Kuri brigade ya Remera hafungiwe abantu 8 bakurikiranyweho kwiba impano (cadeau) y\u2019umukazana wa perezida Sasou Nguesso wa Kongo Brazaville ubwo yari mu bukwe bwari bwabereye muri Gasabo ahitwa Kagugu.<\/p>\n
Nk\u2019uko amakuru agera k\u2019Umuryango abivuga, umuhungu wa Perezida Sassou Ngueso uzwi ku izina rya Bongho Nouarra Christ akaba yaraje mu Rwanda ari kumwe na mama we atashye ubukwe bw\u2019umuhungu we wari uje kurongira umukobwa w\u2019umunyarwandakazi.<\/p>\n
Uyu muhungu wa Perezida hamwe na nyina umubyara bakaba baracumbitse muri Serena Hotel, aho baje gusohoka berekeje Kagugu muri Narcisse Resident Hotel mu muhango wo gukwa no gusaba umukobwa witwa Emmanuela Thys ufite inkomoko yo muri Gasabo ari naho nyina umubyara witwa Bisimwa Charlotte aba.<\/p>\n
Umuhango w\u2019ubwo bukwe ukaba warabaye ku itariki ya 23 Werurwe 2013 aho yaba uyu muhungu wa Perezida ndetse n\u2019umufasha we bari barinzwe bikomeye n\u2019abasanzwe bashinzwe kurinda perezida bazwi ku izina ry\u2019aba GP.<\/p>\n
N\u2019ubwo ariko uyu muhango wabereye aha I Kagugu, abakoze muri servise bose bakaba bari baturutse muri Serena Hotel.<\/p>\n
Umuhango urangiye, ubwo habagaho kwanura impano zatanzwe, habayeho kwibagirwa impano Perezida Nguesso yari yoherereje umukazana we, maze ubwo umwe mu bakobwa bari bagaragiye umugeni (fille d\u2019honneur) yari amaze kubibona arabivuga.<\/p>\n
Ubwo basubiraga gushaka iyi mpano bakaba barasanze ibyari biyipfunyitse byaciwe, ari nabwo basangaga bimwe mu byari biyirimo munsi y\u2019ameza yari yicaweho n\u2019abageni aribyo bigizwe n\u2019igitenge, n\u2019udukarito twarimo amaherena n\u2019imikufi bikoze muri Diamand byose byoherejwe na Perezida Nguesso.<\/p>\n
Amakuru agera k\u2019umuryango.com, akaba avuga ko ku ikubitiro habanje gufatwa abantu 7 bakurikiranyweho kwiba iyo mikufi ndetse n\u2019amaherena kimwe n\u2019ibindi byose byaba byari bigize iyo Mpano, undi umwe nawe akaba yaratawe muri yombi ejo kuwa Kane, bose bakaba ari abakozi ba Serena Hotel. Kugeza ubu aba bakozi bakurikiranyweho kwiba impano ya Nguesso bakab ari 8, abakobwa 5 n\u2019abahungu3.<\/p>\n
Ubusanzwe uyu mukazana wa Perezida Ngueso akaba aba mu Gihugu cy\u2019Ububiligi kimwe n\u2019uyu muhungu we ari naho bamenyaniye.<\/p>\n
Turacyagerageza kubakurikiranira icyo inzego zishinzwe umutekano zibivugaho<\/p>\n
Ernest NDAYISABA<\/strong><\/p>\n Umuryango.com<\/strong><\/p>\n","protected":false},"excerpt":{"rendered":" Kuri brigade ya Remera hafungiwe abantu 8 bakurikiranyweho kwiba impano (cadeau) y\u2019umukazana wa perezida Sasou Nguesso wa Kongo Brazaville ubwo yari mu bukwe bwari bwabereye muri Gasabo ahitwa Kagugu.<\/p>\n","protected":false},"author":3,"featured_media":3443,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-3442","post","type-post","status-publish","format-standard","has-post-thumbnail","hentry","category-amakuru"],"yoast_head":"\n