Kuva mu kwezi kwa Mata 2012, mu burasirazuba bwa Congo mu ntara ya Kivu y\u2019amajyaruguru, harabera imirwano ihuje ingabo za Congo n\u2019umutwe wa M23, ndetse ahagana mu mpera za 2012 uwo mutwe wa M23 washoboye gufata umujyi wa Goma ariko nyuma uza kuwuvamo ku gitutu cy\u2019amahanga ariko Leta ya Congo yemera kujya mu biganiro n\u2019uwo mutwe.<\/p>\n
Mu gihe ibyo biganiro bibera i Kampala byakorwaga haje kubaho ubwumvikane bucye hagati y\u2019abagize umutwe wa M23 aho biciyemo ibice bibiri, igice kimwe gishyigikiye Gen Sultani Makenga umukuru wa gisirikare n\u2019ikindi cyari gishyigikiye Jean Marie Runiga wari umukuru wa politiki bivugwa ko cyari kinashyigikiye Gen Bosco Ntaganda.<\/p>\n
Nyuma y\u2019imirwano ikaze yahuje ibice byombi, igice cya Jean Marie Runiga cyaratsinzwe ndetse abayobozi bacyo bahungira mu Rwanda, si ibyo gusa kuko na Gen Ntaganda yishyikirije ku buryo n\u2019ubu butarasobanuka neza Ambasade ya Amerika i Kigali asaba ko yajyanwa ku rukiko mpuzamahanga Mpanabyaha rwari rumaze igihe rushaka kumuburanisha.<\/p>\n
Ibihugu by\u2019u Rwanda na Uganda byashyizwe mu majwi mu gufasha umutwe wa M23 ndetse hasohoka n\u2019icyegeranyo cy\u2019impuguke za ONU, ibyo byaviriyemo u Rwanda guhabwa akato n\u2019amahanga no guhagarikirwa imfashanyo.<\/p>\n
Mu rwego rwo kumenya uko ubu byifashe muri M23, ikinyamakuru The Rwandan cyegereye umwa mu bayobozi ba M23, Bwana Sendugu Museveni, tumusaba ko twaganira, nawe aradukundira asubiza ibibazo byacu.<\/p>\n
Watangira wibwira muri make abasomyi ba The Rwandan, n’imirimo ushinzwe muri M23?<\/b><\/p>\n
Nitwa Sendugu Museveni, muri M23 ku bwa Bishop Runiga wahoze ari Pr\u00e9sident wa M23 narinshinzwe departement ya politique, ubutegetsi bw\u2019igihugu n’umutekano. Ubu ku yu mupr\u00e9sident mushya Bwana Bertrand Bisimwa nta ex\u00e9cutif irashirwaho, twese turi abacadres ba M23.<\/p>\n
Mushobora kutubwira muri make uburyo M23 yavutse n’impamvu yavutse?<\/b><\/p>\n
M23 nk\u2019uko izina rivuga n’icama cyavutse kubera leta ya Congo itubahirije ibyanditse mu masezerano yagiranye na:
\n-CNDP
\n-Groupes arm\u00e9s du Nord-Kivu
\n-Groupes armes du Sud-Kivu<\/p>\n
yo kwitariki ya 23 y’ukwezi kwa gatatu 2009. (23 Mars 2009) niyo mpamvu y\u2019iri zina M23 bisobanura iyo tariki y\u2019amasezerano.<\/p>\n
M23 yavutse ite? Bamwe mubasinye ayo masezerano bamaze kubona leta ya Congo idashyira mu bikorwa ibyo yiyemeje byabaye ngombwa ko basaba uburenganzira bwabo bashyiraho umutwe wa revendication bawita M23. Impamvu rero birumvikana n\u2019uko leta ya Congo itubahirije amasezerano.<\/p>\n
Habayeho ugucikamo ibice kw’abagize umutwe wa M23, mwatubwira imvo n’imvano y’ayo macakubiri n’uko ubu bimeze?<\/b>\u00a0<\/b><\/p>\n
