uruhare ababyeyi babo baba baragize mu mahano yabaye mu gihugu cyacu bikabaviramo guhera i mahanga bityo imitungo yayo ikigarurirwa n\u2019abandi batabifitiye uburenganzira.<\/p>\n
Urugero:
\nAbana ba Juvenal Habyarimana wahoze ari umukuru w\u2019igihugu, abana b\u2019abahoze ari aba Minisitiri n\u2019abasirikari bakuru; tutibagiwe n\u2019abana ba rubanda rugufi biciwe cyagwa se bagacirwa mu mashyamba ya Congo bazira ibyaha byakozwe ari imicuko cyangwa bataranabaho.<\/p>\n
FPR ikomeje kugoreka no gusibanganya amateka kugeza ubwo n\u2019abari abayobozi bashyinguwe mu cyubahiro batabururwa (Urugero: Perezida Mbonyumutwa Dominiko)<\/p>\n
FPR-Inkotanyi yaranzwe no kwicira abntu kurwara nk\u2019inda
\nHari abantu batabarika bicishijwe agasuzuguro n’agashinyaguro no kuzengerezwa bazira inkomoko yabo.<\/p>\n
Bwana Rukeba Fra\u00e7ois umucuruzi w\u2019umucikacumu ukomoka mu Bisesero ku Kibuye iborera mu ibohero aho amazemo imyaka irenga icumi nta cyaha kigaragazwa yakoze, nyuma y’aho arokokeye jenoside yarimbaguye umuryango we wose uko niko guhozwa amarira FPR yamugeneye.
\nIkimuhejeje muburoko ni uko perezida Paul Kagame ariwe ubwe ufite imfunguzo z\u2019aho afungiye kandi akaba ntawatinyuka kuzimusaba cyangwa ngo amubaze ibye.<\/p>\n
Ben Rutabana wahoze ari Sous-liyetona uzwi cyane mu buhanzi, nawe wo mu Bisesero ku Kibuye, ibyo yakorewe na FPR Inkotanyi ni agahomamunwa, gusa umuntu ntiyabura gushima Cpt Bertin Murera ubutwari n’urukundo yagaragaje yanga kumvira amabwiriza y’ubuhotozi agakiza mugenzi we Rutabana bakarinda aho bashimutwa n\u2019inzego z\u2019ubutasi bwa external S.O. mugihugu cya Tanzaniya.
\nNyuma MURERA Bertin na Ben Rutabana bajyanywe gufungirwa ku Murindi n’i Kibungo aho bakorewe ibikorwa by\u2019iyica rubozo (tortures). Gahunda yari iyo kubica Iyo amahanga ndetse n\u2019umuryango wa Croix Rouge badahaguruka ngo basakuze.
\nByabagamba Fran\u00e7ois wahoze akora muli External Security Office(iperereza ryo hanze) yayoborwaga na Col Patrick Karegeya mbere y\u2019uko FPR-Inkotanyi imwitura kumwita ikigarasha.
\nByabagambaInnocent na Rukeba Fra\u00e7ois mbere babanje kubashiririza kumashanyarazi mbere yo kubafungira ahantu hatari prison muri External Security Service ya Col Karegeya mbere y\u2019uko buri wese akanirwa urwa Pilato.
\nByabagamba Innocent akomoka i Kigali, yashimuswe mu gihugu cy\u2019 Ububirigi aho yari yahungiye amatiku n\u2019imitego yatezwe na DMI,
\nIgihe cyo kumwica kigeze abari bashinzwe uwo mugambi aribo Col Dan Munyuza, Lt-Col Karangwa John na Col Gatete mubyara wa Kagame bananirwa kuwushyira mu bikorwa kubera impamvu zitavuzwe muri iri tangazo.
\nYakorewe tortures zirimo gushiririzwa ku mashanyarazi no guhondagurwa mu mutwe ku buryo ubu asigaye ahorana amajwi amuduhira mu matwi. Ntashobora kujya mu modoka bityo ahora agendagenda u Rwanda rwose n\u2019amaguru nk’uri ku gihano cy’Imana.
