Amakuru dukesha urubuga igihe.com aravuga ko uwahoze ari Perezida wa Leta Zunze Ubumwe z\u2019Amerika Bill Clinton, azaza mu Rwanda kuyobora imihango yo gutaha ku mugaragaro ibitaro bya Butaro bishinzwe kurwanya kanseri, ku itariki ya 18 Nyakanga 2012.<\/p>\n
Perezida Clinton azifatanya n\u2019abandi batumirwa bazitabira uyu muhango wo gutaha ku mugaragaro ibi bitaro bya Butaro biri mu Ntara y\u2019Amajyaruguru. Ibitaro bya Butaro, byubatswe ku nkunga ya Clinton Foundation, ifatanije na Leta y\u2019u Rwanda, ndetse n\u2019 Umuryango wa Partners in Health.<\/p>\n
Ibi bitaro nibyo bigiye kuba ibya mbere mu Rwanda bizaba bishinzwe kurwanya kanseri, kandi ni byo bizaba ari ibya mbere nk\u2019ibi bizaba byubatswe mu cyaro,ugereranije n\u2019ibindi bihugu byo muri Afurika y\u2019Uburasirazuba.<\/p>\n
Ibitaro bya Butaro ni kimwe mu bikorwa Minisiteri y\u2019Ubuzima yihaye mu myaka 5 yo kurwanya kanseri. Ibarura ryakozwe mu mwaka wa 2010 ryagaragaje ko nibura abantu 2,476 barwaye Kanseri mu Rwanda, muri bo abana ni 312 bari munsi y\u2019imyaka 18.<\/p>\n
Umuryango Partners in Health washinzwe n\u2019Umunyamerika w\u2019umugiraneza kandi akaba n\u2019umuganga ariwe Paul Farmer. Yagize ati : \u201cMu myaka mike ishize, byari ikibazo gikomeye kwita ku barwayi babana n\u2019agakoko gatera SIDA muri Afurika.<\/p>\n
Abantu bavuga ko byari bihenze kandi bigoye, ariko kugeza ubu hafi miliyoni 7 bafata imiti igabanya ubukana mu bihugu biri mu nzira y\u2019amajyambere\u201d. Paul Farmer yongera ho ati : \u201cAbarwayi ba Kanseri nabo tugiye kubitaho\u201d.<\/p>\n
Nkuko ishami ry\u2019Umuryango w\u2019Abibumbye ryita ku buzima(OMS)ribitangaza, nibura abantu bangana na miliyoni 16 bazarwara cancer mu mwaka wa 2020 ku Isi yose. Muri abo 70% bazaturuka mu bihugu biri mu nzira y\u2019amajyambere harimo n\u2019u Rwanda.<\/p>\n
Muri ibi bitaro rero hazabamo gufasha umuntu wese wahura n\u2019ikibazo cya kanseri, agafashwa mu kuvurwa, kubagwa, kwitabwaho n\u2019ibindi.<\/p>\n
Muri ibi bitaro hazajya hanatangirwa amahugurwa mpuzamahanga ku burwayi bwa Kanseri. Nyuma yo gusoma iyi nkuru y\u2019urubuga igihe.com, umuntu yibaza niba uru rugendo rwa Bill Clinton rumaze iminsi rwarateguwe cyangwa ruteguwe muri iyi minsi ibyo gutaha ibitaro bikaba urwitwazo akaba mu by\u2019ukuri azanywe n\u2019ikibazo cya Congo?<\/p>\n
Tubibutse ko Bill Clinton ari mu bafashije cyane FPR mu gufata ubutegetsi muri 1994, ndetse no kwamamaza Genocide, gufunga amaso ku byaha bya FPR, gukoresha ingufu zose ngo ibyaha bya FPR bitamenyekana cyangwa ngo bihanwe.<\/p>\n
Mu 1996 yafatanije na Kagame na Museveni mu gutera Congo no gutsemba impunzi z\u2019abanyarwanda, atanga intwaro, atanga amakuru y\u2019ibyogajuru n\u2019indege byerekana aho impunzi zihishe ngo zicwe, gufunga amaso ku iyicwa ry\u2019impunzi no kwanga kuzitabariza, gukoresha ingufu ngo hatagira amakuru amenyekana ku bwicanyi n\u2019ubusahuzi byakorwaga na FPR muri Congo n\u2019ibindi.
\nBivugwa ko Bill Clinton na Tony Blair wahoze ari Ministre w\u2019intebe mu Bwongereza ari abajyanama n\u2019inshuti za Perezida Kagame, kuba Bill Clinton aje mu Rwanda muri iki gihe intambara isa nk\u2019itutumba mu karere byaba ari uburyo bwo kureba ubuntu we na Kagame bagerageza gukemura ikibazo cya Congo batahasize ibaba kuko hari ibimenyetso byinshi batitonze byazabakoraho.<\/p>\n
Bill Clinton na Tony Blair bahoze ari abakuru b\u2019ibihugu by\u2019ibihangange ku buryo bakingirwa ikibaba ariko muri bose nta n\u2019umwe ukeneye ko izina rye cyangwa ibihugu byabo bitungwa agatoki mu byaha ndenga kamere byabereye mu karere k\u2019ibiyaga bigari.<\/p>\n
Ubwanditsi<\/strong><\/p>\n","protected":false},"excerpt":{"rendered":" Amakuru dukesha urubuga igihe.com aravuga ko uwahoze ari Perezida wa Leta Zunze Ubumwe z\u2019Amerika Bill Clinton, azaza mu Rwanda kuyobora imihango yo gutaha ku mugaragaro ibitaro bya Butaro bishinzwe kurwanya kanseri, ku itariki ya 18 Nyakanga 2012.<\/p>\n","protected":false},"author":3,"featured_media":360,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64,62],"tags":[],"class_list":["post-359","post","type-post","status-publish","format-standard","has-post-thumbnail","hentry","category-amakuru","category-politiki"],"yoast_head":"\n