Ntabwo M23 yacitsemo ibice. Ahubwo hari abaofisiye bayo bashatse gukorana na Gen Bosco Ntaganda mu ibanga, bimenyekanye bagashaka kwigumura, ariko baratsindwa. Abo ba indisciplin\u00e9s ubu bari mu nkambi mu Rwanda aho bahungiye imigambi yabo ibapfubanye.<\/p>\n
Hari raporo za ONU zivuga ko mufashwa n’u Rwanda na Uganda, ibyo ubivugaho iki? Niba atari ibanga intwaro murwanisha muzikura hehe?<\/b><\/p>\n
Ntabwo twigeze dufashwa na rimwe n’u Rwanda cyangwa se Uganda. Izo rapports ntashingiro zigira. Nta n\u2019utazi aho dukura intwaro turwanisha. Umva dufata Bunagana, twahafashe imbunda n\u2019amasasu menshi tunabyereka abanyamakuru b\u2019isi yose. Dufata Goma ho habaye agahomamunwa kw\u2019isi yose. Twahavanye ibikoresho twarwanisha n’imyaka. Ingero:<\/p>\n
– igifaru (char de combat) n\u2019amabombe yacyo amacamions atanu
\n-Missiles zirasa ku birometero ijana
\n-za katiyusha (107mm)
\n– za fotini (14,5mm)
\n– yewe ndetse na za biyemu (BM) enye n\u2019ibindi byishi ntashobora kurondora. Isi yose yarabyiboneye. Mwebwe sinzi impamvu mwarasibye muri ubwo bukwe.<\/p>\n
I Kampala hari imishyikirano ihabera hagati ya M23 na Leta ya Congo. Ese iyo mishyikirano igeze hehe?<\/b><\/p>\n
Ni\u00a0 koko hari imishyikirano hano i Kampala. Ubu najye niho ndi ubu. Ubu turacyaganira, imyanzuro muzayumva ku maradio cyangwa se namwe wiyizire hano Kampala mudacikwa kandi kuri ubu bukwe.<\/p>\n
Muri iyi minsi haravugwa ko hagiye kuza ingabo zidasanzwe za ONU zije kurwanya imitwe y’inyeshyamba muri Congo, ese nta bwoba bibateye? Ko umukuru wa politiki wanyu Bwana Bertrand Bisimwa yatangaje ko muzirwanaho nimuterwa mwumva mufite imbaraga zo guhangana na ONU n’amahanga? Kuki mufite impungenge z’izo ngabo kugeza aho mwandikira inteko zishinga amategeko z’ibihugu bizaturukamo izo ngabo?<\/b><\/p>\n
Ingabo zidasanzwe ni izimeze zite. Ni izitava amaraso cyangwa zidapfa? Nta bwoba dufite na gato kuko tuzi neza ko duharanira ukuri kandi urwanira ukuri ntabwo atsindwa na rimwe. Twandika twashatse kumenyesha ibyo bihugu ko hari urujijo mu myanzuro ya ONU,<\/p>\n
– Rapport sp\u00e9cial ya Bwana Ban ki Moon iravuga mu ngingo zayo ko ibibazo bya Congo bigomba gushakirwa umuti wa politique
\n-Accord cadre ya Addis Abeba isubiramo ibiri muri revandications za M23 kandi urazi ko yazanywe na Bwana Ban ki moon.<\/p>\n
None hanyuma ati haze brigade yo kurwana. Twebwe turavuga tuti ibiganiro bya Kampala se birahagaritswe noneho bahisemo intambara? Niba rero baje barwana icyo gihe n\u2019urugamba.<\/p>\n
Tukabamenyesha ko nibohereza abasirikari babo kudutera icyo gihe abazapfa ntibakabitubaze. Ntibakavuge ngo hapfuye Monusco ahubwo hapfuye ingabo zirwana. Bibuke ko bazazana imbunda yica bagasanga imbunda yica.<\/p>\n
