Nyuma y\u2019igihe kitari gito asa n\u2019uwateye umugongo Politiki yo mu Rwanda, Mutsindashyaka Th\u00e9oneste yongeye kugirirwa icyizere, aho yagizwe Umunyamabanga Nshingwabikorwa w\u2019Umuryango ushinzwe kurwanya ikwirakwiza ry\u2019intwaro nto n\u2019iziciriritse mu karere k\u2019Ibiyaga Bigari, mu Ihembe rya Afurika no mu bihugu bihana imbibi RECSA (Regional Centre on Small Arms).<\/i><\/p>\n
Itangazo ry\u2019Ibyemezo by\u2019inama y\u2019Abaminisitiri yayobowe na Perezida Kagame yo ku wa 24 Mata 2013, ni bwo Minisitiri w\u2019Umutekano mu Gihugu yamenyesheje Inama y\u2019Abaminisitiri ko Inama y\u2019Abaminisitiri b\u2019Ibihugu bigize Umuryango RECSA (Regional Centre on Small Arms) ushinzwe kurwanya ikwirakwiza ry\u2019intwaro nto n\u2019iziciriritse mu Karere k\u2019Ibiyaga Bigari, mu Ihembe rya Afurika no mu bihugu bihana imbibi, yateraniye i Kigali kuva ku itariki ya 22 kugeza ku ya 23 Mata 2013 yahaye imyanya y\u2018imirimo abakandida batanzwe na Guverinoma y\u2019u Rwanda ari bo Mutsindashyaka Th\u00e9oneste wagizwe Umunyamabanga Mukuru, na SC Kamali Theophile wagizwe Umuyobozi ushinzwe igenamigambi n\u2019ikurikiranabikorwa (Director of Planning and Coordination).<\/p>\n
Mutsindashyaka Th\u00e9oneste yakoze akazi gatandukanye ka Leta, aho yabaye Umuyobozi w\u2019Umujyi wa Kigali, aba Guverineri w\u2019Intara y\u2019Iburasirazuba, aba Umunyamabanga wa Leta muri Minisiteri y\u2019Uburezi, yavuye aho yerekeza muri Gereza Nkuru ya Kigali (1930) aho yakekwagaho kunyereza umutungu wa Leta.<\/p>\n
Mu mwaka wa 2010, ni bwo yasohotse muri gereza agizwe umwere, kuva icyo gihe ntiyongeye kugaragara muri politiki, none nyuma y\u2019imyaka ine afunguye yongerewe kugirirwa icyizere.<\/p>\n