\nJanvier Rugema yashimutiwe, I Burundi mu ntangiriro za Gashyantare 2000 akaba yarashimuswe na special Brigade yakorewe iyicwa rubozo mbere y\u2019uko afungirwa mu irimwe mumagereza ya gisirikari.
\nBirababaje kubona FPR igenda iririmba mu Rwanda no mu mahanga ibyo kwihesha agaciro kandi ibyo ikora buri munsi ari ukugatesha abandi banyarwanda. Ese wakwihesha agaciro ute cyangwa se wahesha agaciro ute abatutsi nk\u2019uko FPR ibyigamba urimo ugatesha abandi benegihugu aribo abahutu n\u2019abatwa, ndetse n\u2019abatutsi bamwe utaboroheye!<\/p>\n
Nk\u2019uko byakomojweho mugice cya kabiri cy\u2019iri tangazo,Ishyaka PRM\/MRP-ABASANGIZI rirashishikariza abahutu bose babuze ababo mu bwicanyi bwakozwe n\u2019Inkotanyi (haba i Byumba, i Kibeho, mu Ruhengeri na Gisenyi, i Gitarama, i Kibungo na Bugesera, i Mugunga muli Zayire, i Tingitingi muli Zayire, n\u2019ahandi henshi, haba mu Rwanda cyangwa se muli Zayire), ko batinyuka bagahaguruka bakabaza iby\u2019aya mahano ku mugaragaro batajenjetse, bagasaba ko habaho Ukwemerwa k\u2019ubu bwicanyi na jenoside y\u2019abahutu yakozwe n\u2019ingabo za FPR muri Congo.
\nIbi kandi birasabwa abatutsi bose babuze ababo ku bw\u2019ubugome no gukunda gukaraba inkaba byaranze FPR-Inkotanyi kugeza ubu, baba abahoze mu buhungiro mu mahanga, baba abatutsi b\u2019abacikacumu rya jenocide, baba abanyamulenge n\u2019abagogwe bamariwe ku icumu igihe kirekire na leta ya FPR, ndetse baba n\u2019abatutsi bavuye I Bugande bagerageje kwerekana ibibi bya FPR-Inkotanyi maze bakiturwa guhotorwa.
\nTwibutse ko mu minsi ishize mu itangizwa no mu gihe ry\u2019urugamba rushya muri Congo rwitiriwe M23, RDF yorohereje insoresore zitandukanye zikaba arizo zafashe ku ngufu abakobwa n\u2019abagore b\u2019abagogwe i Masisi zitaretse no kubica no kubashimutira amatungo n\u2019indi mitungo yabo, mu gihe ingabo bohererejwe rimwe zayogozaga ibintu zitwikiriye izina rya M23, zikaba zarakoresheje udutsiko tw\u2019abagogwe bacye zarangiza zikabacamo ibice bakamarana FPR yigaramiye mu kanama gashinzwe Umutekano muli LONI.
\nIbi abatutsi b\u2019abagogwe barabizi neza, abahamya babyiboneye n\u2019amaso barahari. Turabasaba guhagurukana ingonga bakabishinja FPR Inkotanyi ibabeshya ngo nibo irwanirira kandi ihora ibamarira kw\u2019icumu.
\nIshyaka PRM\/MRP-ABASANGIZI rirahamagarira Abanyarwanda bose, abahutu, abatutsi, abatwa, imvange ndetse n\u2019abahawe ubwenegihugu batavutse ari abanyarwanda, kwandika ibyo bazi babonye cyangwa se bafitiye gihamya ku bwicanyi bwa FPR Inkotanyi mu Rwanda no muri Repubulika Iharanira Demokarasi ya Congo kugirango bizafashe abakoze ayo mahano kujyanwa mu rukiko mpuzamahanga mpana byaha byibasira inyoko-muntu (International Criminal Court). Singombwa ko mwandika mu ndimi z\u2019amahanga, icyongereza n\u2019igifaransa, nimubyandike mu kinyarwnda ababihindura muri izo ndimi z\u2019amahanga muri urwo rukiko n\u2019ahandi barahari.