Hari amakuru avuguruzanya avuga uburyo General Bosco Ntaganda yageze muri Ambasade y’Amerika agiye kwishyikiriza urukiko rwa CPI, mwe mwari muhanganye nawe hari amakuru mwaba mufite ku buryo yaba yarahageze?<\/b><\/p>\n
Ayo makuru ntayo dufite, iyo tuyagira twari kumwifatira ubwacu ataragerayo.<\/p>\n
Hakunze kuvugwa amakimbirane hagati y’abanyamasisi n’abanyejomba muri M23 ngo nibyo byateye intambara yabaye mu minsi ishize, ese icyo kibazo ubu kimeze gite?<\/b><\/p>\n
Ehhhhhh! Ni inde muri abo babivuga undusha kuba umunyamasisi? Ni amakimbirane ari muri M23 hagati y\u2019abiyita ngo ni abanyamasisi nabiyita ngo ni abanyejomba? Harya abanyejomba ni bande ko na Gen Makenga atari umunyemasisi ntanabe umunyejomba? None se ko nahagaze ku kuri nahagaze ku nkomoko?<\/p>\n
M23 bikunze kuvugwa ko ngo igamije kurwanirira uburenganzira bw’abatutsi bo muri Congo, kandi bikaba bizwi ko wowe uri umuhutu kandi wahoze ahubwo unarwanya CNDP benshi mubagize M23 babanje kubamo iyo mikoranire ishoboka gute?<\/b><\/p>\n
Ni ukubeshya! M23 ntabwo irwanirira abatutsi bo muri Congo. Nk\u2019uko nabisobanuye mbere, M23 igizwe n\u2019abahoze muri CNDP n\u2019abandi nkanjye nahoze muri PARECO\/FAP. Ndi umuhutu koko, impamvu yaduhuje na CNDP ni uko leta ya Congo yatubeshye twese. Ntabwo rero turwanirira abatutsi ahubwo turwanirira uburenganzira bwacu duhabwa n\u2019amasezerano yo kuri 23 z\u2019ukwa gatatu 2009, usome neza ayo masezerano ntabwo ari ay\u2019abatutsi na Leta ya Congo ahubwo ni ay\u2019abakongomani na Leta ya Congo.<\/p>\n
Mu gusoza ni ubuhe butumwa waha abayoboke ba M23, abakongomani muri rusange, abaturage bo mu karere ndetse n’amahanga?<\/b><\/p>\n
Ubutumwa natanga ni ubu:<\/p>\n
-Ku bacadres ba M23, ntimukangwe n\u2019ibivugwa, ingabo za ARC (Arm\u00e9e R\u00e9volutionnaire Congolaise) zihagaze neza kandi zariteguye.
\n-Ku bakongomani bose, igihugu cyaragambaniwe, muhaguruke twese dufatanye twibohore
\n-Ku baturiye akarere, mwumve ukuntu ONU yivuguruza ishakisha ko abakongomani baguma mu rungabangabo mugere igihe muvuga muti trop c’est trop.<\/p>\n
Murakoze!<\/p>\n
Namwe murakoze Bwana Sendugu Museveni kwemera gusubiza ibibazo byacu.<\/b><\/p>\n
Marc Matabaro<\/p>\n","protected":false},"excerpt":{"rendered":"
Kuva mu kwezi kwa Mata 2012, mu burasirazuba bwa Congo mu ntara ya Kivu y\u2019amajyaruguru, harabera imirwano ihuje ingabo za Congo n\u2019umutwe wa M23, ndetse ahagana mu mpera za 2012 uwo mutwe wa M23 washoboye gufata umujyi wa Goma ariko nyuma uza kuwuvamo ku gitutu cy\u2019amahanga ariko Leta ya Congo yemera kujya mu biganiro n\u2019uwo […]<\/p>\n","protected":false},"author":3,"featured_media":3474,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-3473","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n