Ibyaha abo basirikare bakurikiranyweho birakekwa ko babikoze mu gihe cy’ibyumweru bibiri ubwo babaga barinze umutekano.<\/p>\n\n\n\n
Ubugenzacyaha bwa gisirikare mu Rwanda bwaramukiye mu gikorwa cyo gukusanyiriza mu ruhame ibimenyetso ku basirikare bo mu ngabo z’u Rwanda bakekwaho guhohotera abaturage i Nyarutarama mu mujyi wa Kigali. Kugeza ubu abakora iperereza bemereye itangazamakuru ko hamaze gutabwa muri yombi abasirikare bagera kuri batanu. Mu byo bakurikiranyweho harimo no gufata ku ngufu abagore n\u2019abakobwa.<\/p>\n\n\n\n
Ikusanyamakuru ku byaha abasirikare bakekwaho ryakorwaga n\u2019ubutabera bwa gisirikare kandi rigakorerwa mu ruhame aho bikekwa ko ibyaha byakorewe. Ku kigo cy\u2019urwunge rw\u2019amashuli rwa Remera hagaragaraga abasirikare benshi cyane barimo abakuru barangajwe imbere na Gen Major Mubaraka Muganga ukuriye ingabo mu mujyi wa Kigali no mu ntara y\u2019iburasirazuba. Ikigo cy\u2019amashuli cyari cyagoswe n\u2019abasirikare, gusa abakekwaho ibyaha bo ntibagaragaye.<\/p>\n\n\n\n
Abaturage batandukanye batuye mu mudugudu wa Kangondo ya II Nyarutarama bakunze guhamagarwa n\u2019ubugenzacyaha bwa gisirikare bukababaza ku byo bazi ku bikurikiranyweho abo basirikare. Umwe mu bakoraga iperereza yabwiye itangazamakuru ko kugeza ubu abasirikare bagera kuri batanu ari bo bamaze gutabwa muri yombi bakekwaho ibyaha bikomeye. Ni mu gihe ku ikubitiro umuvugizi w\u2019igisirikare cy\u2019u Rwanda Lt Col Innocent Munyengango yari yabwiye ijwi ry\u2019Amerika ko abari bahise batabwa muri yombi bari batatu.<\/p>\n\n\n\n
Ubwo Ijwi ry\u2019Amerika yageraga aha Nyarutarama umwe mu bayobozi b\u2019inzego z\u2019ibanze yadutangarije ko ibikorwa by\u2019ihohoterwa birimo no gufata ku ngufu abagore n\u2019abakobwa byari bimaze ibyumweru bibiri bikorwa n\u2019abasirikare bafatanyije n\u2019inkeragutabara. Abahohotewe bakavuga ko bashimishijwe no kuba inzego za gisirikare zahise zifata ikibazo cyabo zikagikurikirana.<\/p>\n\n\n\n
Amakuru agera ku ijwi ry\u2019Amerika avuga ko mu kagari ka Nyarutarama ibikorwa by\u2019urugomo no guhohotera aba baturage byaba byaratangiye ahagana ku matariki ya 12\/03 uyu mwaka wa 2020. Aranavuga ko haba hari inkeragutabara yafatanyaga n\u2019abo basirikare yari yashatse gutoroka ubutabera ariko ifatirwa mu mayira. Ntiharatangazwa icyaha ku kindi mu bikurikiranyweho aba basirikare ariko ibikomeje gushyirwa mu majwi harimo gufata abagore n\u2019abakobwa ku ngufu, gukubita no gukomeretsa n\u2019icyaha cy\u2019ubusahuzi.<\/p>\n\n\n\n
Inzego z\u2019ubugenzacyaha n\u2019ubushinjacyaha bwa gisirikare zadutangarije ko nizirangiza gukusanya ibimenyetso zizahita ziregera urukiko bakatumenyesha umunsi w\u2019urubanza mu mizi mu bihe bya vuba. Zikavuga ko byanze bikunze igisirikare cy\u2019u Rwanda kitarota cyihanganira umuco wo kudahana.<\/p>\n\n\n\n
Inkuru yateguwe n’umumenyeshamakuru w’Ijwi ry’Amerika Eric Bagiruwubusa.<\/p>\n\n\n\n