\nIbikubiye muri iyi nyandiko biragaragariza buri wese ko, n\u2019ubwo ingengabitekerezo y\u2019ivangura n\u2019ubwicanyi bwa FPR-Inkotanyi byibasiye abahutu by\u2019umwihariko, n\u2019abatutsi ntibyabaretse. Bityo rero abahutu bacitse ku\u2019icumu rya FPR Inkotanyi n\u2019iry\u2019abahutu b\u2019abahezanguni, n\u2019abatutsi bacitse ku\u2019icumu ry\u2019abahutu b\u2019abahezanguni n\u2019iry\u2019Inkotanyi dukwiye kwibaza tukisubiza, tugashyira mu gaciro, tugashyira hasi iby\u2019ubuhutu n\u2019ubututsi FPR yitwaza ngo idutanye ubuziraherezo, tugashyira hamwe tukayirwanya kubera amabi twese yadukoreye kandi n\u2019ubu ikidukorera.
\nIshyaka PRM\/MRP-ABASANGIZI rikaba rishoje rihamagarira abanyarwanda bose guha agaciro ibi bihe byo kwibuka abana b\u2019u Rwanda bazize ingengabitekerezo y\u2019ivangura moko, ariko rikabahamagarira kurenga gahunda za FPR-Inkotanyi bakibuka abapfuye bo mu moko yose bataretse inzirakarengane zigwiriye mumagereza azwi n\u2019atazwi hirya no hino mugihugu.
\nImana nikomeze ishyire ikigaza cyayo kubavandimwe bacu bari mukaga no mu mabohero hirya no hino mugihugu, nikomeze imitima y\u2019imfubyi n\u2019abapfakazi aho bari hose haba mugihugu imbere ,mumashyamba cyangwa mumahanga,nikomeze ababyeyi babunza udutaro bashakira amaramuko abana babo maze amahaho yabo agataha mumiryango ya ba Local Def\u00e9nce kungurane y\u2019inkoni n\u2019imigeri,
\nImana niyakire abanyarwanda bose batuvuyemo ku bw\u2019ubutegetsi bubi bwabayeho mu Rwanda kuva rwabaho kugeza none, ibahe iruhuko ridashira mu bwami bwayo, kandi imenye u Rwanda n\u2019abanyarwanda twese mu bihe bikomeye turimo, idufashe twese kumenya URUKUNDO rwayo no kurukwiza hose kandi muri bose.
\nTurangije dukomeza kandi twihanganisha Umuryango Nyarwanda wose kandi tuwifuriza gutsinda akababaro kugirango tuzabashe kubaka UBUMWE Nyabwo no gusangira twese ibyiza by\u2019igihugu cyacu ntawe usigaye inyuma y\u2019urugi.
\nBikorewe, Savannah, Georgia muri Leta Zunze Ubumwe z\u2019Amerika taliki ya 13\/04\/2013<\/p>\n
Ubuyobozi bw\u2019Ishyaka PRM\/MRP-ABASANGIZI:
\n1. Dr Gasana Anastase, Perezida w\u2019ishyaka;
\n2. Mukeshimana Isaac, Visi Pereziba ushinzwe Politiki
\n3. Batungwanayo Janvier, Visi Perezida ushinzwe Amajyambere y\u2019 Icyaro;
\n4. Bamara Prosper, Visi-Perezida ushinzwe umutekano
\n5. Akishuli Abdallah, Visi Perezida ushinzwe ihuzabikorwa.<\/p>\n","protected":false},"excerpt":{"rendered":"
PARTI RWANDAIS DES MODERES\/MODERATE RWANDA PARTY, PRM\/M R P – ABASANGIZI ITANGAZO RIJYANYE N\u2019IBIHE BY\u2019ICYUNAMO [Igice cya Gatatu, ari nacyo gisoza itangazo]<\/p>\n","protected":false},"author":3,"featured_media":3305,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-3436","post","type-post","status-publish","format-standard","has-post-thumbnail","hentry","category-politiki"],"yoast_head":"\n