Umuryango wita ku burenganzira bwa muntu, Human Rights Watch, ufite icyicaro muri Amerika, usaba Leta y\u2019u Rwanda gufunga ikigo cy\u2019inzererezi kizwi nko “Kwa Kabuga\u201d kiri I Gikondo mu mujyi wa Kigali. Uyu muryango uvuga ko muri icyo kigo habera ibikorwa bihonyora uburenganzira bw’abana.<\/p>\n\n\n\n
HRW yahaye icyo cyegeranyo umutwe ugira uti \u201cRwanda: Ifungwa ry\u2019abana ritubahirije amategeko.\u201d Ni icyegeranyo kigiye ahabona muri uku kwezi kwa 1\/ 2020 kinenga bikomeye imibereho y\u2019abana b\u2019inzererezi bafatwa bakajyanwa mu kigo cya Gikondo kuko ngo aho kubagorora bakorerwa ibikorwa bihabanye n\u2019ibya kimuntu. Iki cyegeranyo cya HRW kiributsa ko kije gikurikira ibindi byegeranyo nk\u2019icyo mu 2006, 2015 ndetse n\u2019ikindi cyo mu 2016 giheruka ku bigo by\u2019inzererezi birimo na Gikondo. Muri ibyo bigo havugwamo ikibazo HRW yita ko kiri rusange cyo gukubitwa ku babigezemo.<\/p>\n\n\n\n
Uyu muryango uvuga ko guhera mu 2017 mu Rwanda hashyizweho gahunda zo kurandura ubuzererezi byubahirije amategeko , nyamara ngo si ko bimeze ko ibikorwa byo gufunga binyuranyije n\u2019amategeko bikomeje ndetse no guhohotera abatabwa muri yombi barimo n\u2019abana.<\/p>\n\n\n\n
HRW uvuga ko wavuganye n\u2019abana 30 bari hagati y\u2019imyaka 11 na 17 bafashwe bakajyanwa mu kigo cya Gikondo hagati y\u2019ukwa Mbere n\u2019ukwa 10 mu mwaka ushize wa 2019. Uretse abo kinagaruka ku bagenda bagaragaraho imyitwarire mibi, indaya, abanywa ibiyobyabwenge , abasabirizi, abazunguzayi bagiye bafatwa bakamara Gikondo mu mezi agera muri abiri kandi bakahava nta gisobanuro gishingiye ku mategeko.
Ikavuga ko yasanze uko guhohotera abana kwaratangiye ubwo igipolisi n\u2019abandi bashinzwe umutekano barimo abo ku kwero rw\u2019akarere bazwi nka DASSO bafataga abana bo ku mihanda. Ivuga ko hari abana bayibwiye ko bakubitiwe Gikondo nyuma yo kuhagezwa. Bamwe kandi ngo bakihagera bamenyeshwaga ibyo baregwa hakanaba abatarabashije kwemererwa kubona ababunganira cyangwa se abandi bantu bo mu miryango.
<\/p>\n\n\n\n
Mu bana 30 babajije , abakoze icyegeranyo bemeza ko 28 babemereye ko bakubitiwe I Gikondo.HRW kandi ikavuga ko baba mu byumba babyigana batisanzuye, rimwe na rimwe bavanze n\u2019abakuru. Abo bana ngo bavuga ko uburingiti biyoronsa na matelas baryamamo ziba zirimo ibiheri abandi bakemeza ko bemererwa koga rimwe mu cyumweru ndetse bikanabagora kujya mu bwiherero no kubona serivisi z\u2019ubuvuzi . HRW igasa n\u2019iyibutsa u Rwanda ko kuva mu 1991 nk\u2019igihugu cyashyize imikono ku masezerano y\u2019umuryango w\u2019abibumbye arengera uburenganzira bw\u2019umwana yakagombye kubahirizwa.<\/p>\n\n\n\n
Umuryango HRW uvuga ko n\u2019abavanwa Gikondo bakoherezwa mu bindi bigo by\u2019igororamuco bavayo bakazisanga mu buzima bwo mu mihanda kubera ko nta bushobozi baba bagenewe bwabafasha mu miryango yabo hatitawe ku kuba baba babwiwe ko bazongera gutabwa muri yombi. 17 mu bana 30 babajijwe ngo basubiye mu buzererezi. Ikavuga ko ibikorerwa abana bajyanwa I Gikondo bihabanye n\u2019amasezerano nyafurika arebana n\u2019uburenganzira bw\u2019u mwana.<\/p>\n\n\n\n
Yibutsa ko mu kwa Karindwi 2019, Komisiyo y\u2019igihugu y\u2019uburenganzira bwa Muntu yasuye Gikondo igaragaza ikibazo gihoraho cy\u2019aba bana bo mu mihanda ariko ko uwategekaga Gikondo yavuze ko iki kibazo kitabonerwa umuti n\u2019ibigo by\u2019inzererezi.
Kubwa HRW leta y\u2019u Rwanda yagombye guhita ifunga ikigo cya Gikondo ikanahagarika ibikorwa bya hato na hato byo gufata abantu bajyanwa mu nzererezi. HRW kandi igasanga abategetsi b\u2019u Rwanda bagombye guhita barekura abari I Gikondo bose kandi bagatangiza iperereza ryigenga ku buryo uwabigizemo uruhare wese yagezwa imbere y\u2019ubutabera.Igasoza isaba akanama ka LONI gashinzwe uburenganzira bw\u2019umwana kubaza leta y\u2019 u Rwanda impamvu itubahiriza uburenganzira bw\u2019umwana mu gihe ngo yagombye kwitabwaho by\u2019agaciro ndetse no mu cyubahiro.<\/p>\n\n\n\n
Nyuma yo gusoma iki cyegeranyo, ku murongo wa terefone Ijwi ry\u2019Amerika yahamagaye Bwana Johnston Busingye ministri w\u2019ubutabera icyarimwe n\u2019intumwa nkuru ya leta maze ntiyitaba telephone ye ngendanwa. Ubutumwa twamwoherereje haba ku butumwa bugufi busanzwe haba no kubwo twanyujije ku rubuga rwa whatsapp bitugaragarira ko yabusomye nyuma y\u2019iminota itanu bumugezeho maze akaryumaho. Ijwi ry\u2019Amerika kandi ntiyabashije kuvugana n\u2019abakoze icyegeranyo muri HRW.<\/p>\n\n\n\n
Ntitwanabashije kubona abana bafungiwe I Gikondo ariko twavuganye n\u2019abantu bakuru bahatambutse. Badutangarije ko ikigo cya Gikondo kirutwa na gereza nk\u2019uwagize ati \u201c Aho kumarayo umwaka (Gikondo) namara imyaka itanu I Mageragere (muri gereza).\u201d<\/p>\n\n\n\n
Mu bihe bitandukanye Leta y\u2019u Rwanda yakunze kwamaganira kure ibyegeranyo by\u2019umuryango wa HRW ivuga ko bigamije guharabika. Ikavuga ko ibigo by\u2019inzererezi ndetse n\u2019ibyigororamuco bitanga umusaruro kuko ngo ababitambutsemo bahigira gahunda z\u2019uburere mbonera gihugu ndetse n\u2019izo kwiteza imbere. HRW ikavuga ko ibyo Kigali ikora isakuma abafatwa nk\u2019abadakenewe ari ukugira ngo ikomeze kurabagirana.<\/p>\n\n\n\n
Inkuru irambuye na Eric Bagiruwubusa umunyamakuru wa Radio Ijwi ry’Amerika mu Rwanda:<\/p>\n\n\n\n